Τη Παρασκευη της Γ΄ Εβδομάδος

Άγιοι, εορταί, και Αναγνώσεις – Παρασκευή, 9 Μαίου 2025
Άγιοι και εορταί: Τη Παρασκευη της Γ΄ Εβδομάδος; Ησαΐας Προφήτης; Χριστοφόρος, Μάρτυς; Οσίου Ιερωνύμου του Σιμωνοπετρίτου; Μάρτυς Νικόλαος; Επιμάχος ο Νεομάρτυς της Αλεξάνδρειας ; Νεομάρτυρες Βουλγαρίας
Ημέρα Νηστείας (Κατάλυσις οίνου και ελαίου)
Ανάγνωσις Επιστολής: Πράξ. 8:40, 9:1-19
Εν ταις ημεραίς εκείναις, Φίλιππος δε ευρέθη εις Άζωτον· και διερχόμενος ευηγγελίζετο τάς πόλεις πάσας, έως του ελθείν αυτόν εις Καισάρειαν. Ο δε Σαύλος έτι εμπνέων απειλής και φόνου εις τους μαθητάς του κυρίου, προσελθών τω αρχιερεί, ᾐτήσατο παρʼ αυτού επιστολάς εις Δαμασκόν πρός τάς συναγωγάς, όπως εάν τινας εύρη της οδού όντας άνδρας τε και γυναίκας, δεδεμένους αγάγη εις Ιερουσαλήμ. Εν δε τω πορεύεσθαι, εγένετο αυτόν εγγίζειν τη Δαμασκώ· και εξαίφνης περιήστραψεν αυτόν φώς από του ουρανού· και πεσών επί την γήν, ήκουσεν φωνήν λέγουσαν αυτώ, Σαούλ, Σαούλ, τί με διώκεις; Είπεν δέ, Τις εί, κύριε; Ο δε κύριος είπεν, Εγώ ειμι Ιησούς όν σύ διώκεις· αλλά ανάστηθι και είσελθε εις την πόλιν, και λαληθήσεταί σοι τί σε δεί ποιείν. Οι δε άνδρες οι συνοδεύοντες αυτώ ειστήκεισαν ενεοί, ακούοντες μέν της φωνής, μηδένα δε θεωρούντες. Ηγέρθη δε ο Σαύλος από της γής· ανεωγμένων τε των οφθαλμών αυτού, ουδένα έβλεπεν, χειραγωγούντες δε αυτόν εισήγαγον εις Δαμασκόν. Και ήν ημέρας τρείς μή βλέπων, και ουκ έφαγεν ουδέ έπιεν. Ήν δε τις μαθητής εν Δαμασκώ ονόματι Ανανίας, και είπεν πρός αυτόν ο κύριος εν οράματι, Ανανία. Ο δε είπεν, Ιδού εγώ, κύριε. Ο δε κύριος πρός αυτόν, Αναστάς πορεύθητι επί την ρύμην την καλουμένην Ευθείαν, και ζήτησον εν οικία Ιούδα Σαύλον ονόματι, Ταρσέα· ιδού γαρ προσεύχεται, και είδεν εν οράματι άνδρα ονόματι Ανανίαν εισελθόντα και επιθέντα αυτώ χείρα, όπως αναβλέψη. Απεκρίθη δε Ανανίας, Κύριε, ακήκοα από πολλών περί του ανδρός τούτου, όσα κακά εποίησεν τοις αγίοις σου εν Ιερουσαλήμ· και ώδε έχει εξουσίαν παρά των αρχιερέων, δήσαι πάντας τους επικαλουμένους το όνομά σου. Είπεν δε πρός αυτόν ο κύριος, Πορεύου, ότι σκεύος εκλογής μοι εστίν ούτος, του βαστάσαι το όνομά μου ενώπιον εθνών και βασιλέων, υιών τε Ισραήλ· εγώ γαρ υποδείξω αυτώ όσα δεί αυτόν υπέρ του ονόματός μου παθείν. Απήλθεν δε Ανανίας και εισήλθεν εις την οικίαν, και επιθείς επʼ αυτόν τάς χείρας είπεν, Σαούλ αδελφέ, ο κύριος απέσταλκέν με, ο οφθείς σοι εν τη οδώ ή ήρχου, όπως αναβλέψης και πλησθής πνεύματος αγίου. Και ευθέως απέπεσον από των οφθαλμών αυτού ωσεί λεπίδες, ανέβλεψέν τε και αναστάς εβαπτίσθη, και λαβών τροφήν ενίσχυσεν.
Ανάγνωσις Ευαγγελίου: Κατά Ιωάννην 6:48-54
Είπεν ο Κύριος πρός τους πεπιστευκότας αυτώ Ιουδαίους· Εγώ ειμι ο άρτος της ζωής. οι πατέρες υμών έφαγον το μάννα εν τη ερήμω και απέθανον· ούτός εστιν ο άρτος ο εκ του ουρανού καταβαίνων, ίνα τις εξ αυτού φάγη και μή αποθάνη. εγώ ειμι ο άρτος ο ζών ο εκ του ουρανού καταβάς· εάν τις φάγη εκ τούτου του άρτου, ζήσεται εις τον αιώνα. και ο άρτος δε όν εγώ δώσω, η σάρξ μού εστιν, ήν εγώ δώσω υπέρ της του κόσμου ζωής. ᾿Εμάχοντο ούν πρός αλλήλους οι ᾿Ιουδαίοι λέγοντες· πώς δύναται ούτος ημίν δούναι την σάρκα φαγείν; είπεν ούν αυτοίς ο ᾿Ιησούς· αμήν αμήν λέγω υμίν, εάν μή φάγητε την σάρκα του υιού του ανθρώπου και πίητε αυτού το αίμα, ουκ έχετε ζωήν εν εαυτοίς. ο τρώγων μου την σάρκα και πίνων μου το αίμα έχει ζωήν αιώνιον, και εγώ αναστήσω αυτόν εν τη εσχάτη ημέρα.