Τύχων ο Θαυματουργός

Άγιοι, εορταί, και Αναγνώσεις – Δευτέρα, 16 Ιουνίου 2025
Άγιοι και εορταί: Τύχων ο Θαυματουργός; 40 Μάρτυρες Ρώμης; Ιερομάρτυρος Μάρκου, επισκόπου Απολλωνιάδος
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Επιστολής: Ρωμ. 2:28-29, 3:1-18
Αδελφοί, ουχ ο εν τω φανερώ Ιουδαίός εστιν, ουδέ η εν τω φανερώ εν σαρκί περιτομή· αλλʼ ο εν τω κρυπτώ Ιουδαίος, και περιτομή καρδίας εν πνεύματι, ου γράμματι· ού ο έπαινος ουκ εξ ανθρώπων, αλλʼ εκ του θεού. Τί ούν το περισσόν του Ιουδαίου, ή τις η ωφέλεια της περιτομής; Πολύ κατά πάντα τρόπον· πρώτον μέν γαρ ότι επιστεύθησαν τα λόγια του θεού. Τί γαρ ει ηπίστησάν τινες; Μή η απιστία αυτών την πίστιν του θεού καταργήσει; Μή γένοιτο· γινέσθω δε ο θεός αληθής, πάς δε άνθρωπος ψεύστης, καθώς γέγραπται, Όπως άν δικαιωθής εν τοις λόγοις σου, και νικήσης εν τω κρίνεσθαί σε. Ει δε η αδικία ημών θεού δικαιοσύνην συνίστησιν, τί ερούμεν; Μή άδικος ο θεός ο επιφέρων την οργήν; – κατά άνθρωπον λέγω – Μή γένοιτο· επεί πώς κρινεί ο θεός τον κόσμον; Ει γαρ η αλήθεια του θεού εν τω εμώ ψεύσματι επερίσσευσεν εις την δόξαν αυτού, τί έτι καγώ ως αμαρτωλός κρίνομαι; Και μή – καθώς βλασφημούμεθα, και καθώς φασίν τινες ημάς λέγειν – ότι Ποιήσωμεν τα κακά ίνα έλθη τα αγαθά; Ών το κρίμα ένδικόν εστιν. Τί ούν; Προεχόμεθα; Ου πάντως· προητιασάμεθα γαρ Ιουδαίους τε και Έλληνας πάντας υφʼ αμαρτίαν είναι, καθώς γέγραπται ότι Ουκ έστιν δίκαιος ουδέ είς· ουκ έστιν ο συνιών, ουκ έστιν ο εκζητών τον θεόν· πάντες εξέκλιναν, άμα ηχρειώθησαν· ουκ έστιν ποιών χρηστότητα, ουκ έστιν έως ενός· τάφος ανεωγμένος ο λάρυγξ αυτών, ταις γλώσσαις αυτών εδολιούσαν· ιός ασπίδων υπό τα χείλη αυτών· ών το στόμα αράς και πικρίας γέμει· οξείς οι πόδες αυτών εκχέαι αίμα· σύντριμμα και ταλαιπωρία εν ταις οδοίς αυτών, και οδόν ειρήνης ουκ έγνωσαν· ουκ έστιν φόβος θεού απέναντι των οφθαλμών αυτών.
Ανάγνωσις Ευαγγελίου: Κατά Ματθαίον 6:31-34, 7:9-11
Είπεν ο Κύριος· Μή ούν μεριμνήσητε λέγοντες, τί φάγωμεν ή τί πίωμεν ή τί περιβαλώμεθα; πάντα γαρ ταύτα τα έθνη επιζητεί· οίδε γαρ ο πατήρ υμών ο ουράνιος ότι χρῄζετε τούτων απάντων. ζητείτε δε πρώτον την βασιλείαν του Θεού και την δικαιοσύνην αυτού, και ταύτα πάντα προστεθήσεται υμίν. Μή ούν μεριμνήσητε εις την αύριον· η γαρ αύριον μεριμνήσει τα εαυτής· αρκετόν τη ημέρα η κακία αυτής. ή τίς εστιν εξ υμών άνθρωπος, όν εάν αιτήση ο υιός αυτού άρτον, μή λίθον επιδώσει αυτώ; και εάν ιχθύν αιτήση, μή όφιν επιδώσει αυτώ; ει ούν υμείς, πονηροί όντες, οίδατε δόματα αγαθά διδόναι τοις τέκνοις υμών, πόσω μάλλον ο πατήρ υμών ο εν τοις ουρανοίς δώσει αγαθά τοις αιτούσιν αυτόν;