Κοίμησις Αγίας Άννης, Μητρός της Θεοτόκου

Άγιοι, εορταί, και Αναγνώσεις – Παρασκευή, 25 Ιουλίου 2025
Άγιοι και εορταί: Κοίμησις Αγίας Άννης, Μητρός της Θεοτόκου; Ολυμπιάς Διακόνισσα; Ευπραξία της Ταβέννας; Γρηγόριος, Μητροπολίτος Ηρακλείας του Καλλίδου; Μνήμη Ε Οικουμενικής Συνόδου εν Κωνσταντινοπόλει (553)
Ημέρα Νηστείας (Κατάλυσις οίνου και ελαίου)
Ανάγνωσις Επιστολής: Γαλ. 4:22-27
Αδελφοί, Αβραάμ δύο υιούς έσχεν· ένα εκ της παιδίσκης, και ένα εκ της ελευθέρας. Αλλʼ ο μέν εκ της παιδίσκης κατά σάρκα γεγέννηται, ο δε εκ της ελευθέρας διά της επαγγελίας. Άτινά εστιν αλληγορούμενα· αύται γαρ εισιν δύο διαθήκαι· μία μέν από όρους Σινά, εις δουλείαν γεννώσα, ήτις εστίν Άγαρ. Το γαρ Άγαρ Σινά όρος εστίν εν τη Αραβία, συστοιχεί δε τη νύν Ιερουσαλήμ, δουλεύει δε μετά των τέκνων αυτής. Η δε άνω Ιερουσαλήμ ελευθέρα εστίν, ήτις εστίν μήτηρ πάντων ημών· γέγραπται γάρ, Ευφράνθητι, στείρα, η ου τίκτουσα· ρήξον και βόησον, η ουκ ωδίνουσα· ότι πολλά τα τέκνα της ερήμου μάλλον ή της εχούσης τον άνδρα.
Ανάγνωσις Ευαγγελίου: Κατά Λουκάν 8:16-21
Είπεν ο Κύριος· Ουδείς δε λύχνον άψας καλύπτει αυτόν σκεύει ή υποκάτω κλίνης τίθησιν, αλλ᾿ επί λυχνίας επιτίθησιν, ίνα οι εισπορευόμενοι βλέπωσι το φώς. ου γάρ εστι κρυπτόν ό ου φανερόν γενήσεται, ουδέ απόκρυφον ό ου γνωσθήσεται και εις φανερόν έλθη. βλέπετε ούν πώς ακούετε· ός γαρ εάν έχη, δοθήσεται αυτώ, και ός εάν μή έχη, και ό δοκεί έχειν αρθήσεται απ᾿ αυτού. Παρεγένοντο δε πρός αυτόν η μήτηρ και οι αδελφοί αυτού, και ουκ ηδύναντο συντυχείν αυτώ διά τον όχλον. και απηγγέλη αυτώ λεγόντων· η μήτηρ σου και οι αδελφοί σου εστήκασιν έξω ιδείν σε θέλοντες. ο δε αποκριθείς είπε πρός αυτούς· μήτηρ μου και αδελφοί μου ούτοί εισιν οι τον λόγον του Θεού ακούοντες και ποιούντες αυτόν.