Όσιος Ιλαρίων ο Νέος

Άγιοι, εορταί, και Αναγνώσεις – Παρασκευή, 28 Μαρτίου 2025
Άγιοι και εορταί: Όσιος Ιλαρίων ο Νέος; Ηρωδίων, εκ των 70; Στέφανος ο Θαυματουργός
Αυστηρή Νηστεία
Ανάγνωσις Παλαιᾱς Διαθήκης: Ησαΐας 29:13-23
Και είπε Κύριος· εγγίζει μοι ο λαός ούτος εν τω στόματι αυτού και εν τοις χείλεσιν αυτών τιμώσί με, η δε καρδία αυτών πόρρω απέχει απ᾿ εμού· μάτην δε σέβονταί με διδάσκοντες εντάλματα ανθρώπων και διδασκαλίας. διά τούτο ιδού εγώ προσθήσω του μετατεθήναι τον λαόν τούτον και μεταθήσω αυτούς και απολώ την σοφίαν των σοφών και την σύνεσιν των συνετών κρύψω. ουαί οι βαθέως βουλήν ποιούντες και ου διά Κυρίου· ουαί οι εν κρυφή βουλήν ποιούντες και έσται εν σκότει τα έργα αυτών και ερούσι· τίς εώρακεν ημάς; και τίς ημάς γνώσεται ή ά ημείς ποιούμεν; ουχ ως ο πηλός του κεραμέως λογισθήσεσθε; μή ερεί το πλάσμα τω πλάσαντι αυτό· ου σύ με έπλασας; ή το ποίημα τω ποιήσαντι· ου συνετώς με εποίησας;
ουκέτι μικρόν και μετατεθήσεται ο Λίβανος, ως το όρος το Χέρμελ και το Χέρμελ εις δρυμόν λογισθήσεται; και ακούσονται εν τη ημέρα εκείνη κωφοί λόγους βιβλίου, και οι εν τω σκότει και οι εν τη ομίχλη οφθαλμοί τυφλών όψονται· και αγαλλιάσονται πτωχοί διά Κύριον εν ευφροσύνη, και οι απηλπισμένοι των ανθρώπων εμπλησθήσονται ευφροσύνης. εξέλιπεν άνομος, και απώλετο υπερήφανος, και εξωλοθρεύθησαν οι ανομούντες επί κακία, και οι ποιούντες αμαρτείν ανθρώπους εν λόγω· πάντας δε τους ελέγχοντας εν πύλαις πρόσκομμα θήσουσιν ότι επλαγίασαν επ᾿ αδίκοις δίκαιον.
διά τούτο τάδε λέγει Κύριος επί τον οίκον ᾿Ιακώβ, όν αφώρισεν εξ ῾Αβραάμ· ου νύν αισχυνθήσεται ᾿Ιακώβ, ουδέ νύν το πρόσωπον μεταβαλεί ᾿Ισραήλ· αλλ᾿ όταν ίδωσι τα τέκνα αυτών τα έργα μου, δι᾿ εμέ αγιάσουσιν το όνομά μου και αγιάσουσιν τον άγιον ᾿Ιακώβ και τον Θεόν του ᾿Ισραήλ φοβηθήσονται.
Ανάγνωσις Παλαιᾱς Διαθήκης: Γένεσις 12:1-7
Και είπε Κύριος τω ῞Αβραμ· έξελθε εκ της γής σου και εκ της συγγενείας σου και εκ του οίκου του πατρός σου και δεύρο εις την γήν, ήν άν σοι δείξω· και ποιήσω σε εις έθνος μέγα και ευλογήσω σε και μεγαλυνώ το όνομά σου, και έση ευλογημένος· και ευλογήσω τους ευλογούντάς σε και τους καταρωμένους σε καταράσομαι· και ενευλογηθήσονται εν σοί πάσαι αι φυλαί της γής. και επορεύθη ῞Αβραμ, καθάπερ ελάλησεν αυτώ Κύριος, και ᾤχετο μετ᾿ αυτού Λώτ. ῞Αβραμ δε ήν ετών εβδομηκονταπέντε, ότε εξήλθε εκ Χαρράν. και έλαβεν ῞Αβραμ Σάραν την γυναίκα αυτού και τον Λώτ υιόν του αδελφού αυτού και πάντα τα υπάρχοντα αυτών, όσα εκτήσαντο, και πάσαν ψυχήν, ήν εκτήσαντο εκ Χαρράν, και εξήλθοσαν πορευθήναι εις γήν Χαναάν. και διώδευσεν ῞Αβραμ την γήν εις το μήκος αυτής έως του τόπου Συχέμ, επί την δρύν την υψηλήν· οι δε Χαναναίοι τότε κατῴκουν την γήν. και ώφθη Κύριος τω ῞Αβραμ και είπεν αυτώ· τω σπέρματί σου δώσω την γήν ταύτην. και ᾠκοδόμησεν εκεί ῞Αβραμ θυσιαστήριον Κυρίω τω οφθέντι αυτώ.
Ανάγνωσις Παλαιᾱς Διαθήκης: Παροιμίαι 14:15-26
Των εαυτού οδών πλησθήσεται θρασυκάρδιος, από δε των διανοημάτων αυτού ανήρ αγαθός. άκακος πιστεύει παντί λόγω, πανούργος δε έρχεται εις μετάνοιαν. σοφός φοβηθείς εξέκλινεν από κακού, ο δε άφρων εαυτώ πεποιθώς μίγνυται ανόμω. οξύθυμος πράσσει μετά αβουλίας, ανήρ δε φρόνιμος πολλά υποφέρει. μεριούνται άφρονες κακίαν, οι δε πανούργοι κρατήσουσιν αισθήσεως. ολισθήσουσι κακοί έναντι αγαθών, και ασεβείς θεραπεύσουσι θύρας δικαίων. φίλοι μισήσουσι φίλους πτωχούς, φίλοι δε πλουσίων πολλοί. ο ατιμάζων πένητας αμαρτάνει, ελεών δε πτωχούς μακαριστός. πλανώμενοι τεκταίνουσι κακά, έλεον δε και αλήθειαν τεκταίνουσιν αγαθοί. ουκ επίστανται έλεον και πίστιν τέκτονες κακών, ελεημοσύναι δε και πίστεις παρά τέκτοσιν αγαθοίς. εν παντί μεριμνώντι ένεστι περισσόν, ο δε ηδύς και ανάλγητος εν ενδεία έσται. στέφανος σοφών πλούτος αυτών, η δε διατριβή αφρόνων κακή. ρύσεται εκ κακών ψυχήν μάρτυς πιστός, εκκαίει δε ψεύδη δόλιος. εν φόβω Κυρίου ελπίς ισχύος, τοις δε τέκνοις αυτού καταλείπει έρεισμα.