Χριστίνα Μεγαλομάρτυς

Άγιοι, εορταί, και Αναγνώσεις – Πέμπτη, 24 Ιουλίου 2025
Άγιοι και εορταί: Χριστίνα Μεγαλομάρτυς; Αθηναγόρας ο Απολογητός; Μεγαλομαρτύρων Ρωμανού και Δαβίδ ; Μαρτύρων Καπίτωνος, Υμεναίου και Ερμογένους; Νεομάρτυς Θεόφιλος του Ζακυνθίου
Ανάγνωσις Επιστολής: Α’ Κορινθ. 7:24-35
Αδελφοί, έκαστος εν ώ εκλήθη, αδελφοί, εν τούτω μενέτω παρά θεώ. Περί δε των παρθένων επιταγήν κυρίου ουκ έχω· γνώμην δε δίδωμι ως ηλεημένος υπό κυρίου πιστός είναι. Νομίζω ούν τούτο καλόν υπάρχειν διά την ενεστώσαν ανάγκην, ότι καλόν ανθρώπω το ούτως είναι. Δέδεσαι γυναικί; Μή ζήτει λύσιν. Λέλυσαι από γυναικός; Μή ζήτει γυναίκα. Εάν δε και γήμης, ουχ ήμαρτες· και εάν γήμη η παρθένος, ουχ ήμαρτεν. Θλίψιν δε τη σαρκί έξουσιν οι τοιούτοι· εγώ δε υμών φείδομαι. Τούτο δε φημι, αδελφοί, ο καιρός συνεσταλμένος· το λοιπόν εστιν ίνα και οι έχοντες γυναίκας ως μή έχοντες ώσιν· και οι κλαίοντες, ως μή κλαίοντες· και οι χαίροντες, ως μή χαίροντες· και οι αγοράζοντες, ως μή κατέχοντες· και οι χρώμενοι τω κόσμω τούτω, ως μή καταχρώμενοι· παράγει γαρ το σχήμα του κόσμου τούτου. Θέλω δε υμάς αμερίμνους είναι. Ο άγαμος μεριμνά τα του κυρίου, πώς αρέσει τω κυρίω· ο δε γαμήσας μεριμνά τα του κόσμου, πώς αρέσει τη γυναικί. Μεμέρισται και η γυνή και η παρθένος. Η άγαμος μεριμνά τα του κυρίου, ίνα ᾖ αγία και σώματι και πνεύματι· η δε γαμήσασα μεριμνά τα του κόσμου, πώς αρέσει τω ανδρί. Τούτο δε πρός το υμών αυτών συμφέρον λέγω· ουχ ίνα βρόχον υμίν επιβάλω, αλλά πρός το εύσχημον και ευπρόσεδρον τω κυρίω απερισπάστως.
Ανάγνωσις Ευαγγελίου: Κατά Ματθαίον 15:12-21
Τω καιρώ εκείνω, προσελθόντες οι μαθηταί αυτού είπον αυτώ· οίδας ότι οι Φαρισαίοι εσκανδαλίσθησαν ακούσαντες τον λόγον; ο δε αποκριθείς είπε· πάσα φυτεία ήν ουκ εφύτευσεν ο πατήρ μου ο ουράνιος εκριζωθήσεται. άφετε αυτούς· οδηγοί εισι τυφλοί τυφλών· τυφλός δε τυφλόν εάν οδηγή, αμφότεροι εις βόθυνον πεσούνται. αποκριθείς δε ο Πέτρος είπεν αυτώ· φράσον ημίν την παραβολήν ταύτην. ο δε ᾿Ιησούς είπεν· ακμήν και υμείς ασύνετοί εστε; ούπω νοείτε ότι πάν το εισπορευόμενον εις το στόμα εις την κοιλίαν χωρεί και εις αφεδρώνα εκβάλλεται; τα δε εκπορευόμενα εκ του στόματος εκ της καρδίας εξέρχεται, κακείνα κοινοί τον άνθρωπον. εκ γαρ της καρδίας εξέρχονται διαλογισμοί πονηροί, φόνοι, μοιχείαι, πορνείαι, κλοπαί, ψευδομαρτυρίαι, βλασφημίαι. ταύτά εστι τα κοινούντα τον άνθρωπον· το δε ανίπτοις χερσί φαγείν ου κοινοί τον άνθρωπον. Και εξελθών εκείθεν ο ᾿Ιησούς ανεχώρησεν εις τα μέρη Τύρου και Σιδώνος.