Τη Δευτέρα της Β΄ Εβδομάδος

Άγιοι, εορταί, και Αναγνώσεις – Δευτέρα, 28 Απριλίου 2025
Άγιοι και εορταί: Τη Δευτέρα της Β΄ Εβδομάδος; 9 Μάρτυρες εν Κυζίκω; Ιωάννης Ρωμανίας, Μάρτυς; Μέμνων ο Θαυματουργός
Ανάγνωσις Επιστολής: Πράξ. 3:19-26
Εν ταις ημεραίς εκείναις, είπε Πέτρος πρός τον λαόν, Μετανοήσατε ούν και επιστρέψατε, εις το εξαλειφθήναι υμών τάς αμαρτίας, όπως άν έλθωσιν καιροί αναψύξεως από προσώπου του κυρίου, και αποστείλη τον προκεχειρισμένον υμίν Χριστόν Ιησούν· όν δεί ουρανόν μέν δέξασθαι άχρι χρόνων αποκαταστάσεως πάντων, ών ελάλησεν ο θεός διά στόματος πάντων των αγίων αυτού προφητών απʼ αιώνος. Μωσής μέν γάρN πρός τους πατέρας είπεν ότι Προφήτην υμίν αναστήσει κύριος ο θεός ημών εκ των αδελφών υμών ως εμέ· αυτού ακούσεσθε κατά πάντα όσα άν λαλήση πρός υμάς. Έσται δέ, πάσα ψυχή, ήτις εάν μή ακούση του προφήτου εκείνου, εξολοθρευθήσεταιN εκ του λαού. Και πάντες δε οι προφήται από Σαμουήλ και των καθεξής, όσοι ελάλησαν, και κατήγγειλαν τάς ημέρας ταύτας. Υμείς εστε υιοί των προφητών, και της διαθήκης ής διέθετο ο θεός πρός τους πατέρας ημών, λέγων πρός Αβραάμ, Και εν τω σπέρματί σου ενευλογηθήσονται πάσαι αι πατριαί της γής. Υμίν πρώτον ο θεός, αναστήσας τον παίδα αυτού Ιησούν, απέστειλεν αυτόν ευλογούντα υμάς, εν τω αποστρέφειν έκαστον από των πονηριών υμών.
Ανάγνωσις Ευαγγελίου: Κατά Ιωάννην 2:1-11
Τω καιρώ εκείνω, γάμος εγένετο εν Κανά της Γαλιλαίας, και ήν η μήτηρ του Ιησού εκεί· εκλήθη δε και ο Ιησούς και οι μαθηταί αυτού εις τον γάμον. Και υστερήσαντος οίνου λέγει η μήτηρ του Ιησού πρός αυτόν· Οίνον ουκ έχουσι. Λέγει αυτή ο Ιησούς· Τί εμοί και σοί, γύναι; Ούπω ήκει η ώρα μου. Λέγει η μήτηρ αυτού τοις διακόνοις· Ό,τι άν λέγη υμίν, ποιήσατε. Ήσαν δε εκεί υδρίαι λίθιναι έξ κείμεναι κατά τον καθαρισμόν των Ιουδαίων, χωρούσαι ανά μετρητάς δύο ή τρείς. Λέγει αυτοίς ο Ιησούς· Γεμίσατε τάς υδρίας ύδατος. Και εγέμισαν αυτάς έως άνω. Και λέγει αυτοίς· Αντλήσατε νύν και φέρετε τω αρχιτρικλίνω. Και ήνεγκαν. Ως δε εγεύσατο ο αρχιτρίκλινος το ύδωρ οίνον γεγενημένον – και ουκ ᾔδει πόθεν εστίν· οι δε διάκονοι ᾔδεισαν οι ηντληκότες το ύδωρ – φωνεί τον νυμφίον ο αρχιτρίκλινος καί λέγει αυτώ· Πάς άνθρωπος πρώτον τον καλόν οίνον τίθησι, και όταν μεθυσθώσι, τότε τον ελάσσω· σύ τετήρηκας τον καλόν οίνον έως άρτι. Ταύτην εποίησε την αρχήν των σημείων ο Ιησούς εν Κανά της Γαλιλαίας και εφανέρωσε την δόξαν αυτού, και επίστευσαν εις αυτόν οι μαθηταί αυτού.