Τη Πέμπτη μετά την Πεντηκοστήν

Άγιοι, εορταί, και Αναγνώσεις – Πέμπτη, 12 Ιουνίου 2025
Άγιοι και εορταί: Τη Πέμπτη μετά την Πεντηκοστήν; Ονούφριος Όσιος; Πέτρος ο εν Άθω; Μαρτύρος Αντωνίνης; Μαρτύρος Ιωάννου του στρατιώτου
Κατάλυσις Πάντων
Ανάγνωσις Επιστολής: Ρωμ. 1:28-32, 2:1-9
Αδελφοί, καθώς ουκ εδοκίμασαν τον θεόν έχειν εν επιγνώσει, παρέδωκεν αυτούς ο θεός εις αδόκιμον νούν, ποιείν τα μή καθήκοντα, πεπληρωμένους πάση αδικία, πορνεία, πονηρία, πλεονεξία κακία· μεστούς φθόνου, φόνου, έριδος, δόλου, κακοηθείας· ψιθυριστάς, καταλάλους, θεοστυγείς, υβριστάς, υπερηφάνους, αλαζόνας, εφευρετάς κακών, γονεύσιν απειθείς, ασυνέτους, ασυνθέτους, αστόργους, ασπόνδους, ανελεήμονας· οίτινες το δικαίωμα του θεού επιγνόντες, ότι οι τα τοιαύτα πράσσοντες άξιοι θανάτου εισίν, ου μόνον αυτά ποιούσιν, αλλά και συνευδοκούσιν τοις πράσσουσιν.Διό αναπολόγητος εί, ώ άνθρωπε πάς ο κρίνων· εν ώ γαρ κρίνεις τον έτερον, σεαυτόν κατακρίνεις, τα γαρ αυτά πράσσεις ο κρίνων. Οίδαμεν δε ότι το κρίμα του θεού εστιν κατά αλήθειαν επί τους τα τοιαύτα πράσσοντας. Λογίζη δε τούτο, ώ άνθρωπε ο κρίνων τους τα τοιαύτα πράσσοντας και ποιών αυτά, ότι σύ εκφεύξη το κρίμα του θεού; Ή του πλούτου της χρηστότητος αυτού και της ανοχής και της μακροθυμίας καταφρονείς, αγνοών ότι το χρηστόν του θεού εις μετάνοιάν σε άγει; Κατά δε την σκληρότητά σου και αμετανόητον καρδίαν θησαυρίζεις σεαυτώ οργήν εν ημέρα οργής και αποκαλύψεως και δικαιοκρισίας του θεού, ός αποδώσει εκάστω κατά τα έργα αυτού· τοις μέν καθʼ υπομονήν έργου αγαθού δόξαν και τιμήν και αφθαρσίαν ζητούσιν, ζωήν αιώνιον· τοις δε εξ εριθείας, και απειθούσιν μέν τη αληθεία πειθομένοις δε τη αδικία, θυμός και οργή, θλίψις και στενοχωρία, επί πάσαν ψυχήν ανθρώπου του κατεργαζομένου το κακόν, Ιουδαίου τε πρώτον και Έλληνος·
Ανάγνωσις Ευαγγελίου: Κατά Ματθαίον 5:27-32
Είπεν ο Κύριος· ᾿Ηκούσατε ότι ερρέθη τοις αρχαίοις, ου μοιχεύσεις. ᾿Εγώ δε λέγω υμίν ότι πάς ο βλέπων γυναίκα πρός το επιθυμήσαι αυτήν ήδη εμοίχευσεν αυτήν εν τη καρδία αυτού. ει δε ο οφθαλμός σου ο δεξιός σκανδαλίζει σε, έξελε αυτόν και βάλε από σού· συμφέρει γάρ σοι ίνα απόληται έν των μελών σου και μή όλον το σώμά σου βληθή εις γέενναν. και ει η δεξιά σου χείρ σκανδαλίζει σε, έκκοψον αυτήν και βάλε από σού· συμφέρει γάρ σοι ίνα απόληται έν των μελών σου και μή όλον το σώμά σου βληθή εις γέενναν. ᾿Ερρέθη δέ· ός άν απολύση την γυναίκα αυτού, δότω αυτή αποστάσιον. ᾿Εγώ δε λέγω υμίν ότι ός άν απολύση την γυναίκα αυτού παρεκτός λόγου πορνείας, ποιεί αυτήν μοιχάσθαι, και ός εάν απολελυμένην γαμήση, μοιχάται.