Τω Σάββατω πρό της Πεντηκοστής

Άγιοι, εορταί, και Αναγνώσεις – Σάββατο, 7 Ιουνίου 2025
Άγιοι και εορταί: Τω Σάββατω πρό της Πεντηκοστής; Θεόδοτος ο εν Αγκύρα; Όσιος Παναγής; Τάρασιος και Ιωάννης, Μαρτύρες; Σεβαστιανή η Θαυματουργή; Zηναϊς, Μάρτυς
Ανάγνωσις Επιστολής: Α’ Θεσσαλ. 4:13-17
Αδελφοί, ου θέλομεν δε υμάς αγνοείν περί των κεκοιμημένων, ίνα μή λυπήσθε, καθώς και οι λοιποί οι μή έχοντες ελπίδα. Ει γαρ πιστεύομεν ότι Ιησούς απέθανεν και ανέστη, ούτως και ο θεός τους κοιμηθέντας διά του Ιησού άξει σύν αυτώ. Τούτο γαρ υμίν λέγομεν εν λόγω κυρίου, ότι ημείς οι ζώντες οι περιλειπόμενοι εις την παρουσίαν του κυρίου, ου μή φθάσωμεν τους κοιμηθέντας. Ότι αυτός ο κύριος εν κελεύσματι, εν φωνή αρχαγγέλου, και εν σάλπιγγι θεού, καταβήσεται απʼ ουρανού, και οι νεκροί εν Χριστώ αναστήσονται πρώτον· έπειτα ημείς οι ζώντες, οι περιλειπόμενοι, άμα σύν αυτοίς αρπαγησόμεθα εν νεφέλαις εις απάντησιν του κυρίου εις αέρα· και ούτως πάντοτε σύν κυρίω εσόμεθα.
Ανάγνωσις Ευαγγελίου: Κατά Ιωάννην 21:14-25
Τω καιρώ εκείνω, εφανέρωσεν εαυτόν ο Ιησούς τοις μαθηταίς αυτού, εγερθείς εκ νεκρών, και λέγει τω Σίμωνι Πέτρω· Σίμων Ιωνά, αγαπάς με πλέον τούτων; Λέγει αυτώ· Ναί Κύριε, σύ οίδας ότι φιλώ σε. Λέγει αυτώ· Βόσκε τα αρνία μου. Λέγει αυτώ πάλιν δεύτερον· Σίμων Ιωνά αγαπάς με; Λέγει αυτώ· Ναί, Κύριε, σύ οίδας ότι φιλώ σε. Λέγει αυτώ· Ποίμαινε τα πρόβατά μου. Λέγει αυτώ το τρίτον· Σίμων Ιωνά, φιλείς με; ελυπήθη ο Πέτρος, ότι είπεν αυτώ το τρίτον, φιλείς με; Και είπεν αυτώ· Κύριε, σύ πάντα οίδας, σύ γινώσκεις ότι φιλώ σε. Λέγει αυτώ ο Ιησούς. Βόσκε τα πρόβατά μου. Αμήν αμήν λέγω σοι, ότε ής νεώτερος, εζώννυες σεαυτόν, και περιεπάτεις όπου ήθελες, όταν δε γηράσης, εκτενείς τάς χείράς σου, και άλλος σε ζώσει, και οίσει όπου ου θέλεις. Τούτο δε είπε, σημαίνων ποίω θανάτω δοξάσει τον Θεόν. Και τούτο ειπών, λέγει αυτώ· Ακολούθει μοι. Επιστραφείς δε ο Πέτρος βλέπει τον μαθητήν όν ηγάπα ο Ιησούς, ακολουθούντα, ός και ανέπεσεν εν τω δείπνω επί το στήθος αυτού και είπε· Κύριε, τίς εστιν ο παραδιδούς σε; τούτον ιδών ο Πέτρος λέγει τω Ιησού· Κύριε, ούτος δε τί; λέγει αυτώ ο Ιησούς· Εάν αυτόν θέλω μένειν έως έρχομαι, τί πρός σέ; σύ μοι ακολούθει μοι. Εξήλθεν ούν ο λόγος ούτος εις τους αδελφούς. Ότι ο μαθητής εκείνος ουκ αποθνῄσκει, και ουκ είπεν αυτώ ο Ιησούς, ότι ουκ αποθνήσκει· αλλ’ εάν αυτόν θέλω μένειν έως έρχομαι, τί πρός σέ; Ούτός εστιν ο μαθητής ο μαρτυρών περί τούτων, και γράψας ταύτα, και οίδαμεν ότι αληθής εστιν η μαρτυρία αυτού. Έστι δε και άλλα πολλά όσα εποίησεν ο Ιησούς, άτινα εάν γράφηται καθ’ έν, ουδέ αυτόν οίμαι τον κόσμον χωρήσαι τα γραφόμενα βιβλία. Αμήν.