Μάρτυρος Ματρώνης της εν Θεσσαλονίκη

Άγιοι, εορταί, και Αναγνώσεις – Πέμπτη, 27 Μαρτίου 2025
Άγιοι και εορταί: Μάρτυρος Ματρώνης της εν Θεσσαλονίκη; Παύλος, Επίσκοπος Κορίνθου
Αυστηρή Νηστεία
Ανάγνωσις Παλαιᾱς Διαθήκης: Ησαΐας 28:14-22
Διά τούτο ακούσατε λόγον Κυρίου, άνδρες τεθλιμμένοι και άρχοντες του λαού τούτου του εν ᾿Ιερουσαλήμ· ότι είπατε· εποιήσαμεν διαθήκην μετά του ᾅδου και μετά του θανάτου συνθήκας, καταιγίς φερομένη εάν παρέλθη ου μή έλθη εφ᾿ ημάς· εθήκαμεν ψεύδος την ελπίδα ημών και τω ψεύδει σκεπασθησόμεθα. διά τούτο ούτω λέγει Κύριος Κύριος· ιδού εγώ εμβαλώ εις τα θεμέλια Σιών λίθον πολυτελή εκλεκτόν ακρογωνιαίον, έντιμον, εις τα θεμέλια αυτής, και ο πιστεύων επ᾿ αυτώ ου μή καταισχυνθή. και θήσω κρίσιν εις ελπίδα, η δε ελεημοσύνη μου εις σταθμούς, και οι πεποιθότες μάτην ψεύδει· ότι ου μή παρέλθη υμάς καταιγίς, μή και αφέλη υμών την διαθήκην του θανάτου, και η ελπίς υμών η πρός τον ᾅδην ου μή εμμείνη· καταιγίς φερομένη εάν επέλθη, έσεσθε αυτή εις καταπάτημα. όταν παρέλθη, λήψεται υμάς· πρωΐ πρωΐ παρελεύσεται ημέρας, και εν νυκτί έσται ελπίς πονηρά· μάθετε ακούειν. στενοχωρούμενοι ου δυνάμεθα μάχεσθαι, αυτοί δε ασθενούμεν του υμάς συναχθήναι. ώσπερ όρος ασεβών αναστήσεται Κύριος, και έσται εν τη φάραγγι Γαβαών· μετά θυμού ποιήσει τα έργα αυτού, πικρίας έργον· ο δε θυμός αυτού αλλοτρίως χρήσεται, και η πικρία αυτού αλλοτρία. και υμείς μή ευφρανθείητε, μηδέ ισχυσάτωσαν υμών οι δεσμοί διότι συντετελεσμένα και συντετμημένα πράγματα ήκουσα παρά Κυρίου σαβαώθ, ά ποιήσει επί πάσαν την γήν.
Ανάγνωσις Παλαιᾱς Διαθήκης: Γένεσις 10:32-11:9
Αύται αι φυλαί υιών Νώε κατά γενέσεις αυτών, κατά έθνη αυτών· από τούτων διεσπάρησαν νήσοι των εθνών επί της γής μετά τον κατακλυσμόν. ΚΑΙ ήν πάσα η γή χείλος έν, και φωνή μία πάσι. και εγένετο εν τω κινήσαι αυτούς από ανατολών, εύρον πεδίον εν γή Σενναάρ και κατῴκησαν εκεί. και είπεν άνθρωπος τω πλησίον αυτού· δεύτε πλινθεύσωμεν πλίνθους και οπτήσωμεν αυτάς πυρί. και εγένετο αυτοίς η πλίνθος εις λίθον, και άσφαλτος ήν αυτοίς ο πηλός. και είπαν· δεύτε οικοδομήσωμεν εαυτοίς πόλιν και πύργον, ού έσται η κεφαλή έως του ουρανού, και ποιήσωμεν εαυτοίς όνομα πρό του διασπαρήναι ημάς επί προσώπου πάσης της γής. και κατέβη Κύριος ιδείν την πόλιν και τον πύργον, όν ᾠκοδόμησαν οι υιοί των ανθρώπων. και είπε Κύριος· ιδού γένος έν και χείλος έν πάντων, και τούτο ήρξαντο ποιήσαι, και νύν ουκ εκλείψει απ᾿ αυτών πάντα, όσα άν επιθώνται ποιείν. δεύτε και καταβάντες συγχέωμεν αυτών εκεί την γλώσσαν, ίνα μή ακούσωσιν έκαστος την φωνήν του πλησίον. και διέσπειρεν αυτούς Κύριος εκείθεν επί πρόσωπον πάσης της γής, και επαύσαντο οικοδομούντες την πόλιν και τον πύργον. διά τούτο εκλήθη το όνομα αυτής Σύγχυσις, ότι εκεί συνέχεε Κύριος τα χείλη πάσης της γής, και εκείθεν διέσπειρεν αυτούς Κύριος επί πρόσωπον πάσης της γής.
Ανάγνωσις Παλαιᾱς Διαθήκης: Παροιμίαι 13:19-14:6
Επιθυμίαι ευσεβών ηδύνουσι ψυχήν, έργα δε ασεβών μακράν από γνώσεως. ο συμπορευόμενος σοφοίς σοφός έσται, ο δε συμπορευόμενος άφροσι γνωσθήσεται. αμαρτάνοντας καταδιώξεται κακά, τους δε δικαίους καταλήψεται αγαθά. αγαθός ανήρ κληρονομήσει υιούς υιών, θησαυρίζεται δε δικαίοις πλούτος ασεβών. δίκαιοι ποιήσουσιν εν πλούτω έτη πολλά, άδικοι δε απολούνται συντόμως. ός φείδεται της βακτηρίας μισεί τον υιόν αυτού, ο δε αγαπών επιμελώς παιδεύει. δίκαιος έσθων εμπιπλά την ψυχήν αυτού, ψυχαί δε ασεβών ενδεείς. ΣΟΦΑΙ γυναίκες ᾠκοδόμησαν οίκους, η δε άφρων κατέσκαψε ταις χερσίν αυτής. ο πορευόμενος ορθώς φοβείται τον Κύριον, ο δε σκολιάζων ταις οδοίς αυτού ατιμασθήσεται. εκ στόματος αφρόνων βακτηρία ύβρεως, χείλη δε σοφών φυλάσσει αυτούς. ού μή εισι βόες, φάτναι καθαραί· ού δε πολλά γεννήματα, φανερά βοός ισχύς. μάρτυς πιστός ου ψεύδεται, εκκαίει δε ψευδή μάρτυς άδικος. ζητήσεις σοφίαν παρά κακοίς και ουχ ευρήσεις, αίσθησις δε παρά φρονίμοις ευχερής.