Παχώμιος ο Μέγας

Άγιοι, εορταί, και Αναγνώσεις – Πέμπτη, 15 Μαίου 2025
Άγιοι και εορταί: Παχώμιος ο Μέγας; Αχίλλιος, Αρχιεπίσκοπος Λάρισας; Επανακομιδή της Τιμίας Καρας του Αποστόλου Τίτου; Βάρβαρος ο Μυροφόρος της Κέρκυρας ; Ανδρέου ερημίτου
Ανάγνωσις Επιστολής: Πράξ. 10:34-43
Εν ταις ημεραίς εκείναις,᾿Ανοίξας δε Πέτρος το στόμα αυτού είπεν· επ᾿ αληθείας καταλαμβάνομαι ότι ουκ έστι προσωπολήπτης ο Θεός, αλλ᾿ εν παντί έθνει ο φοβούμενος αυτόν και εργαζόμενος δικαιοσύνην δεκτός αυτώ εστι. τον λόγον όν απέστειλε τοις υιοίς ᾿Ισραήλ ευαγγελιζόμενος ειρήνην διά ᾿Ιησού Χριστού· ούτός εστι πάντων Κύριος· υμείς οίδατε το γενόμενον ρήμα καθ᾿ όλης της ᾿Ιουδαίας, αρξάμενον από της Γαλιλαίας μετά το βάπτισμα ό εκήρυξεν ᾿Ιωάννης, ᾿Ιησούν τον από Ναζαρέτ, ως έχρισεν αυτόν ο Θεός Πνεύματι ῾Αγίω και δυνάμει, ός διήλθεν ευεργετών και ιώμενος πάντας τους καταδυναστευομένους υπό του διαβόλου, ότι ο Θεός ήν μετ᾿ αυτού· και ημείς εσμεν μάρτυρες πάντων ών εποίησεν έν τε τη χώρα των ᾿Ιουδαίων και εν ῾Ιερουσαλήμ· όν και ανείλον κρεμάσαντες επί ξύλου. τούτον ο Θεός ήγειρε τη τρίτη ημέρα και έδωκεν αυτόν εμφανή γενέσθαι,ου παντί τω λαώ, αλλά μάρτυσι τοις προκεχειροτονημένοις υπό του Θεού, ημίν, οίτινες συνεφάγομεν και συνεπίομεν αυτώ μετά το αναστήναι αυτόν εκ νεκρών· και παρήγγειλεν ημίν κηρύξαι τω λαώ και διαμαρτύρασθαι ότι αυτός εστιν ο ωρισμένος υπό του Θεού κριτής ζώντων και νεκρών. τούτω πάντες οι προφήται μαρτυρούσιν, άφεσιν αμαρτιών λαβείν διά του ονόματος αυτού πάντα τον πιστεύοντα εις αυτόν.
Ανάγνωσις Ευαγγελίου: Κατά Ιωάννην 8:12-20
Είπεν ο Κύριος πρός τους εληλυθότας πρός αυτόν Ιουδαίους· Εγώ ειμι το φώς του κόσμου· ο ακολουθών εμοί ου μή περιπατήση εν τη σκοτία, αλλ᾽ έξει το φώς της ζωής. είπον ούν αυτώ οι Φαρισαίοι· σύ περί σεαυτού μαρτυρείς· η μαρτυρία σου ουκ έστιν αληθής. απεκρίθη ᾿Ιησούς και είπεν αυτοίς· κάν εγώ μαρτυρώ περί εμαυτού, αληθής εστιν η μαρτυρία μου, ότι οίδα πόθεν ήλθον και πού υπάγω· υμείς δε ουκ οίδατε πόθεν έρχομαι ή πού υπάγω. υμείς κατά την σάρκα κρίνετε· εγώ ου κρίνω ουδένα. καί εάν κρίνω δε εγώ, η κρίσις η εμή αληθής εστιν, ότι μόνος ουκ ειμί, αλλ᾽ εγώ και ο πέμψας με πατήρ. καί εν τω νόμω δε τω υμετέρω γέγραπται ότι δύο ανθρώπων η μαρτυρία αληθής εστιν. εγώ ειμι ο μαρτυρών περί εμαυτού, και μαρτυρεί περί εμού ο πέμψας με πατήρ. έλεγον ούν αυτώ· πού εστιν ο πατήρ σου; απεκρίθη ᾿Ιησούς· ούτε εμέ οίδατε ούτε τον πατέρα μου· ει εμέ ᾔδειτε, και τον πατέρα μου ᾔδειτε άν. Ταύτα τα ρήματα ελάλησεν ο ᾿Ιησούς εν τω γαζοφυλακίω, διδάσκων εν τω ιερώ, και ουδείς επίασεν αυτόν, ότι ούπω εληλύθει η ώρα αυτού.