- This event has passed.
Πέμπτη Διακαινήσιμου
Apr 24, 2025
Άγιοι, εορταί, και Αναγνώσεις – Πέμπτη, 24 Απριλίου 2025
Άγιοι και εορταί: Πέμπτη Διακαινήσιμου; Ελισάβετ η Θαυματουργή; Σάβας ο Στρατηλάτης; Νικόλαος ο Νεομάρτυρας; Μελίτων Αρχιεπίσκοπος Καντουαρίας
Κατάλυσις Πάντων
Ανάγνωσις Επιστολής: Πράξ. 2:38-43
Εν ταις ημεραίς εκείναις, είπε Πέτρος πρός τον λαόν, Μετανοήσατε, και βαπτισθήτω έκαστος υμών επί τω ονόματι Ιησού Χριστού εις άφεσιν αμαρτιών, και λήψεσθε την δωρεάν του αγίου πνεύματος. Υμίν γαρ εστιν η επαγγελία, και τοις τέκνοις υμών, και πάσιν τοις εις μακράν, όσους άν προσκαλέσηται κύριος ο θεός ημών. Ετέροις τε λόγοις πλείοσιν διεμαρτύρετο και παρεκάλει λέγων, Σώθητε από της γενεάς της σκολιάς ταύτης. Οι μέν ούν ασμένως αποδεξάμενοι τον λόγον αυτού εβαπτίσθησαν· και προσετέθησαν τη ημέρα εκείνη ψυχαί ωσεί τρισχίλιαι. Ήσαν δε προσκαρτερούντες τη διδαχή των αποστόλων και τη κοινωνία, και τη κλάσει του άρτου και ταις προσευχαίς. Εγένετο δε πάση ψυχή φόβος, πολλά τε τέρατα και σημεία διά των αποστόλων εγίνετο.
Ανάγνωσις Ευαγγελίου: Κατά Ιωάννην 3:1-15
Τω καιρώ εκείνω, άνθρωπος εκ των Φαρισαίων, Νικόδημος όνομα αυτώ, άρχων των Ιουδαίων. Ούτος ήλθε πρός τον Ιησούν νυκτός και είπεν αυτώ· Ῥαββί, οίδαμεν ότι από Θεού ελήλυθας διδάσκαλος· ουδείς γαρ ταύτα τα σημεία δύναται ποιείν ά σύ ποιείς, εάν μή ᾖ ο Θεός μετ᾽αυτού. Απεκρίθη Ιησούς και είπεν αυτώ· Αμήν αμήν λέγω σοι, εάν μή τις γεννηθή άνωθεν, ου δύναται ιδείν την βασιλείαν του Θεού. Λέγει πρός αυτόν ο Νικόδημος· Πώς δύναται άνθρωπος γεννηθήναι γέρων ών; Μή δύναται εις την κοιλίαν της μητρός αυτού δεύτερον εισελθείν και γεννηθήναι; Απεκρίθη Ιησούς· Αμήν αμήν λέγω σοι, εάν μή τις γεννηθή εξ ύδατος και Πνεύματος, ου δύναται εισελθείν εις την βασιλείαν του Θεού. Το γεγεννημένον εκ της σαρκός σάρξ εστι, και το γεγεννημένον εκ του Πνεύματος πνεύμά εστι. Μή θαυμάσης ότι είπόν σοι, δεί υμάς γεννηθήναι άνωθεν. Το πνεύμα όπου θέλει πνεί, και την φωνήν αυτού ακούεις, αλλ᾽ ουκ οίδας πόθεν έρχεται και πού υπάγει· ούτως εστί πάς ο γεγεννημένος εκ του Πνεύματος. Απεκρίθη Νικόδημος και είπεν αυτώ· Πώς δύναται ταύτα γενέσθαι; Απεκρίθη Ιησούς και είπεν αυτώ· Σύ ει ο διδάσκαλος του Ισραήλ και ταύτα ου γινώσκεις; Αμήν αμήν λέγω σοι ότι ό οίδαμεν λαλούμεν και ό εωράκαμεν μαρτυρούμεν, και την μαρτυρίαν ημών ου λαμβάνετε. Ει τα επίγεια είπον υμίν και ου πιστεύετε, πώς εάν είπω υμίν τα επουράνια πιστεύσετε; Και ουδείς αναβέβηκεν εις τον ουρανόν ει μή ο εκ του ουρανού καταβάς, ο Υιός του ανθρώπου ο ών εν τω ουρανώ. Και καθώς Μωϋσής ύψωσε τον όφιν εν τη ερήμω, ούτως υψωθήναι δεί τον Υιόν του ανθρώπου, ίνα πάς ο πιστεύων εις αυτόν μή απόληται, αλλ᾽ έχη ζωήν αιώνιον.