Η΄ Ματθαίου

Άγιοι, εορταί, και Αναγνώσεις – Κυριακή, 3 Αυγούστου 2025
Άγιοι και εορταί: Η΄ Ματθαίου; Όσιοι Ισαάκιος, Δαλμάτος και Φαύστος; Σαλώμη, η Μυροφόρος; Θεόκτιστος ο Θαυματουργός
Ημέρα Νηστείας (Κατάλυσις οίνου και ελαίου)
Ανάγνωσις Ευαγγελίου Όρθρου: Κατά Ιωάννην 20:11-18
Τω καιρώ εκείνω, Μαρία ειστήκει πρός το μνημείον κλαίουσα έξω· ως ούν έκλαιε, παρέκυψεν εις το μνημείον, και θεωρεί δύο αγγέλους εν λευκοίς καθεζομένους, ένα πρός τη κεφαλή, και ένα πρός τοις ποσίν, όπου έκειτο το σώμα του Ιησού, και λέγουσιν αυτή εκείνοι· Γύναι, τί κλαίεις; λέγει αυτοίς· Ότι ᾖραν τον Κύριόν μου, και ουκ οίδα πού έθηκαν αυτόν· και ταύτα ειπούσα εστράφη εις τα οπίσω, και θεωρεί τον Ιησούν εστώτα, και ουκ ᾒδει ότι Ιησούς εστι. Λέγει αυτή ο Ιησούς· Γύναι, τί κλαίεις; τίνα ζητείς; εκείνη δοκούσα ότι ο κηπουρός εστι, λέγει αυτώ· Κύριε, ει σύ εβάστασας αυτόν, ειπέ μοι πού αυτόν έθηκας, κᾀγώ αυτόν αρώ· λέγει αυτή ο Ιησούς· Μαρία· στραφείσα εκείνη λέγει αυτώ· Ῥαββουνί· ό λέγεται Διδάσκαλε· λέγει αυτή ο Ιησούς, Μή μου άπτου· ούπω γαρ αναβέβηκα πρός τον πατέρα μου, πορεύου δε πρός τους αδελφούς μου, και ειπέ αυτοίς· Αναβαίνω πρός τον πατέρα μου και πατέρα υμών, και Θεόν μου και Θεόν υμών· έρχεται Μαρία η Μαγδαληνή απαγγέλλουσα τοις μαθηταίς ότι εώρακε τον Κύριον· και ταύτα είπεν αυτή.
Ανάγνωσις Επιστολής: Α’ Κορινθ. 1:10-17
Αδελφοί, παρακαλώ δε υμάς, αδελφοί, διά του ονόματος του κυρίου ημών Ιησού Χριστού, ίνα το αυτό λέγητε πάντες, και μή ᾖ εν υμίν σχίσματα, ήτε δε κατηρτισμένοι εν τω αυτώ νοῒ και εν τη αυτή γνώμη. Εδηλώθη γαρ μοι περί υμών, αδελφοί μου, υπό των Χλόης, ότι έριδες εν υμίν εισιν. Λέγω δε τούτο, ότι έκαστος υμών λέγει, Εγώ μέν ειμι Παύλου, Εγώ δε Απολλώ, Εγώ δε Κηφά, Εγώ δε Χριστού. Μεμέρισται ο Χριστός; Μή Παύλος εσταυρώθη υπέρ υμών, ή εις το όνομα Παύλου εβαπτίσθητε; Ευχαριστώ τω θεώ ότι ουδένα υμών εβάπτισα, ει μή Κρίσπον και Γάϊον· ίνα μή τις είπη ότι εις το εμόν όνομα εβάπτισα. Εβάπτισα δε και τον Στεφανά οίκον· λοιπόν ουκ οίδα ει τινα άλλον εβάπτισα. Ου γαρ απέστειλέν με Χριστός βαπτίζειν, αλλʼ ευαγγελίζεσθαι· ουκ εν σοφία λόγου, ίνα μή κενωθή ο σταυρός του Χριστού.
Ανάγνωσις Ευαγγελίου: Κατά Ματθαίον 14:14-22
Τω καιρώ εκείνω, εξελθών ο ᾿Ιησούς είδε πολύν όχλον, και εσπλαγχνίσθη επ᾿ αυτοίς και εθεράπευσε τους αρρώστους αυτών. οψίας δε γενομένης προσήλθον αυτώ οι μαθηταί αυτού λέγοντες· έρημός εστιν ο τόπος και η ώρα ήδη παρήλθεν· απόλυσον τους όχλους, ίνα απελθόντες εις τάς κώμας αγοράσωσιν εαυτοίς βρώματα. ο δε ᾿Ιησούς είπεν αυτοίς· ου χρείαν έχουσιν απελθείν· δότε αυτοίς υμείς φαγείν. οι δε λέγουσιν αυτώ· ουκ έχομεν ώδε ει μή πέντε άρτους και δύο ιχθύας. ο δε είπε· φέρετέ μοι αυτούς ώδε. καί κελεύσας τους όχλους ανακλιθήναι επί τους χόρτους, λαβών τους πέντε άρτους και τους δύο ιχθύας, αναβλέψας εις τον ουρανόν ευλόγησε, και κλάσας έδωκε τοις μαθηταίς τους άρτους, οι δε μαθηταί τοις όχλοις. καί έφαγον πάντες και εχορτάσθησαν, και ήραν το περισσεύον των κλασμάτων δώδεκα κοφίνους πλήρεις. οι δε εσθίοντες ήσαν άνδρες ωσεί πεντακισχίλιοι χωρίς γυναικών και παιδίων. Και ευθέως ηνάγκασεν ο Ιησούς τους μαθητάς αυτού εμβήναι εις το πλοίον και προάγειν αυτόν εις το πέραν, έως ού απολύση τους όχλους.