Φώτιος και Ανίκητος Μάρτυρες

Άγιοι, εορταί, και Αναγνώσεις – Τρίτη, 12 Αυγούστου 2025
Άγιοι και εορταί: Φώτιος και Ανίκητος Μάρτυρες; Σέργιος, Στέφανος και Κάστωρ; Παλάμων; 12 Στρατιώται μάρτυρες εκ Κρήτης; Μεθεόρτια της Μεταμορφώσεως
Αυστηρή Νηστεία
Ανάγνωσις Επιστολής: Α’ Κορινθ. 15:29-38
Αδελφοί, τί ποιήσουσιν οι βαπτιζόμενοι υπέρ των νεκρών; Ει όλως νεκροί ουκ εγείρονται, τί και βαπτίζονται υπέρ των νεκρών; Τί και ημείς κινδυνεύομεν πάσαν ώραν; Καθʼ ημέραν αποθνῄσκω, νή την υμετέραν καύχησιν, ήν έχω εν Χριστώ Ιησού τω κυρίω ημών. Ει κατά άνθρωπον εθηριομάχησα εν Εφέσω, τί μοι το όφελος, ει νεκροί ουκ εγείρονται, Φάγωμεν και πίωμεν, αύριον γαρ αποθνῄσκομεν. Μή πλανάσθε· Φθείρουσιν ήθη χρηστά ομιλίαι κακαί. Εκνήψατε δικαίως και μή αμαρτάνετε· αγνωσίαν γαρ θεού τινές έχουσιν· πρός εντροπήν υμίν λέγω. Αλλʼ ερεί τις, Πώς εγείρονται οι νεκροί; Ποίω δε σώματι έρχονται; Άφρον, σύ ό σπείρεις, ου ζωοποιείται εάν μή αποθάνη· και ό σπείρεις, ου το σώμα το γενησόμενον σπείρεις, αλλά γυμνόν κόκκον, ει τύχοι, σίτου ή τινος των λοιπών· ο δε θεός αυτώ δίδωσιν σώμα καθώς ηθέλησεν, και εκάστω των σπερμάτων το ίδιον σώμα.
Ανάγνωσις Ευαγγελίου: Κατά Ματθαίον 21:23-27
Τω καιρώ εκείνω, ελθόντι αυτώ εις το ιερόν προσήλθον αυτώ διδάσκοντι οι αρχιερείς και οι πρεσβύτεροι του λαού λέγοντες· εν ποία εξουσία ταύτα ποιείς, και τίς σοι έδωκε την εξουσίαν ταύτην; αποκριθείς δε ο ᾿Ιησούς είπεν αυτοίς· ερωτήσω υμάς καγώ λόγον ένα, όν εάν είπητέ μοι, καγώ υμίν ερώ εν ποία εξουσία ταύτα ποιώ. το βάπτισμα ᾿Ιωάννου πόθεν ήν, εξ ουρανού ή εξ ανθρώπων; οι δε διελογίζοντο παρ᾿ εαυτοίς λέγοντες· εάν είπωμεν, εξ ουρανού, ερεί ημίν, διατί ούν ουκ επιστεύσατε αυτώ· εάν δε είπωμεν, εξ ανθρώπων, φοβούμεθα τον όχλον· πάντες γαρ έχουσι τον ᾿Ιωάννην ως προφήτην. και αποκριθέντες τω ᾿Ιησού είπον· ουκ οίδαμεν. έφη αυτοίς και αυτός· ουδέ εγώ λέγω υμίν εν ποία εξουσία ταύτα ποιώ.