Πρόκλος και Ιλάριος, Μάρτυρες

Άγιοι, εορταί, και Αναγνώσεις – Σάββατο, 12 Ιουλίου 2025
Άγιοι και εορταί: Πρόκλος και Ιλάριος, Μάρτυρες; Μιχαήλ ο Μαλεϊνος; Γεράσιμος ο Βυζάντιος και Ακάκιος ο νέος ασκητός; Παΐσιος ο Αγιορείτης; Βερονίκη η αιμορροούσα; Ανδρέου του στρατηλάτου
Ανάγνωσις Επιστολής: Ρωμ. 8:14-21
Αδελφοί, όσοι πνεύματι θεού άγονται, ούτοί εισιν υιοί θεού. Ου γαρ ελάβετε πνεύμα δουλείας πάλιν εις φόβον, αλλʼ ελάβετε πνεύμα υιοθεσίας, εν ώ κράζομεν, Αββα, ο πατήρ. Αυτό το πνεύμα συμμαρτυρεί τω πνεύματι ημών, ότι εσμέν τέκνα θεού· ει δε τέκνα, και κληρονόμοι· κληρονόμοι μέν θεού, συγκληρονόμοι δε Χριστού· είπερ συμπάσχομεν, ίνα και συνδοξασθώμεν. Λογίζομαι γαρ ότι ουκ άξια τα παθήματα του νύν καιρού πρός την μέλλουσαν δόξαν αποκαλυφθήναι εις ημάς. Η γαρ αποκαραδοκία της κτίσεως την αποκάλυψιν των υιών του θεού απεκδέχεται. Τη γαρ ματαιότητι η κτίσις υπετάγη, ουχ εκούσα, αλλά διά τον υποτάξαντα, επʼ ελπίδι· ότι και αυτή η κτίσις ελευθερωθήσεται από της δουλείας της φθοράς εις την ελευθερίαν της δόξης των τέκνων του θεού.
Ανάγνωσις Ευαγγελίου: Κατά Ματθαίον 9:9-13
Τω καιρώ εκείνω, παράγων ο ῾Ιησούς εκείθεν είδεν άνθρωπον καθήμενον επί το τελώνιον, Ματθαίον λεγόμενον, και λέγει αυτώ· ακολούθει μοι. και αναστάς ηκολούθησεν αυτώ. Και εγένετο αυτού ανακειμένου εν τη οικία, και ιδού πολλοί τελώναι και αμαρτωλοί ελθόντες συνανέκειντο τω ᾿Ιησού και τοις μαθηταίς αυτού. καί ιδόντες οι Φαρισαίοι είπον τοις μαθηταίς αυτού· διατί μετά των τελωνών και αμαρτωλών εσθίει ο διδάσκαλος υμών; ο δε ᾿Ιησούς ακούσας είπεν αυτοίς· ου χρείαν έχουσιν οι ισχύοντες ιατρού, αλλ᾿ οι κακώς έχοντες. πορευθέντες δε μάθετε τί εστιν έλεον θέλω και ου θυσίαν. ου γαρ ήλθον καλέσαι δικαίους, αλλά αμαρτωλούς εις μετάνοιαν.