Κωνσταντίνος και Ελένη Ισαπόστολοι

Άγιοι, εορταί, και Αναγνώσεις – Τετάρτη, 21 Μαίου 2025 Άγιοι και εορταί: Κωνσταντίνος και Ελένη Ισαπόστολοι; Οσιομάρτυρος Παχωμίου Ημέρα Νηστείας (Κατάλυσις οίνου και ελαίου) Ανάγνωσις Ευαγγελίου Όρθρου: Κατά Ιωάννην 10:9-16 Είπεν ο Κύριος· εγώ ειμι η θύρα· δι᾽ εμού εάν τις εισέλθη, σωθήσεται, και εισελεύσεται και εξελεύσεται, και νομήν ευρήσει. ο κλέπτης ουκ έρχεται ει μή ίνα κλέψη και θύση και απολέση· εγώ ήλθον ίνα ζωήν έχωσι και περισσόν έχωσιν. εγώ ειμι ο ποιμήν ο καλός. ο ποιμήν ο καλός την ψυχήν αυτού τίθησιν υπέρ των προβάτων· ο μισθωτός δε και ουκ ών ποιμήν, ού ουκ εισί τα πρόβατα ίδια, θεωρεί τον λύκον ερχόμενον και αφίησι τα πρόβατα και φεύγει· και ο λύκος αρπάζει αυτά και σκορπίζει τα πρόβατα. ο δε μισθωτός φεύγει, ότι μισθωτός εστι και ου μέλει αυτώ περί των προβάτων. εγώ ειμι ο ποιμήν ο καλός, και γινώσκω τα εμά και γινώσκομαι υπό των εμών, καθώς γινώσκει με ο πατήρ καγώ γινώσκω τον πατέρα, και την ψυχήν μου τίθημι υπέρ των προβάτων. καί άλλα πρόβατα έχω, ά ουκ έστιν εκ της αυλής ταύτης· κακείνά με δεί αγαγείν, και της φωνής μου ακούσουσι, και γενήσεται μία ποίμνη, εις ποιμήν. Ανάγνωσις Επιστολής: Πράξ. 26:1, 12-20 Εν ταις ημεραίς εκείναις, Αγρίππας πρός τον Παύλον έφη, Επιτρέπεταί σοι περί σεαυτού λέγειν. τότε ο Παύλος εκτείνας την χείρα απελογείτο, Εν οίς και πορευόμενος εις την Δαμασκόν μετʼ εξουσίας και επιτροπής της παράN των αρχιερέων, ημέρας μέσης, κατά την οδόν είδον, βασιλεύ, ουρανόθεν υπέρ την λαμπρότητα του ηλίου, περιλάμψαν με φώς και τους σύν εμοί πορευομένους. Πάντων δε καταπεσόντων ημών εις την γήν, ήκουσα φωνήν λαλούσαν πρός με και λέγουσαν τη Εβραΐδι διαλέκτω, Σαούλ, Σαούλ, τί με διώκεις; Σκληρόν σοι πρός κέντρα λακτίζειν. Εγώ δε είπον, Τις εί, κύριε; Ο δε είπεν, Εγώ ειμι Ιησούς όν σύ διώκεις. Αλλά ανάστηθι, και στήθι επί τους πόδας σου· εις τούτο γαρ ώφθην σοι, προχειρίσασθαί σε υπηρέτην και μάρτυρα ών τε είδες ών τε οφθήσομαί σοι, εξαιρούμενός σε εκ του λαού και των εθνών, εις ούς εγώ σε αποστέλλω, ανοίξαι οφθαλμούς αυτών, του υποστρέψαι από σκότους εις φώς και της εξουσίας του Σατανά επί τον θεόν, του λαβείν αυτούς άφεσιν αμαρτιών, και κλήρον εν τοις ηγιασμένοις πίστει τη εις εμέ. Όθεν, βασιλεύ Αγρίππα, ουκ εγενόμην απειθής τη ουρανίω οπτασία· αλλά τοις εν Δαμασκώ πρώτον καίN Ιεροσολύμοις, εις πάσάν τε την χώραν της Ιουδαίας, και τοις έθνεσιν, απαγγέλλων μετανοείν, και επιστρέφειν επί τον θεόν, άξια της μετανοίας έργα πράσσοντας. Ανάγνωσις Ευαγγελίου: Κατά Ιωάννην 10:1-9 Είπεν ο Κύριος πρός τους εληλυθότας πρός αυτόν Ιουδαίους· Αμήν αμήν λέγω υμίν, ο μή εισερχόμενος διά της θύρας εις την αυλήν των προβάτων, αλλά αναβαίνων αλλαχόθεν, εκείνος κλέπτης εστί και ληστής· ο δε εισερχόμενος διά της θύρας ποιμήν εστι των προβάτων. τούτω ο θυρωρός ανοίγει, και τα πρόβατα της φωνής αυτού ακούει, και τα ίδια πρόβατα καλεί κατ᾽ όνομα και εξάγει αυτά. καί όταν τα ίδια πρόβατα εκβάλη, έμπροσθεν αυτών πορεύεται, και τα πρόβατα αυτώ ακολουθεί, ότι οίδασι την φωνήν αυτού· αλλοτρίω δε ου μή ακολουθήσωσιν, αλλά φεύξονται απ᾽ αυτού, ότι ουκ οίδασι των αλλοτρίων την φωνήν. Ταύτην την παροιμίαν είπεν αυτοίς ο ᾿Ιησούς· εκείνοι δε ουκ έγνωσαν τίνα ήν ά ελάλει αυτοίς. Είπεν ούν πάλιν αυτοίς ο ᾿Ιησούς· αμήν αμήν λέγω υμίν ότι εγώ ειμι η θύρα των προβάτων. πάντες όσοι ήλθον πρό εμού, κλέπται εισί και λησταί· αλλ᾽ ουκ ήκουσαν αυτών τα πρόβατα. εγώ ειμι η θύρα· δι᾽ εμού εάν τις εισέλθη, σωθήσεται, και εισελεύσεται και εξελεύσεται, και νομήν ευρήσει.