Σύναξις Αρχαγγέλου Γαβριήλ

Άγιοι, εορταί, και Αναγνώσεις – Τετάρτη, 26 Μαρτίου 2025
Άγιοι και εορταί: Σύναξις Αρχαγγέλου Γαβριήλ; 26 Μάρτυρες, οι εν Γοτθία; Ειρηναίος ο ιερομάρτυς της Ουγγαρίας
Ημέρα Νηστείας (Κατάλυσις οίνου και ελαίου)
Ανάγνωσις Παλαιᾱς Διαθήκης: Ησαΐας 26:21-27:9
Ιδού γαρ Κύριος από του αγίου επάγει την οργήν επί τους ενοικούντας επί της γής, και ανακαλύψει η γή το αίμα αυτής και ου κατακαλύψει τους ανηρημένους επ᾿ αυτής.
εν τη ημέρα εκείνη επάξει ο Θεός την μάχαιραν την αγίαν και την μεγάλην και την ισχυράν επί τον δράκοντα όφιν φεύγοντα, επί τον δράκοντα όφιν σκολιόν και ανελεί τον δράκοντα. τη ημέρα εκείνη αμπελών καλός επιθύμημα εξάρχειν κατ᾿ αυτής. εγώ πόλις οχυρά, πόλις πολιουρκουμένη, μάτην ποτιώ αυτήν· αλώσεται γαρ νυκτός, ημέρας δε πεσείται το τείχος. ουκ έστιν ή ουκ επελάβετο αυτής· τίς με θήσει φυλάσσειν καλάμην εν αγρώ; διά την πολεμίαν ταύτην ηθέτηκα αυτήν· τοίνυν διά τούτο εποίησε Κύριος πάντα όσα συνέταξε. κατακέκαυμαι, βοήσονται οι ενοικούντες εν αυτή, ποιήσωμεν ειρήνην αυτώ, ποιήσωμεν ειρήνην.
οι ερχόμενοι, τέκνα ᾿Ιακώβ, βλαστήσει και εξανθήσει ᾿Ισραήλ, και εμπλησθήσεται η οικουμένη του καρπού αυτού,
μή ως αυτός επάταξε, και αυτός ούτως πληγήσεται, και ως αυτός ανείλεν, ούτως αναιρεθήσεται; μαχόμενος και ονειδίζων εξαποστελεί αυτούς· ου σύ ήσθα ο μελετών τω πνεύματι τω σκληρώ ανελείν αυτούς πνεύματι θυμού; διά τούτο αφαιρεθήσεται η ανομία ᾿Ιακώβ, και τούτό εστιν η ευλογία αυτού, όταν αφέλωμαι την αμαρτίαν αυτού, όταν θώσι πάντας τους λίθους των βωμών κατακεκομμένους ως κονίαν λεπτήν· και ου μή μείνη τα δένδρα αυτών, και τα είδωλα αυτών εκκεκομμένα ώσπερ δρυμός μακράν.Ανάγνωσις Παλαιᾱς Διαθήκης: Γένεσις 9:18-10:1
῏Ησαν δε οι υιοί Νώε, οι εξελθόντες εκ της κιβωτού, Σήμ, Χάμ, ᾿Ιάφεθ· Χάμ δε ήν πατήρ Χαναάν. τρείς ούτοί εισιν υιοί Νώε· από τούτων διεσπάρησαν επί πάσαν την γήν.
Και ήρξατο Νώε άνθρωπος γεωργός γής και εφύτευσεν αμπελώνα. και έπιεν εκ του οίνου και εμεθύσθη και εγυμνώθη εν τω οίκω αυτού. και είδε Χάμ ο πατήρ Χαναάν την γύμνωσιν του πατρός αυτού και εξελθών ανήγγειλε τοις δυσίν αδελφοίς αυτού έξω. και λαβόντες Σήμ και ᾿Ιάφεθ το ιμάτιον επέθεντο επί τα δύο νώτα αυτών και επορεύθησαν οπισθοφανώς και συνεκάλυψαν την γύμνωσιν του πατρός αυτών, και το πρόσωπον αυτών οπισθοφανώς, και την γύμνωσιν του πατρός αυτών ουκ είδον. εξένηψε δε Νώε από του οίνου και έγνω όσα εποίησεν αυτώ ο υιός αυτού ο νεώτερος, και είπεν· επικατάρατος Χαναάν· παίς οικέτης έσται τοις αδελφοίς αυτού. και είπεν· ευλογητός Κύριος ο Θεός του Σήμ, και έσται Χαναάν παίς οικέτης αυτού. πλατύναι ο Θεός τω ᾿Ιάφεθ, και κατοικησάτω εν τοις οίκοις του Σήμ και γενηθήτω Χαναάν παίς αυτού. ῎Εζησε δε Νώε μετά τον κατακλυσμόν έτη τριακόσια πεντήκοντα. και εγένοντο πάσαι αι ημέραι Νώε εννακόσια πεντήκοντα έτη, και απέθανεν. ΑΥΤΑΙ δε αι γενέσεις των υιών Νώε, Σήμ, Χάμ, ᾿Ιάφεθ, και εγεννήθησαν αυτοίς υιοί μετά τον κατακλυσμόν.
Ανάγνωσις Παλαιᾱς Διαθήκης: Παροιμίαι 12:23-13:9
Ανήρ συνετός θρόνος αισθήσεως, καρδία δε αφρόνων συναντήσεται αραίς. χείρ εκλεκτών κρατήσει ευχερώς, δόλιοι δε έσονται εν προνομή. φοβερός λόγος καρδίαν ταράσσει ανδρός δικαίου, αγγελία δε αγαθή ευφραίνει αυτόν. επιγνώμων δίκαιος εαυτού φίλος έσται, αι δε γνώμαι των ασεβών ανεπιεικείς. αμαρτάνοντας καταδιώξεται κακά η δε οδός των ασεβών πλανήσει αυτούς. ουκ επιτεύξεται δόλιος θήρας, κτήμα δε τίμιον ανήρ καθαρός. εν οδοίς δικαιοσύνης ζωή, οδοί δε μνησικάκων εις θάνατον.
Υιός πανούργος υπήκοος πατρί, υιός δε ανήκοος εν απωλεία. από καρπών δικαιοσύνης φάγεται αγαθός, ψυχαί δε παρανόμων ολούνται άωροι. ός φυλάσσει το εαυτού στόμα, τηρεί την εαυτού ψυχήν, ο δε προπετής χείλεσι πτοήσει εαυτόν. εν επιθυμίαις εστί πάς αεργός, χείρες δε ανδρείων εν επιμελεία. λόγον άδικον μισεί δίκαιος, ασεβής δε αισχύνεται και ουχ έξει παρρησίαν. εισίν οι πλουτίζοντες εαυτούς μηδέν έχοντες, καί εισιν οι ταπεινούντες εαυτούς εν πολλώ πλούτω. λύτρον ανδρός ψυχής ο ίδιος πλούτος, πτωχός δε ουχ υφίσταται απειλήν. φώς δικαίοις διαπαντός, φώς δε ασεβών σβέννυται.