Μωϋσής Αιθίοπας

Άγιοι, εορταί, και Αναγνώσεις – Πέμπτη, 28 Αυγούστου 2025
Άγιοι και εορταί: Μωϋσής Αιθίοπας; Διομήδης και Λαυρέντιος; 33 Μάρτυρες της Νικομηδείας ; Ιώβ του Ποτσαέφ; Σύναξις των Πατέρων των εν Κιέβ
Ανάγνωσις Επιστολής: Β’ Κορινθ. 7:1-10
Αδελφοί, καθαρίσωμεν εαυτούς από παντός μολυσμού σαρκός και πνεύματος, επιτελούντες αγιωσύνην εν φόβω θεού. Χωρήσατε ημάς· ουδένα ηδικήσαμεν, ουδένα εφθείραμεν, ουδένα επλεονεκτήσαμεν. Ου πρός κατάκρισιν λέγω· προείρηκα γάρ, ότι εν ταις καρδίαις ημών εστέ εις το συναποθανείν και συζήν. Πολλή μοι παρρησία πρός υμάς, πολλή μοι καύχησις υπέρ υμών· πεπλήρωμαι τη παρακλήσει, υπερπερισσεύομαι τη χαρά επί πάση τη θλίψει ημών. Και γαρ ελθόντων ημών εις Μακεδονίαν ουδεμίαν έσχηκεν άνεσιν η σάρξ ημών, αλλʼ εν παντί θλιβόμενοι· έξωθεν μάχαι, έσωθεν φόβοι. Αλλʼ ο παρακαλών τους ταπεινούς παρεκάλεσεν ημάς, ο θεός, εν τη παρουσία Τίτου· ου μόνον δε εν τη παρουσία αυτού, αλλά και εν τη παρακλήσει ή παρεκλήθη εφʼ υμίν, αναγγέλλων ημίν την υμών επιπόθησιν, τον υμών οδυρμόν, τον υμών ζήλον υπέρ εμού, ώστε με μάλλον χαρήναι. Ότι ει και ελύπησα υμάς εν τη επιστολή, ου μεταμέλομαι, ει και μετεμελόμην· βλέπω γαρ ότι η επιστολή εκείνη, ει και πρός ώραν, ελύπησεν υμάς. Νύν χαίρω, ουχ ότι ελυπήθητε, αλλʼ ότι ελυπήθητε εις μετάνοιαν· ελυπήθητε γαρ κατά θεόν, ίνα εν μηδενί ζημιωθήτε εξ ημών. Η γαρ κατά θεόν λύπη μετάνοιαν εις σωτηρίαν αμεταμέλητον κατεργάζεται· η δε του κόσμου λύπη θάνατον κατεργάζεται.
Ανάγνωσις Ευαγγελίου: Κατά Μάρκον 1:29-35
Τω καιρώ εκείνω, ήλθον ο Ιησούς την οικίαν Σίμωνος και ᾿Ανδρέου μετά ᾿Ιακώβου και ᾿Ιωάννου. η δε πενθερά Σίμωνος κατέκειτο πυρέσσουσα. και ευθέως λέγουσιν αυτώ περί αυτής. και προσελθών ήγειρεν αυτήν κρατήσας της χειρός αυτής, και αφήκεν αυτήν ο πυρετός ευθέως, και διηκόνει αυτοίς. ᾿Οψίας δε γενομένης, ότε έδυ ο ήλιος, έφερον πρός αυτόν πάντας τους κακώς έχοντας και τους δαιμονιζομένους. και ήν η πόλις όλη επισυνηγμένη πρός την θύραν· και εθεράπευσε πολλούς κακώς έχοντας ποικίλαις νόσοις, και δαιμόνια πολλά εξέβαλε, και ουκ ήφιε λαλείν τα δαιμόνια, ότι ᾔδεισαν αυτόν Χριστόν είναι. Και πρωῒ έννυχα λίαν αναστάς εξήλθε και απήλθεν εις έρημον τόπον, κακεί προσηύχετο.