Σαμψών ο Ξενοδόχος

Άγιοι, εορταί, και Αναγνώσεις – Παρασκευή, 27 Ιουνίου 2025
Άγιοι και εορταί: Σαμψών ο Ξενοδόχος; Ιωάννα Μυροφόρος; Αγίου Μάρτυρος Ανέκτου; Λουκά του ερημίτου
Αυστηρή Νηστεία
Ανάγνωσις Επιστολής: Ρωμ. 9:6-19
Αδελφοί, ουχ οίον δε ότι εκπέπτωκεν ο λόγος του θεού. Ου γαρ πάντες οι εξ Ισραήλ, ούτοι Ισραήλ· ουδʼ ότι εισίν σπέρμα Αβραάμ, πάντες τέκνα· αλλʼ Εν Ισαάκ κληθήσεταί σοι σπέρμα. Τούτʼ έστιν, ου τα τέκνα της σαρκός, ταύτα τέκνα του θεού· αλλά τα τέκνα της επαγγελίας λογίζεται εις σπέρμα. Επαγγελίας γαρ ο λόγος ούτος, Κατά τον καιρόν τούτον ελεύσομαι, και έσται τη Σάρρα υιός. Ου μόνον δέ, αλλά και Ῥεβέκκα εξ ενός κοίτην έχουσα, Ισαάκ του πατρός ημών – μήπω γαρ γεννηθέντων, μηδέ πραξάντων τι αγαθόν ή κακόν, ίνα η κατʼ εκλογήν πρόθεσις του θεού μένη, ουκ εξ έργων, αλλʼ εκ του καλούντος, ερρήθη αυτή ότι Ο μείζων δουλεύσει τω ελάσσονι. Καθώς γέγραπται, Τον Ιακώβ ηγάπησα, τον δε Ησαύ εμίσησα. Τί ούν ερούμεν; Μή αδικία παρά τω θεώ; Μή γένοιτο. Τω γαρ Μωϋσή λέγει, Ελεήσω όν άν ελεώ, και οικτειρήσω όν άν οικτείρω. Άρα ούν ου του θέλοντος, ουδέ του τρέχοντος, αλλά του ελεούντος θεού. Λέγει γαρ η γραφή τω Φαραώ ότι Εις αυτό τούτο εξήγειρά σε, όπως ενδείξωμαι εν σοί την δύναμίν μου, και όπως διαγγελή το όνομά μου εν πάση τη γή. Άρα ούν όν θέλει ελεεί· όν δε θέλει σκληρύνει. Ερείς ούν μοι, Τί έτι μέμφεται; Τω γαρ βουλήματι αυτού τις ανθέστηκεν;
Ανάγνωσις Ευαγγελίου: Κατά Ματθαίον 10:32-36, 11:1
Είπεν ο Κυριος τοις εαυτού μαθηταίς· Πάς ούν όστις ομολογήσει εν εμοί έμπροσθεν των ανθρώπων, ομολογήσω καγώ εν αυτώ έμπροσθεν του πατρός μου του εν ουρανοίς. όστις δ᾿ άν αρνήσηταί με έμπροσθεν των ανθρώπων, αρνήσομαι αυτόν καγώ έμπροσθεν του πατρός μου του εν ουρανοίς. Μή νομίσητε ότι ήλθον βαλείν ειρήνην επί την γήν· ουκ ήλθον βαλείν ειρήνην, αλλά μάχαιραν. ήλθον γαρ διχάσαι άνθρωπον κατά του πατρός αυτού και θυγατέρα κατά της μητρός αυτής και νύμφην κατά της πενθεράς αυτής· καί εχθροί του ανθρώπου οι οικιακοί αυτού. Και εγένετο ότε ετέλεσεν ο ᾿Ιησούς διατάσσων τοις δώδεκα μαθηταίς αυτού μετέβη εκείθεν του διδάσκειν και κηρύσσειν εν ταις πόλεσιν αυτών.