Υάκινθος και οι σύν αυτώ Μάρτυρες

Άγιοι, εορταί, και Αναγνώσεις – Πέμπτη, 3 Ιουλίου 2025
Άγιοι και εορταί: Υάκινθος και οι σύν αυτώ Μάρτυρες; Ανατόλιος, Αρχιεπίσκοπος Κωνσταντινουπόλεως; Οσιομάρτυρος Γερασίμου; Ιερά λείψανα του Αγίου Φιλίππου της Μόσχας
Ανάγνωσις Επιστολής: Ρωμ. 11:13-24
Αδελφοί, υμίν λέγω τοις έθνεσιν. Εφʼ όσον μέν ειμι εγώ εθνών απόστολος, την διακονίαν μου δοξάζω· ει πως παραζηλώσω μου την σάρκα, και σώσω τινάς εξ αυτών. Ει γαρ η αποβολή αυτών καταλλαγή κόσμου, τις η πρόσληψις, ει μή ζωή εκ νεκρών; Ει δε η απαρχή αγία, και το φύραμα· και ει η ρίζα αγία, και οι κλάδοι. Ει δε τινες των κλάδων εξεκλάσθησαν, σύ δε αγριέλαιος ών ενεκεντρίσθης εν αυτοίς, και συγκοινωνός της ρίζης και της πιότητος της ελαίας εγένου, μή κατακαυχώ των κλάδων· ει δε κατακαυχάσαι, ου σύ την ρίζαν βαστάζεις, αλλʼ η ρίζα σέ. Ερείς ούν, Εξεκλάσθησαν κλάδοι, ίνα εγώ εγκεντρισθώ. Καλώς· τη απιστία εξεκλάσθησαν, σύ δε τη πίστει έστηκας. Μή υψηλοφρόνει, αλλά φοβού· ει γαρ ο θεός των κατά φύσιν κλάδων ουκ εφείσατο, μήπως ουδέ σου φείσεται. Ίδε ούν χρηστότητα και αποτομίαν θεού· επί μέν τους πεσόντας, αποτομίαν· επί δε σε, χρηστότητα, εάν επιμείνης τη χρηστότητι· επεί και σύ εκκοπήση. Και εκείνοι δέ, εάν μή επιμείνωσιν τη απιστία, εγκεντρισθήσονται· δυνατός γαρ ο θεός εστιν πάλιν εγκεντρίσαι αυτούς. Ει γαρ σύ εκ της κατά φύσιν εξεκόπης αγριελαίου, και παρά φύσιν ενεκεντρίσθης εις καλλιέλαιον, πόσω μάλλον ούτοι, οι κατά φύσιν, εγκεντρισθήσονται τη ιδία ελαία;
Ανάγνωσις Ευαγγελίου: Κατά Ματθαίον 11:27-30
Είπεν ο Κυριος τοις εαυτού μαθηταίς· Πάντα μοι παρεδόθη υπό του πατρός μου· και ουδείς επιγινώσκει τον υιόν ει μή ο πατήρ, ουδέ τον πατέρα τις επιγινώσκει ει μή ο υιός και ώ εάν βούληται ο υιός αποκαλύψαι. Δεύτε πρός με πάντες οι κοπιώντες και πεφορτισμένοι, καγώ αναπαύσω υμάς. άρατε τον ζυγόν μου εφ᾿ υμάς και μάθετε απ᾿ εμού, ότι πράός ειμι και ταπεινός τη καρδία, και ευρήσετε ανάπαυσιν ταις ψυχαίς υμών· ο γαρ ζυγός μου χρηστός και το φορτίον μου ελαφρόν εστιν.