Χρύσανθος και Δαρεία, Μάρτυρες

Άγιοι, εορταί, και Αναγνώσεις – Τετάρτη, 19 Μαρτίου 2025
Άγιοι και εορταί: Χρύσανθος και Δαρεία, Μάρτυρες; Δημήτριος, Νεομάρτυς
Αυστηρή Νηστεία
Ανάγνωσις Παλαιᾱς Διαθήκης: Ησαΐας 10:12-20
Και έσται, όταν συντελέση Κύριος πάντα ποιών εν τω όρει Σιών και εν ῾Ιερουσαλήμ, επάξει επί τον νούν τον μέγαν, τον άρχοντα των ᾿Ασσυρίων, και επί το ύψος της δόξης των οφθαλμών αυτού. είπε γάρ· εν τη ισχύϊ ποιήσω και εν τη σοφία της συνέσεως, αφελώ όρια εθνών και την ισχύν αυτών προνομεύσω και σείσω πόλεις κατοικουμένας και την οικουμένην όλην καταλήψομαι τη χειρί ως νοσσιάν και ως καταλελειμμένα ωά αρώ, και ουκ έστιν ός διαφεύξεταί με ή αντείπη μοι. μή δοξασθήσεται αξίνη άνευ του κόπτοντος εν αυτή; ή υψωθήσεται πρίων άνευ του έλκοντος αυτόν; ωσαύτως εάν τις άρη ράβδον ή ξύλον. και ουχ ούτως, αλλά αποστελεί Κύριος σαβαώθ εις την σήν τιμήν ατιμίαν, και εις την σήν δόξαν πύρ καιόμενον καυθήσεται. και έσται το φώς του ᾿Ισραήλ εις πύρ και αγιάσει αυτόν εν πυρί καιομένω και φάγεται ωσεί χόρτον την ύλην. τη ημέρα εκείνη αποσβεσθήσεται τα όρη και οι βουνοί και οι δρυμοί, και καταφάγεται από ψυχής έως σαρκών· και έσται ο φεύγων ως ο φεύγων από φλογός καιομένης· και οι καταλειφθέντες απ᾿ αυτών αριθμός έσονται, και παιδίον γράψει αυτούς. Και έσται εν τη ημέρα εκείνη ουκέτι προστεθήσεται το καταλειφθέν ᾿Ισραήλ, και οι σωθέντες του ᾿Ιακώβ ουκέτι μή πεποιθότες ώσιν επί τους αδικήσαντας αυτούς, αλλά έσονται πεποιθότες επί τον Θεόν τον άγιον του ᾿Ισραήλ τη αληθεία.
Ανάγνωσις Παλαιᾱς Διαθήκης: Γένεσις 7:6-9
Νώε δε ήν ετών εξακοσίων, και ο κατακλυσμός του ύδατος εγένετο επί της γής. εισήλθε δε Νώε και οι υιοί αυτού και η γυνή αυτού και αι γυναίκες των υιών αυτού μετ᾿ αυτού εις την κιβωτόν διά το ύδωρ του κατατακλυσμού. και από των πετεινών των καθαρών και από των πετεινών των μή καθαρών και από των κτηνών των καθαρών και από των κτηνών των μή καθαρών και από πάντων των ερπόντων επί της γής δύο δύο εισήλθον πρός Νώε εις την κιβωτόν, άρσεν και θήλυ, καθά ενετείλατο ο Θεός τω Νώε.
Ανάγνωσις Παλαιᾱς Διαθήκης: Παροιμίαι 9:12-18
Υιέ, εάν σοφός γένη σεαυτώ, σοφός έση και τοις πλησίον· εάν δε κακός αποβής, μόνος άν αντλήσεις κακά. ός ερείδεται επί ψεύδεσιν, ούτος ποιμαίνει ανέμους, ο δ᾿ αυτός διώξεται όρνεα πετόμενα· απέλιπε γαρ οδούς του εαυτού αμπελώνος, τους δε άξονας του ιδίου γεωργίου πεπλάνηται· διαπορεύεται δε δι᾿ ανύδρου ερήμου και γήν διατεταγμένην εν διψώδεσι, συνάγει δε χερσίν ακαρπίαν. Γυνή άφρων και θρασεία ενδεής ψωμού γίνεται, ή ουκ επίσταται αισχύνην. εκάθισεν επί θύραις του εαυτής οίκου, επί δίφρου εμφανώς εν πλατείαις, προσκαλουμένη τους παριόντας και κατευθύνοντας εν ταις οδοίς αυτών· ός εστιν υμών αφρονέστατος, εκκλινάτω πρός με και τοις ενδεέσι φρονήσεως παρακελεύομαι λέγουσα· άρτων κρυφίων ηδέως άψασθε και ύδατος κλοπής γλυκερού. ο δε ουκ οίδεν ότι γηγενείς παρ᾿ αυτή όλλυνται, και επί πέταυρον ᾅδου συναντά.