Τη Δευτέρα της ΣΤ΄ Εβδομάδος

Άγιοι, εορταί, και Αναγνώσεις – Δευτέρα, 26 Μαίου 2025
Άγιοι και εορταί: Τη Δευτέρα της ΣΤ΄ Εβδομάδος; Κάρπος και Αλφαίος εκ των 70; Νεομάρτυρος Αλεξάνδρου εκ Θεσσαλονίκης; Γεώργιος ο Νέος της Σοφίας; Αυγουστίνος Αρχιεπίσκοπος Καντουαρίας
Ανάγνωσις Επιστολής: Πράξ. 17:1-9
Εν ταις ημεραίς εκείναις, διοδεύσαντες δε την Αμφίπολιν και Απολλωνίαν, ήλθον εις Θεσσαλονίκην, όπου ήν η συναγωγή των Ιουδαίων· κατά δε το ειωθός τω Παύλω εισήλθεν πρός αυτούς, και επί σάββατα τρία διελέξατο αυτοίς από των γραφών, διανοίγων και παρατιθέμενος, ότι Τον Χριστόν έδει παθείν και αναστήναι εκ νεκρών, και ότι Ούτός εστιν ο Χριστός Ιησούς, όν εγώ καταγγέλλω υμίν. Και τινες εξ αυτών επείσθησαν, και προσεκληρώθησαν τω Παύλω και τω Σίλα, των τε σεβομένων Ελλήνων πολύ πλήθος, γυναικών τε των πρώτων ουκ ολίγαι. Προσλαβόμενοι δε οι Ιουδαίοι οι απειθούντες, των αγοραίων τινάς άνδρας πονηρούς, και οχλοποιήσαντες, εθορύβουν την πόλιν· επιστάντες τε τη οικία Ιάσονος, εζήτουν αυτούς αγαγείν εις τον δήμον. Μή ευρόντες δε αυτούς, έσυρον τον Ιάσονα και τινας αδελφούς επί τους πολιτάρχας, βοώντες ότι Οι την οικουμένην αναστατώσαντες, ούτοι και ενθάδε πάρεισιν, ούς υποδέδεκται Ιάσων· και ούτοι πάντες απέναντι των δογμάτων Καίσαρος πράσσουσιν, βασιλέα λέγοντες έτερον είναι, Ιησούν. Ετάραξαν δε τον όχλον και τους πολιτάρχας ακούοντας ταύτα. Και λαβόντες το ικανόν παρά του Ιάσονος και των λοιπών, απέλυσαν αυτούς.
Ανάγνωσις Ευαγγελίου: Κατά Ιωάννην 11:47-54
Τω καιρώ εκείνω, συνήγαγον ούν οι αρχιερείς και οι Φαρισαίοι συνέδριον και έλεγον· τί ποιούμεν, ότι ούτος ο άνθρωπος πολλά σημεία ποιεί; εάν αφώμεν αυτόν ούτω, πάντες πιστεύσουσιν εις αυτόν, και ελεύσονται οι ῾Ρωμαίοι και αρούσιν ημών και τον τόπον και το έθνος. είς δέ τις εξ αυτών Καϊάφας, αρχιερεύς ών του ενιαυτού εκείνου, είπεν αυτοίς· υμείς ουκ οίδατε ουδέν, ουδέ διαλογίζεσθε ότι συμφέρει ημίν ίνα εις άνθρωπος αποθάνη υπέρ του λαού και μή όλον το έθνος απόληται. τούτο δε αφ᾽ εαυτού ουκ είπεν, αλλά αρχιερεύς ών του ενιαυτού εκείνου προεφήτευσεν ότι έμελλεν ο ᾿Ιησούς αποθνήσκειν υπέρ του έθνους, καί ουχ υπέρ του έθνους μόνον, αλλ᾽ ίνα και τα τέκνα του Θεού τα διεσκορπισμένα συναγάγη εις έν. απ᾽ εκείνης ούν της ημέρας συνεβουλεύσαντο ίνα αποκτείνωσιν αυτόν. ᾿Ιησούς ούν ουκέτι παρρησία περιεπάτει εν τοις ᾿Ιουδαίοις, αλλά απήλθεν εκείθεν εις την χώραν εγγύς της ερήμου, εις ᾿Εφραίμ λεγομένην πόλιν, κακεί διέτριβε μετά των μαθητών αυτού.