Απόδοσις της εορτής της τιμίας Κεφαλής του Προδρόμου

Άγιοι, εορταί, και Αναγνώσεις – Σάββατο, 30 Αυγούστου 2025
Άγιοι και εορταί: Απόδοσις της εορτής της τιμίας Κεφαλής του Προδρόμου; Αλέξανδρος, Παύλος, Ιωάννης Πατριάρχοι Κωνστ.; Φάντινος της Καλαβρίας; 16 οσιομάρτυρες της Θήβας; 6 μάρτυρες της Μελιτηνής; Σύναξις των Ιεραρχών Σερβίας; Νεομάρτυρες Σερβίας; Φιάκρε ο Ερμίτης
Ανάγνωσις Επιστολής: Α’ Κορινθ. 1:26-31, 2:1-5
Αδελφοί, βλέπετε γαρ την κλήσιν υμών, αδελφοί, ότι ου πολλοί σοφοί κατά σάρκα, ου πολλοί δυνατοί, ου πολλοί ευγενείς· αλλά τα μωρά του κόσμου εξελέξατο ο θεός, ίνα τους σοφούς καταισχύνη· και τα ασθενή του κόσμου εξελέξατο ο θεός, ίνα καταισχύνη τα ισχυρά· και τα αγενή του κόσμου και τα εξουθενημένα εξελέξατο ο θεός, και τα μή όντα, ίνα τα όντα καταργήση· όπως μή καυχήσηται πάσα σάρξ ενώπιον του θεού. Εξ αυτού δε υμείς εστε εν Χριστώ Ιησού, ός εγενήθη ημίν σοφία από θεού, δικαιοσύνη τε και αγιασμός, και απολύτρωσις· ίνα, καθώς γέγραπται, Ο καυχώμενος, εν κυρίω καυχάσθω. Καγώ ελθών πρός υμάς, αδελφοί, ήλθον ου καθʼ υπεροχήν λόγου ή σοφίας καταγγέλλων υμίν το μαρτύριον του θεού. Ου γαρ έκρινα του ειδέναι τι εν υμίν, ει μή Ιησούν Χριστόν, και τούτον εσταυρωμένον. Και εγώ εν ασθενεία και εν φόβω και εν τρόμω πολλώ εγενόμην πρός υμάς. Και ο λόγος μου και το κήρυγμά μου ουκ εν πειθοίς ανθρωπίνης σοφίας λόγοις, αλλʼ εν αποδείξει πνεύματος και δυνάμεως· ίνα η πίστις υμών μή ᾖ εν σοφία ανθρώπων, αλλʼ εν δυνάμει θεού.
Ανάγνωσις Ευαγγελίου: Κατά Ματθαίον 20:29-34
Τω καιρώ εκείνω, εκπορευομένων αυτών από ῾Ιεριχώ ηκολούθησεν αυτώ όχλος πολύς. καί ιδού δύο τυφλοί καθήμενοι παρά την οδόν, ακούσαντες ότι ᾿Ιησούς παράγει, έκραξαν λέγοντες· ελέησον ημάς, Κύριε, υιός Δαυΐδ. ο δε όχλος επετίμησεν αυτοίς ίνα σιωπήσωσιν· οι δε μείζον έκραζον λέγοντες· ελέησον ημάς, Κύριε, υιός Δαυΐδ. καί στάς ο ᾿Ιησούς εφώνησεν αυτούς και είπε· τί θέλετε ποιήσω υμίν; λέγουσιν αυτώ· Κύριε, ίνα ανοιχθώσιν ημών οι οφθαλμοί. σπλαγχνισθείς δε ο ᾿Ιησούς ήψατο των οφθαλμών αυτών, και ευθέως ανέβλεψαν αυτών οι οφθαλμοί, και ηκολούθησαν αυτώ.