Οσίου Δαυΐδ του εν Θεσσαλονίκη

Άγιοι, εορταί, και Αναγνώσεις – Πέμπτη, 26 Ιουνίου 2025
Άγιοι και εορταί: Οσίου Δαυΐδ του εν Θεσσαλονίκη; Εμφάνιση του εικόνος της Παναγίας δεσποίνης Θεοτόκου του Τίχβιν
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Επιστολής: Ρωμ. 8:22-27
Αδελφοί, οίδαμεν γαρ ότι πάσα η κτίσις συστενάζει και συνωδίνει άχρι του νύν. Ου μόνον δέ, αλλά και αυτοί την απαρχήν του πνεύματος έχοντες, και ημείς αυτοί εν εαυτοίς στενάζομεν, υιοθεσίαν απεκδεχόμενοι, την απολύτρωσιν του σώματος ημών. Τη γαρ ελπίδι εσώθημεν· ελπίς δε βλεπομένη ουκ έστιν ελπίς· ό γαρ βλέπει τις, τί και ελπίζει; Ει δε ό ου βλέπομεν ελπίζομεν, διʼ υπομονής απεκδεχόμεθα. Ωσαύτως δε και το πνεύμα συναντιλαμβάνεται ταις ασθενείαις ημών· το γαρ τί προσευξόμεθα καθό δεί, ουκ οίδαμεν, αλλʼ αυτό το πνεύμα υπερεντυγχάνει υπέρ ημών στεναγμοίς αλαλήτοις· ο δε ερευνών τάς καρδίας οίδεν τί το φρόνημα του πνεύματος, ότι κατά θεόν εντυγχάνει υπέρ αγίων.
Ανάγνωσις Ευαγγελίου: Κατά Ματθαίον 10:23-31
Είπεν ο Κυριος τοις εαυτού μαθηταίς· Όταν δε διώκωσιν υμάς εν τη πόλει ταύτη, φεύγετε εις την άλλην· αμήν γαρ λέγω υμίν, ου μή τελέσητε τάς πόλεις του ᾿Ισραήλ έως άν έλθη ο υιός του ανθρώπου. Ουκ έστι μαθητής υπέρ τον διδάσκαλον ουδέ δούλος υπέρ τον κύριον αυτού. αρκετόν τω μαθητή ίνα γένηται ως ο διδάσκαλος αυτού, και τω δούλω ως ο κύριος αυτού. ει τον οικοδεσπότην Βεελζεβούλ εκάλεσαν, πόσω μάλλον τους οικιακούς αυτού; μή ούν φοβηθήτε αυτούς· ουδέν γάρ εστι κεκαλυμμένον ό ουκ αποκαλυφθήσεται, και κρυπτόν ό ου γνωσθήσεται. ό λέγω υμίν εν τη σκοτία, είπατε εν τω φωτί, και ό εις το ούς ακούετε, κηρύξατε επί των δωμάτων. καί μή φοβηθήτε από των αποκτεννόντων το σώμα, την δε ψυχήν μή δυναμένων αποκτείναι· φοβήθητε δε μάλλον τον δυνάμενον και ψυχήν και σώμα απολέσαι εν γεέννη. ουχί δύο στρουθία ασσαρίου πωλείται; και έν εξ αυτών ου πεσείται επί την γήν άνευ του πατρός υμών. υμών δε και αι τρίχες της κεφαλής πάσαι ηριθμημέναι εισί. μή ούν φοβηθήτε· πολλών στρουθίων διαφέρετε υμείς.