ΣΤ’ Ματθαίου

Άγιοι, εορταί, και Αναγνώσεις – Κυριακή, 20 Ιουλίου 2025
Άγιοι και εορταί: ΣΤ’ Ματθαίου; Προφήτης Ηλίας ο Θεσβίτης; Των εν τη Πατριαρχική Εξαρχία των εν Δυτική Ευρώπη Ορθοδόξων Παροικιών Ρωσσικής Παραδόσεως διακονησάντων Αγίων Ιερομαρτύρων Πρωτοπρεσβυτέρου Αλεξίου Mednedkov, Πρεσβυτέρου Δημητρίου Skobtsov, Οσιομάρτυρος Μαρίας Skobtsov, του υιού αυτής Μάρτυρος Jouri Skobtsov και του Μάρτυρος Elie Fondaminskii; Μαρία Σκομπτσόβα η Νεομάρτυρας της Γαλλίας
Ανάγνωσις Ευαγγελίου Όρθρου: Κατά Λουκάν 24:36-53
Τω καιρώ εκείνω, αναστάς ο Ιησούς εκ νεκρών έστη εν μέσω των Μαθητών, και λέγει αυτοίς· Ειρήνη υμίν. Πτοηθέντες δε και έμφοβοι γενόμενοι, εδόκουν πνεύμα θεωρείν. Και είπεν αυτοίς· Τί τεταραγμένοι εστέ, και διατί διαλογισμοί αναβαίνουσιν εν ταις καρδίαις υμών; ίδετε τάς χείράς μου και τους πόδας μου, ότι αυτός εγώ ειμι, ψηλαφήσατέ με και ίδετε, ότι πνεύμα σάρκα και οστέα ουκ έχει, καθώς εμέ θεωρείτε έχοντα. Και τούτο ειπών, επέδειξεν αυτοίς τάς χείρας και τους πόδας. Έτι δε απιστούντων αυτών από της χαράς, και θαυμαζόντων, είπεν αυτοίς· Έχετέ τι βρώσιμον ενθάδε; Οι δε επέδωκαν αυτώ ιχθύος οπτού μέρος, και από μελισσίου κηρίου. Και λαβών, ενώπιον αυτών έφαγεν. Είπε δε αυτοίς· Ούτοι οι λόγοι, ούς ελάλησα πρός υμάς έτι ών σύν υμίν, ότι δεί πληρωθήναι πάντα τα γεγραμμένα εν τω νόμω Μωσέως και Προφήταις και Ψαλμοίς περί εμού. Τότε διήνοιξεν αυτών τον νούν, του συνιέναι τάς Γραφάς· και είπεν αυτοίς· Ότι ούτω γέγραπται, και ούτως είδει παθείν τον Χριστόν, και αναστήναι εκ νεκρών τη τρίτη ημέρα, και κηρυχθήναι επί τω ονόματι αυτού μετάνοιαν και άφεσιν αμαρτιών εις πάντα τα έθνη, αρξάμενον από Ιερουσαλήμ. Υμείς δέ εστε μάρτυρες τούτων. Και ιδού εγώ αποστέλλω την επαγγελίαν του πατρός μου εφ’ υμάς· υμείς δε καθίσατε εν τη πόλει Ιερουσαλήμ, έως ού ενδύσησθε δύναμιν εξ ύψους. Εξήγαγε δε αυτούς έξω εις Βηθανίαν, και επάρας τάς χείρας αυτού, ευλόγησεν αυτούς. Και εγένετο εν τω ευλογείν αυτόν αυτούς, διέστη απ’ αυτών, και ανεφέρετο εις τον ουρανόν. Και αυτοί, προσκυνήσαντες αυτόν, υπέστρεψαν εις Ιερουσαλήμ μετά χαράς μεγάλης. Και ήσαν διαπαντός εν τω Ιερώ, αινούντες και ευλογούντες τον Θεόν. Αμήν.
Ανάγνωσις Επιστολής: Ιακ. 5:10-20
Αδελφοί, υπόδειγμα λάβετε, αδελφοί μου, της κακοπαθείας, και της μακροθυμίας, τους προφήτας οί ελάλησαν τω ονόματι κυρίου. Ιδού, μακαρίζομεν τους υπομένοντας· την υπομονήν Ιώβ ηκούσατε, και το τέλος κυρίου ίδετε, ότι πολύσπλαγχνός εστιν και οικτίρμων. Πρό πάντων δέ, αδελφοί μου, μή ομνύετε, μήτε τον ουρανόν, μήτε την γήν, μήτε άλλον τινά όρκον· ήτω δε υμών το ναί, ναί, και το ού, ού· ίνα μή εις υπόκρίσιν πέσητε. Κακοπαθεί τις εν υμίν; Προσευχέσθω. Ευθυμεί τις; Ψαλλέτω. Ασθενεί τις εν υμίν; Προσκαλεσάσθω τους πρεσβυτέρους της εκκλησίας, και προσευξάσθωσαν επʼ αυτόν, αλείψαντες αυτόν ελαίω εν τω ονόματι του κυρίου· και η ευχή της πίστεως σώσει τον κάμνοντα, και εγερεί αυτόν ο κύριος· κάν αμαρτίας ᾖ πεποιηκώς, αφεθήσεται αυτώ. Εξομολογείσθε αλλήλοις τα παραπτώματα, και εύχεσθε υπέρ αλλήλων, όπως ιαθήτε. Πολύ ισχύει δέησις δικαίου ενεργουμένη. Ηλίας άνθρωπος ήν ομοιοπαθής ημίν, και προσευχή προσηύξατο του μή βρέξαι· και ουκ έβρεξεν επί της γής ενιαυτούς τρείς και μήνας έξ. Και πάλιν προσηύξατο, και ο ουρανός υετόν έδωκεν, και η γή εβλάστησεν τον καρπόν αυτής. Αδελφοί, εάν τις εν υμίν πλανηθή από της αληθείας, και επιστρέψη τις αυτόν, γινωσκέτω ότι ο επιστρέψας αμαρτωλόν εκ πλάνης οδού αυτού σώσει ψυχήν εκ θανάτου, και καλύψει πλήθος αμαρτιών.
Ανάγνωσις Ευαγγελίου: Κατά Ματθαίον 9:1-8
Τω καιρώ εκείνω, εμβάς εις πλοίον διεπέρασε και ήλθεν εις την ιδίαν πόλιν. Και ιδού προσέφερον αυτώ παραλυτικόν επί κλίνης βεβλημένον· και ιδών ο ᾿Ιησούς την πίστιν αυτών είπε τω παραλυτικώ· θάρσει, τέκνον· αφέωνταί σοι αι αμαρτίαι σου. καί ιδού τινες των γραμματέων είπον εν εαυτοίς· ούτος βλασφημεί. καί ιδών ο ᾿Ιησούς τάς ενθυμήσεις αυτών είπεν· ίνα τί υμείς ενθυμείσθε πονηρά εν ταις καρδίαις υμών; τί γάρ εστιν ευκοπώτερον, ειπείν, αφέωνταί σου αι αμαρτίαι, ή ειπείν, έγειρε και περιπάτει; ίνα δε ειδήτε ότι εξουσίαν έχει ο υιός του ανθρώπου επί της γής αφιέναι αμαρτίας – τότε λέγει τω παραλυτικώ· εγερθείς άρόν σου την κλίνην και ύπαγε εις τον οίκόν σου. καί εγερθείς απήλθεν εις τον οίκον αυτού. ιδόντες δε οι όχλοι εθαύμασαν και εδόξασαν τον Θεόν τον δόντα εξουσίαν τοιαύτην τοις ανθρώποις.