ΙΒ΄ Ματθαίου

Άγιοι, εορταί, και Αναγνώσεις – Κυριακή, 31 Αυγούστου 2025
Άγιοι και εορταί: ΙΒ΄ Ματθαίου; Κατάθεσις Ζώνης Θεοτόκου; Κυπριανός Καρχηδόνος; Γεννάδιος Β΄ του Σχολάριος, πατριαρχής της Κων/πόλεως; Έϊνταν Επίσκοπος του Λιντισφάρν; ;
Ανάγνωσις Ευαγγελίου Όρθρου: Κατά Ματθαίον 28:16-20
Τω καιρώ εκείνω, οι ένδεκα μαθηταί επορεύθησαν εις την Γαλιλαίαν, εις το Όρος, ού ετάξατο αυτοίς ο Ιησούς. Και ιδόντες αυτόν, προσεκύνησαν αυτώ· οι δε εδίστασαν. Και προσελθών ο Ιησούς, ελάλησεν αυτοίς, λέγων· Εδόθη μοι πάσα εξουσία εν ουρανώ και επί της γής. Πορευθέντες ούν, μαθητεύσατε πάντα τα έθνη, βαπτίζοντες αυτούς εις το όνομα του Πατρός, και του Υιού, και του Αγίου Πνεύματος· διδάσκοντες αυτούς τηρείν πάντα όσα ενετειλάμην υμίν. Και ιδού, εγώ μεθ’ υμών ειμι πάσας τάς ημέρας, έως της συντελείας του αιώνος. Αμήν.
Ανάγνωσις Επιστολής: Εβρ. 9:1-7
Αδελφοί, είχεν η πρώτη σκηνή δικαιώματα λατρείας, το τε άγιον κοσμικόν. Σκηνή γαρ κατεσκευάσθη η πρώτη, εν ή ή τε λυχνία και η τράπεζα και η πρόθεσις των άρτων, ήτις λέγεται άγια. Μετά δε το δεύτερον καταπέτασμα σκηνή η λεγομένη άγια αγίων, χρυσούν έχουσα θυμιατήριον, και την κιβωτόν της διαθήκης περικεκαλυμμένην πάντοθεν χρυσίω, εν ή στάμνος χρυσή έχουσα το μάννα, και η ράβδος Ααρών η βλαστήσασα, και αι πλάκες της διαθήκης· υπεράνω δε αυτής Χερουβίμ δόξης κατασκιάζοντα το ιλαστήριον· περί ών ουκ έστιν νύν λέγειν κατά μέρος. Τούτων δε ούτως κατεσκευασμένων, εις μέν την πρώτην σκηνήν διά παντός εισίασιν οι ιερείς, τάς λατρείας επιτελούντες· εις δε την δευτέραν άπαξ του ενιαυτού μόνος ο αρχιερεύς, ου χωρίς αίματος, ό προσφέρει υπέρ εαυτού και των του λαού αγνοημάτων·
Ανάγνωσις Ευαγγελίου: Κατά Ματθαίον 19:16-26
Τω καιρώ εκείνω, νεανίσκος τις προσήλθε τω Ιησού, γονυπετών αυτόν, και λέγων· Διδάσκαλε αγαθέ, τί αγαθόν ποιήσω ίνα έχω ζωήν αιώνιον; ‘O δε είπεν αυτώ· τί με λέγεις αγαθόν; ουδείς αγαθός ει μή εις ο Θεός. ει δε θέλεις εισελθείν εις την ζωήν, τήρησον τάς εντολάς. λέγει αυτώ· ποίας; ο δε ᾿Ιησούς είπε· το ου φονεύσεις, ου μοιχεύσεις, ου κλέψεις, ου ψευδομαρτυρήσεις, τίμα τον πατέρα και την μητέρα, και αγαπήσεις τον πλησίον σου ως σεαυτόν. λέγει αυτώ ο νεανίσκος· πάντα ταύτα εφυλαξάμην εκ νεότητός μου· τί έτι υστερώ; έφη αυτώ ο ῾Ιησούς· ει θέλεις τέλειος είναι, ύπαγε πώλησόν σου τα υπάρχοντα και δός πτωχοίς, και έξεις θησαυρόν εν ουρανώ, και δεύρο ακολούθει μοι. ακούσας δε ο νεανίσκος τον λόγον απήλθε λυπούμενος· ήν γαρ έχων κτήματα πολλά. ῾Ο δε ᾿Ιησούς είπε τοις μαθηταίς αυτού· αμήν λέγω υμίν ότι δυσκόλως πλούσιος εισελεύσεται εις την βασιλείαν των ουρανών. πάλιν δε λέγω υμίν, ευκοπώτερόν εστι κάμηλον διά τρυπήματος ραφίδος διελθείν ή πλούσιον εις την βασιλείαν του Θεού εισελθείν. ακούσαντες δε οι μαθηταί αυτού εξεπλήσσοντο σφόδρα λέγοντες· τις άρα δύναται σωθήναι; εμβλέψας δε ο ᾿Ιησούς είπεν αυτοίς· παρά ανθρώποις τούτο αδύνατόν εστι, παρά δε Θεώ πάντα δυνατά εστι.