Οσίου και Ομολογητού Μιχαήλ, Επισκόπου Συνάδων

Άγιοι, εορταί, και Αναγνώσεις – Παρασκευή, 23 Μαίου 2025
Άγιοι και εορταί: Οσίου και Ομολογητού Μιχαήλ, Επισκόπου Συνάδων; Μαρία η Μυροφόρος
Ημέρα Νηστείας (Κατάλυσις οίνου και ελαίου)
Ανάγνωσις Επιστολής: Πράξ. 15:5-12
Εν ταις ημεραίς εκείναις, εξανέστησαν δε τινες των από της αιρέσεως των Φαρισαίων πεπιστευκότες, λέγοντες ότι Δεί περιτέμνειν αυτούς, παραγγέλλειν τε τηρείν τον νόμον Μωϋσέως. Συνήχθησαν δε οι απόστολοι και οι πρεσβύτεροι ιδείν περί του λόγου τούτου. Πολλής δε συζητήσεως γενομένης, αναστάς Πέτρος είπεν πρός αυτούς, Άνδρες αδελφοί, υμείς επίστασθε ότι αφʼ ημερών αρχαίων ο θεός εν ημίν εξελέξατο, διά του στόματός μου ακούσαι τα έθνη τον λόγον του ευαγγελίου, και πιστεύσαι. Και ο καρδιογνώστης θεός εμαρτύρησεν αυτοίς, δούς αυτοίς το πνεύμα το άγιον, καθώς και ημίν· και ουδέν διέκρινεν μεταξύ ημών τε και αυτών, τη πίστει καθαρίσας τάς καρδίας αυτών. Νύν ούν τί πειράζετε τον θεόν, επιθείναι ζυγόν επί τον τράχηλον των μαθητών, όν ούτε οι πατέρες ημών ούτε ημείς ισχύσαμεν βαστάσαι; Αλλά διά της χάριτος του κυρίου Ιησού πιστεύομεν σωθήναι, καθʼ όν τρόπον κακείνοι. Εσίγησεν δε πάν το πλήθος, και ήκουον Βαρνάβα και Παύλου εξηγουμένων όσα εποίησεν ο θεός σημεία και τέρατα εν τοις έθνεσιν διʼ αυτών.
Ανάγνωσις Ευαγγελίου: Κατά Ιωάννην 10:17-28
Είπεν ο Κύριος πρός τους εληλυθότας πρός αυτόν Ιουδαίους· διά τούτο ο πατήρ με αγαπά, ότι εγώ τίθημι την ψυχήν μου, ίνα πάλιν λάβω αυτήν. ουδείς αίρει αυτήν απ᾽ εμού, αλλ᾽ εγώ τίθημι αυτήν απ᾽ εμαυτού· εξουσίαν έχω θείναι αυτήν, και εξουσίαν έχω πάλιν λαβείν αυτήν· ταύτην την εντολήν έλαβον παρά του πατρός μου. Σχίσμα ούν πάλιν εγένετο εν τοις ᾿Ιουδαίοις διά τους λόγους τούτους. έλεγον δε πολλοί εξ αυτών· δαιμόνιον έχει και μαίνεται· τί αυτού ακούετε; άλλοι έλεγον· ταύτα τα ρήματα ουκ έστι δαιμονιζομένου· μή δαιμόνιον δύναται τυφλών οφθαλμούς ανοίγειν;
᾿Εγένετο δε τα εγκαίνια εν τοις ῾Ιεροσολύμοις, και χειμών ήν· καί περιεπάτει ο ᾿Ιησούς εν τω ιερώ εν τη στοά του Σολομώντος. εκύκλωσαν ούν αυτόν οι ᾿Ιουδαίοι και έλεγον αυτώ· έως πότε την ψυχήν ημών αίρεις; ει σύ ει ο Χριστός, ειπέ ημίν παρρησία. απεκρίθη αυτοίς ο ᾿Ιησούς· είπον υμίν, και ου πιστεύετε· τα έργα ά εγώ ποιώ εν τω ονόματι του πατρός μου, ταύτα μαρτυρεί περί εμού· αλλ᾽ υμείς ου πιστεύετε· ου γαρ εστε εκ των προβάτων των εμών, καθώς είπον υμίν. τά πρόβατα τα εμά της φωνής μου ακούει, καγώ γινώσκω αυτά, και ακολουθούσί μοι, καγώ ζωήν αιώνιον δίδωμι αυτοίς.