Προεόρτια Ευαγγελισμού

Άγιοι, εορταί, και Αναγνώσεις – Δευτέρα, 24 Μαρτίου 2025
Άγιοι και εορταί: Προεόρτια Ευαγγελισμού; Οσίου Αρτέμονος, Επισκόπου Σελευκείας της Πισιδίας; Θεωνάς, ο έν Θεσσαλονίκη; Ζαχαρίας
Αυστηρή Νηστεία
Ανάγνωσις Παλαιᾱς Διαθήκης: Ησαΐας 14:24-32
Τάδε λέγει Κύριος σαβαώθ· όν τρόπον είρηκα, ούτως έσται, και όν τρόπον βεβούλευμαι, ούτως μενεί, του απολέσαι τους ᾿Ασσυρίους από της γής της εμής και από των ορέων μου, και έσονται εις καταπάτημα, και αφαιρεθήσεται απ᾿ αυτών ο ζυγός αυτών, και το κύδος αυτών από των ώμων αφαιρεθήσεται. αύτη η βουλή, ήν βεβούλευται Κύριος επί την όλην οικουμένην, και αύτη η χείρ η υψηλή επί πάντα τα έθνη. ά γαρ ο Θεός ο άγιος βεβούλευται, τίς διασκεδάσει; και την χείρα αυτού την υψηλήν τίς αποστρέψει; Του έτους, ού απέθανεν ο βασιλεύς ῎Αχαζ, εγενήθη το ρήμα τούτο. μή ευφρανθείητε οι αλλόφυλοι πάντες, συνετρίβη γαρ ο ζυγός του παίοντος υμάς· εκ γαρ σπέρματος όφεως εξελεύσεται έκγονα ασπίδων, και τα έκγονα αυτών εξελεύσονται όφεις πετόμενοι και βοσκηθήσονται πτωχοί δι᾿ αυτού, πτωχοί δε άνθρωποι επί ειρήνης αναπαύσονται· ανελεί δε λιμώ το σπέρμα σου και το κατάλειμμά σου ανελεί. ολολύξατε, πύλαι πόλεων, κεκραγέτωσαν πόλεις τεταραγμέναι, οι αλλόφυλοι πάντες, ότι από Βορρά καπνός έρχεται, και ουκ έστι του είναι. και τί αποκριθήσονται βασιλείς εθνών; ότι Κύριος εθεμελίωσε Σιών, και δι᾿ αυτού σωθήσονται οι ταπεινοί του λαού.
Ανάγνωσις Παλαιᾱς Διαθήκης: Γένεσις 8:21-9:7
Και ωσφράνθη Κύριος ο Θεός οσμήν ευωδίας, και είπε Κύριος ο Θεός διανοηθείς· ου προσθήτω έτι καταράσασθαι την γήν διά τα έργα των ανθρώπων, ότι έγκειται η διάνοια του ανθρώπου επιμελώς επί τα πονηρά εκ νεότητος αυτού· ου προσθήσω ούν έτι πατάξαι πάσαν σάρκα ζώσαν, καθώς εποίησα. πάσας τάς ημέρας της γής, σπέρμα και θερισμός, ψύχος και καύμα, θέρος και έαρ, ημέραν και νύκτα ου καταπαύσουσι.
Και ευλόγησεν ο Θεός τον Νώε και τους υιούς αυτού και είπεν αυτοίς· αυξάνεσθε και πληθύνεσθε και πληρώσατε την γήν και κατακυριεύσατε αυτής. και ο τρόμος και ο φόβος υμών έσται επί πάσι τοις θηρίοις της γής, επί πάντα τα πετεινά του ουρανού και επί πάντα τα κινούμενα επί της γής και επί πάντας τους ιχθύας της θαλάσσης· υπό χείρας υμίν δέδωκα. και πάν ερπετόν, ό εστι ζών, υμίν έσται εις βρώσιν· ως λάχανα χόρτου δέδωκα υμίν τα πάντα. πλήν κρέας εν αίματι ψυχής ου φάγεσθε· και γαρ το υμέτερον αίμα των ψυχών υμών εκ χειρός πάντων των θηρίων εκζητήσω αυτό και εκ χειρός ανθρώπου αδελφού εκζητήσω την ψυχήν του ανθρώπου. ο εκχέων αίμα ανθρώπου, αντί του αίματος αυτού εκχυθήσεται, ότι εν εικόνι Θεού εποίησα τον άνθρωπον. υμείς δε αυξάνεσθε και πληθύνεσθε και πληρώσατε την γήν, και κατακυριεύσατε αυτής.
Ανάγνωσις Παλαιᾱς Διαθήκης: Παροιμίαι 11:19-12:6
Υιός δίκαιος γεννάται εις ζωήν, διωγμός δε ασεβούς εις θάνατον. βδέλυγμα Κυρίω διεστραμμέναι οδοί, προσδεκτοί δε αυτώ πάντες άμωμοι εν ταις οδοίς αυτών. χειρί χείρας εμβαλών αδίκως ουκ ατιμώρητος έσται, ο δε σπείρων δικαιοσύνην λήψεται μισθόν πιστόν. ώσπερ ενώτιον εν ρινί υός, ούτως γυναικί κακόφρονι κάλλος. επιθυμία δικαίων πάσα αγαθή, ελπίς δε ασεβών απολείται. εισίν οί τα ίδια σπείροντες πλείονα ποιούσιν, εισί δε και οί συνάγοντες ελαττονούνται. ψυχή ευλογουμένη πάσα απλή, ανήρ δε θυμώδης ουκ ευσχήμων. ο συνέχων σίτον υπολείποιτο αυτόν τοις έθνεσιν, ευλογίαν δε εις κεφαλήν του μεταδιδόντος. τεκταινόμενος αγαθά ζητεί χάριν αγαθήν, εκζητούντα δε κακά, καταλήψεται αυτόν. ο πεποιθώς επί πλούτω ούτος πεσείται, ο δε αντιλαμβανόμενος δικαίων ούτος ανατελεί. ο μή συμπεριφερόμενος τω εαυτού οίκω κληρονομήσει άνεμον, δουλεύσει δε άφρων φρονίμω. εκ καρπού δικαιοσύνης φύεται δένδρον ζωής, αφαιρούνται δε άωροι ψυχαί παρανόμων. ει ο μέν δίκαιος μόλις σώζεται, ο ασεβής και αμαρτωλός πού φανείται; Ο αγαπών παιδείαν, αγαπά αίσθησιν, ο δε μισών ελέγχους άφρων. κρείσων ο ευρών χάριν παρά Κυρίω, ανήρ δε παράνομος παρασιωπηθήσεται. ου κατορθώσει άνθρωπος εξ ανόμου, αι δε ρίζαι των δικαίων ουκ εξαρθήσονται. γυνή ανδρεία στέφανος τω ανδρί αυτής· ώσπερ δε εν ξύλω σκώληξ, ούτως άνδρα απόλλυσι γυνή κακοποιός. λογισμοί δικαίων κρίματα, κυβερνώσι δε ασεβείς δόλους. λόγοι ασεβών δόλιοι, στόμα δε ορθών ρύσεται αυτούς.