Ευφημία Μεγαλομάρτυς

Άγιοι, εορταί, και Αναγνώσεις – Παρασκευή, 11 Ιουλίου 2025
Άγιοι και εορταί: Ευφημία Μεγαλομάρτυς; Όλγα η Ισαπόστολος; Όσιος Νεκταρίος; Οσίος Σωφρονίος του Αγιορείτου; Νεομάρτυρος Νικοδήμου
Αυστηρή Νηστεία
Ανάγνωσις Ευαγγελίου Όρθρου: Κατά Μάρκον 5:24-34
Τω καιρώ εκείνω, ηκολούθει τω Ιησού όχλος πολύς, και συνέθλιβον αυτόν. Και γυνή τις ούσα εν ρύσει αίματος έτη δώδεκα, καί πολλά παθούσα υπό πολλών ιατρών και δαπανήσασα τα παρ᾿ εαυτής πάντα, και μηδέν ωφεληθείσα, αλλά μάλλον εις το χείρον ελθούσα, ακούσασα περί του ᾿Ιησού, ελθούσα εν τω όχλω όπισθεν ήψατο του ιματίου αυτού· έλεγε γαρ εν εαυτή ότι εάν άψωμαι κάν των ιματίων αυτού, σωθήσομαι. καί ευθέως εξηράνθη η πηγή του αίματος αυτής, και έγνω τω σώματι ότι ίαται από της μάστιγος. καί ευθέως ο ᾿Ιησούς επιγνούς εν εαυτώ την εξ αυτού δύναμιν εξελθούσαν, επιστραφείς εν τω όχλω έλεγε· τίς μου ήψατο των ιματίων; καί έλεγον αυτώ οι μαθηταί αυτού· βλέπεις τον όχλον συνθλίβοντά σε, και λέγεις τίς μου ήψατο; καί περιεβλέπετο ιδείν την τούτο ποιήσασαν. η δε γυνή φοβηθείσα και τρέμουσα, ειδυία ό γέγονεν επ᾿ αυτή, ήλθε και προσέπεσεν αυτώ και είπεν αυτώ πάσαν την αλήθειαν. ο δε είπεν αυτή· θύγατερ, η πίστις σου σέσωκέ σε· ύπαγε εις ειρήνην, και ίσθι υγιής από της μάστιγός σου.
Ανάγνωσις Επιστολής: Β’ Κορινθ. 6:1-10
Αδελφοί, συνεργούντες δε και παρακαλούμεν μή εις κενόν την χάριν του θεού δέξασθαι υμάς – λέγει γάρ, Καιρώ δεκτώ επήκουσά σου, και εν ημέρα σωτηρίας εβοήθησά σοι· ιδού, νύν καιρός ευπρόσδεκτος, ιδού, νύν ημέρα σωτηρίας – μηδεμίαν εν μηδενί διδόντες προσκοπήν, ίνα μή μωμηθή η διακονία· αλλʼ εν παντί συνιστώντες εαυτούς ως θεού διάκονοι, εν υπομονή πολλή, εν θλίψεσιν, εν ανάγκαις, εν στενοχωρίαις, εν πληγαίς, εν φυλακαίς, εν ακαταστασίαις, εν κόποις, εν αγρυπνίαις, εν νηστείαις, εν αγνότητι, εν γνώσει, εν μακροθυμία, εν χρηστότητι, εν πνεύματι αγίω, εν αγάπη ανυποκρίτω, εν λόγω αληθείας, εν δυνάμει θεού, διά των όπλων της δικαιοσύνης των δεξιών και αριστερών, διά δόξης και ατιμίας, διά δυσφημίας και ευφημίας· ως πλάνοι και αληθείς· ως αγνοούμενοι, και επιγινωσκόμενοι· ως αποθνῄσκοντες, και ιδού, ζώμεν· ως παιδευόμενοι, και μή θανατούμενοι· ως λυπούμενοι, αεί δε χαίροντες· ως πτωχοί, πολλούς δε πλουτίζοντες· ως μηδέν έχοντες, και πάντα κατέχοντες.
Ανάγνωσις Ευαγγελίου: Κατά Λουκάν 7:36-50
Τω καιρώ εκείνω, ᾿Ηρώτα δέ τις αυτόν των Φαρισαίων ίνα φάγη μετ᾿ αυτού· και εισελθών εις την οικίαν του Φαρισαίου ανεκλίθη. και ιδού γυνή εν τη πόλει ήτις ήν αμαρτωλός, και επιγνούσα ότι ανάκειται εν τη οικία του Φαρισαίου, κομίσασα αλάβαστρον μύρουκαί στάσα οπίσω παρά τους πόδας αυτού κλαίουσα, ήρξατο βρέχειν τους πόδας αυτού τοις δάκρυσι και ταις θριξί της κεφαλής αυτής εξέμασσε, και κατεφίλει τους πόδας αυτού και ήλειφε τω μύρω. ιδών δε ο Φαρισαίος ο καλέσας αυτόν είπεν εν εαυτώ λέγων· ούτος ει ήν προφήτης, εγίνωσκεν άν τίς και ποταπή η γυνή ήτις άπτεται αυτού, ότι αμαρτωλός εστι. και αποκριθείς ο ᾿Ιησούς είπε πρός αυτόν· Σίμων, έχω σοί τι ειπείν. ο δέ φησι· διδάσκαλε, ειπέ. δύο χρεωφειλέται ήσαν δανειστή τινι· ο εις ώφειλε δηνάρια πεντακόσια, ο δε έτερος πεντήκοντα. μή εχόντων δε αυτών αποδούναι, αμφοτέροις εχαρίσατο· τίς ούν αυτών, ειπέ, πλείον αυτόν αγαπήσει; αποκριθείς δε ο Σίμων είπεν· υπολαμβάνω ότι ώ το πλείον εχαρίσατο. ο δε είπεν αυτώ· ορθώς έκρινας. και στραφείς πρός την γυναίκα τω Σίμωνι έφη· βλέπεις ταύτην την γυναίκα; εισήλθόν σου εις την οικίαν, ύδωρ επί τους πόδας μου ουκ έδωκας· αύτη δε τοις δάκρυσιν έβρεξέ μου τους πόδας και ταις θριξί της κεφαλής αυτής εξέμαξε. φίλημά μοι ουκ έδωκας· αύτη δε αφ᾿ ής εισήλθεν ου διέλιπε καταφιλούσά μου τους πόδας. ελαίω την κεφαλήν μου ουκ ήλειψας· αύτη δε μύρω ήλειψέ μου τους πόδας. ού χάριν λέγω σοι, αφέωνται αι αμαρτίαι αυτής αι πολλαί, ότι ηγάπησε πολύ· ώ δε ολίγον αφίεται, ολίγον αγαπά. είπε δε αυτή· αφέωνταί σου αι αμαρτίαι. και ήρξαντο οι συνανακείμενοι λέγειν εν εαυτοίς· τίς ούτός εστιν ός και αμαρτίας αφίησιν; είπε δε πρός την γυναίκα· η πίστις σου σέσωκέ σε· πορεύου εις ειρήνην.