Τη Τρίτη της Δ΄ Εβδομάδος

Άγιοι, εορταί, και Αναγνώσεις – Τρίτη, 13 Μαίου 2025
Άγιοι και εορταί: Τη Τρίτη της Δ΄ Εβδομάδος; Γλυκερία, Μάρτυς; Σέργιος ο Ομολογητής; Αλέξανδρος Μάρτυς; Παυσίκακος Επίσκοπος Συνάδων
Ανάγνωσις Επιστολής: Πράξ. 10:21-33
Εν ταις ημεραίς εκείναις, καταβάς δε Πέτρος πρός τους άνδρας είπεν, Ιδού, εγώ ειμι όν ζητείτε· τις η αιτία διʼ ήν πάρεστε; Οι δε είπον, Κορνήλιος εκατοντάρχης, ανήρ δίκαιος και φοβούμενος τον θεόν, μαρτυρούμενός τε υπό όλου του έθνους των Ιουδαίων, εχρηματίσθη υπό αγγέλου αγίου μεταπέμψασθαί σε εις τον οίκον αυτού, και ακούσαι ρήματα παρά σού. Εισκαλεσάμενος ούν αυτούς εξένισεν. Τη δε επαύριον ο Πέτρος εξήλθεν σύν αυτοίς, και τινες των αδελφών των από Ιόππης συνήλθον αυτώ. Και τη επαύριον εισήλθον εις την Καισάρειαν. Ο δε Κορνήλιος ήν προσδοκών αυτούς, συγκαλεσάμενος τους συγγενείς αυτού και τους αναγκαίους φίλους. Ως δε εγένετο του εισελθείν τον Πέτρον, συναντήσας αυτώ ο Κορνήλιος, πεσών επί τους πόδας, προσεκύνησεν. Ο δε Πέτρος αυτόν ήγειρεν λέγων, Ανάστηθι· καγώ αυτός άνθρωπός ειμι. Και συνομιλών αυτώ εισήλθεν, και ευρίσκει συνεληλυθότας πολλούς, έφη τε πρός αυτούς, Υμείς επίστασθε ως αθέμιτόν εστιν ανδρί Ιουδαίω κολλάσθαι ή προσέρχεσθαι αλλοφύλω· και εμοί ο θεός έδειξεν μηδένα κοινόν ή ακάθαρτον λέγειν άνθρωπον· διό και αναντιρρήτως ήλθον μεταπεμφθείς. Πυνθάνομαι ούν, τίνι λόγω μετεπέμψασθέ με. Και ο Κορνήλιος έφη, Από τετάρτης ημέρας μέχρι ταύτης της ώρας ήμην νηστεύων, και την ενάτην ώραν προσευχόμενος εν τω οίκω μου· και ιδού, ανήρ έστη ενώπιόν μου εν εσθήτι λαμπρά, και φησιν, Κορνήλιε, εισηκούσθη σου η προσευχή, και αι ελεημοσύναι σου εμνήσθησαν ενώπιον του θεού. Πέμψον ούν εις Ιόππην, και μετακάλεσαι Σίμωνα ός επικαλείται Πέτρος· ούτος ξενίζεται εν οικία Σίμωνος βυρσέως παρά θάλασσαν· ός παραγενόμενος λαλήσει σοι. Εξαυτής ούν έπεμψα πρός σε· σύ τε καλώς εποίησας παραγενόμενος. Νύν ούν πάντες ημείς ενώπιον του θεού πάρεσμεν ακούσαι πάντα τα προστεταγμένα σοι υπό του θεού.
Ανάγνωσις Ευαγγελίου: Κατά Ιωάννην 7:1-13
Τω καιρώ εκείνω, περιεπάτει ο Ιησούς εν τη Γαλιλαία· ου γαρ ήθελεν εν τη ᾿Ιουδαία περιπατείν, ότι εζήτουν αυτόν οι ᾿Ιουδαίοι αποκτείναι. ήν δε εγγύς η εορτή των ᾿Ιουδαίων η σκηνοπηγία. είπον ούν πρός αυτόν οι αδελφοί αυτού· μετάβηθι εντεύθεν και ύπαγε εις την ᾿Ιουδαίαν, ίνα και οι μαθηταί σου θεωρήσωσι τα έργα σου ά ποιείς· ουδείς γαρ εν κρυπτώ τι ποιεί και ζητεί αυτός εν παρρησία είναι. ει ταύτα ποιείς, φανέρωσον σεαυτόν τω κόσμω. ουδέ γαρ οι αδελφοί αυτού επίστευον εις αυτόν. λέγει ούν αυτοίς ο ᾿Ιησούς· ο καιρός ο εμός ούπω πάρεστιν, ο δε καιρός ο υμέτερος πάντοτέ εστιν έτοιμος. ου δύναται ο κόσμος μισείν υμάς· εμέ δε μισεί, ότι εγώ μαρτυρώ περί αυτού ότι τα έργα αυτού πονηρά εστιν. υμείς ανάβητε εις την εορτήν ταύτην· εγώ ούπω αναβαίνω εις την εορτήν ταύτην, ότι ο καιρός ο εμός ούπω πεπλήρωται. ταύτα δε ειπών αυτοίς έμεινεν εν τη Γαλιλαία. ῾Ως δε ανέβησαν οι αδελφοί αυτού, τότε και αυτός ανέβη εις την εορτήν, ου φανερώς, αλλ᾽ ως εν κρυπτώ. οι ούν ᾿Ιουδαίοι εζήτουν αυτόν εν τη εορτή και έλεγον· πού εστιν εκείνος; καί γογγυσμός πολύς περί αυτού ήν εν τοις όχλοις. οι μέν έλεγον ότι αγαθός εστιν· άλλοι έλεγον, ού, αλλά πλανά τον όχλον. ουδείς μέντοι παρρησία ελάλει περί αυτού διά τον φόβον των ᾿Ιουδαίων.