Τη Τρίτη της Β΄ Εβδομάδος

Άγιοι, εορταί, και Αναγνώσεις – Τρίτη, 29 Απριλίου 2025
Άγιοι και εορταί: Τη Τρίτη της Β΄ Εβδομάδος; Ιάσων και Σωσίπατρος εκ των 70; Αγία Κέρκυρα; Ιωάννης του Καλοκτένου; Βασίλειος του Μαυροβούνιου; Νεκτάριος της Οπτίνας
Ανάγνωσις Επιστολής: Πράξ. 4:1-10
Εν ταις ημεραίς εκείναις, Λαλούντων των αποστόλων πρός τον λαόν επέστησαν αυτοίς οι ιερείς και ο στρατηγός του ιερού και οι Σαδδουκαίοι, διαπονούμενοι διά το διδάσκειν αυτούς τον λαόν, και καταγγέλλειν εν τω Ιησού την ανάστασιν των νεκρών. Και επέβαλον αυτοίς τάς χείρας, και έθεντο εις τήρησιν εις την αύριον· ήν γαρ εσπέρα ήδη. Πολλοί δε των ακουσάντων τον λόγον επίστευσαν· και εγενήθη ο αριθμός των ανδρών ωσεί χιλιάδες πέντε. Εγένετο δε επί την αύριον συναχθήναι αυτών τους άρχοντας και πρεσβυτέρους και γραμματείς εις Ιερουσαλήμ, και Άνναν τον αρχιερέα, και Καϊάφαν, και Ιωάννην, και Αλέξανδρον, και όσοι ήσαν εκ γένους αρχιερατικού. Και στήσαντες αυτούς εν μέσω επυνθάνοντο, Εν ποία δυνάμει ή εν ποίω ονόματι εποιήσατε τούτο υμείς; Τότε Πέτρος πλησθείς πνεύματος αγίου είπεν πρός αυτούς, Άρχοντες του λαού και πρεσβύτεροι του Ισραήλ, ει ημείς σήμερον ανακρινόμεθα επί ευεργεσία ανθρώπου ασθενούς, εν τίνι ούτος σέσωσται· γνωστόν έστω πάσιν υμίν και παντί τω λαώ Ισραήλ, ότι εν τω ονόματι Ιησού Χριστού του Ναζωραίου, όν υμείς εσταυρώσατε, όν ο θεός ήγειρεν εκ νεκρών, εν τούτω ούτος παρέστηκεν ενώπιον υμών υγιής.
Ανάγνωσις Ευαγγελίου: Κατά Ιωάννην 3:16-21
Είπεν ο Κυριος τοις εαυτού μαθηταίς· Ούτω ηγάπησεν ο Θεός τον κόσμον, ώστε τον Υιόν αυτού τον μονογενή έδωκεν, ίνα πάς ο πιστεύων εις αυτόν μή απόληται, αλλ᾽ έχη ζωήν αιώνιον. Ου γαρ απέστειλεν ο Θεός τον Υιόν αυτού εις τον κόσμον ίνα κρίνη τον κόσμον, αλλ᾽ ίνα σωθή ο κόσμος δι᾽ αυτού. Ο πιστεύων εις αυτόν ου κρίνεται, ο δε μή πιστεύων ήδη κέκριται, ότι μή πεπίστευκεν εις το όνομα του μονογενούς υιού του Θεού. Αύτη δε εστιν η κρίσις, ότι το φώς ελήλυθεν εις τον κόσμον, και ηγάπησαν οι άνθρωποι μάλλον το σκότος ή το φώς· ήν γαρ πονηρά αυτών τα έργα. Πάς γαρ ο φαύλα πράσσων μισεί το φώς και ουκ έρχεται πρός το φώς, ίνα μή ελεγχθή τα έργα αυτού· ο δε ποιών την αλήθειαν έρχεται πρός το φώς, ίνα φανερωθή αυτού τα έργα, ότι εν Θεώ εστιν ειργασμένα.