Ιωάννης και Συμεών ο διά Χριστόν Σαλόυ

Άγιοι, εορταί, και Αναγνώσεις – Δευτέρα, 21 Ιουλίου 2025
Άγιοι και εορταί: Ιωάννης και Συμεών ο διά Χριστόν Σαλόυ; Παρθένιος, Επισκόπου Ραδοβυζίων Άρτης
Ανάγνωσις Επιστολής: Α’ Κορινθ. 5:9-13, 6:1-11
Αδελφοί, έγραψα υμίν εν τη επιστολή μή συναναμίγνυσθαι πόρνοις· και ου πάντως τοις πόρνοις του κόσμου τούτου ή τοις πλεονέκταις, ή άρπαξιν, ή ειδωλολάτραις· επεί οφείλετε άρα εκ του κόσμου εξελθείν. Νύν δε έγραψα υμίν μή συναναμίγνυσθαι, εάν τις αδελφός ονομαζόμενος ᾖ πόρνος, ή πλεονέκτης, ή ειδωλολάτρης, ή λοίδορος, ή μέθυσος, ή άρπαξ· τω τοιούτω μηδέ συνεσθίειν. Τί γαρ μοι και τους έξω κρίνειν; Ουχί τους έσω υμείς κρίνετε; Τους δε έξω ο θεός κρινεί. Και εξαρείτε τον πονηρόν εξ υμών αυτών. Τολμά τις υμών, πράγμα έχων πρός τον έτερον, κρίνεσθαι επί των αδίκων, και ουχί επί των αγίων; Ουκ οίδατε ότι οι άγιοι τον κόσμον κρινούσιν; Και ει εν υμίν κρίνεται ο κόσμος, ανάξιοί εστε κριτηρίων ελαχίστων; Ουκ οίδατε ότι αγγέλους κρινούμεν; Μήτι γε βιωτικά; Βιωτικά μέν ούν κριτήρια εάν έχητε, τους εξουθενημένους εν τη εκκλησία, τούτους καθίζετε. Πρός εντροπήν υμίν λέγω. Ούτως ουκ ένι εν υμίν σοφός ουδέ είς, ός δυνήσεται διακρίναι ανά μέσον του αδελφού αυτού, αλλά αδελφός μετά αδελφού κρίνεται, και τούτο επί απίστων; Ήδη μέν ούν όλως ήττημα υμίν εστιν, ότι κρίματα έχετε μεθʼ εαυτών. Διά τί ουχί μάλλον αδικείσθε; Διά τί ουχί μάλλον αποστερείσθε; Αλλά υμείς αδικείτε και αποστερείτε, και ταύτα αδελφούς. Ή ουκ οίδατε ότι άδικοι βασιλείαν θεού ου κληρονομήσουσιν; Μή πλανάσθε· ούτε πόρνοι, ούτε ειδωλολάτραι, ούτε μοιχοί, ούτε μαλακοί, ούτε αρσενοκοίται, ούτε πλεονέκται, ούτε κλέπται, ούτε μέθυσοι, ου λοίδοροι, ουχ άρπαγες, βασιλείαν θεού ου κληρονομήσουσιν. Και ταύτά τινες ήτε· αλλά απελούσασθε, αλλά ηγιάσθητε, αλλʼ εδικαιώθητε εν τω ονόματι του κυρίου Ιησού, και εν τω πνεύματι του θεού ημών.
Ανάγνωσις Ευαγγελίου: Κατά Ματθαίον 13:54-58
Τω καιρώ εκείνω, ελθών εις την πατρίδα αυτού εδίδασκεν αυτούς εν τη συναγωγή αυτών, ώστε εκπλήττεσθαι αυτούς και λέγειν· πόθεν τούτω η σοφία αύτη και αι δυνάμεις; ουχ ούτός εστιν ο του τέκτονος υιός; ουχί η μήτηρ αυτού λέγεται Μαριάμ και οι αδελφοί αυτού ᾿Ιάκωβος και ᾿Ιωσής και Σίμων και ᾿Ιούδας; και αι αδελφαί αυτού ουχί πάσαι πρός ημάς εισι; πόθεν ούν τούτω ταύτα πάντα; και εσκανδαλίζοντο εν αυτώ. ο δε ᾿Ιησούς είπεν αυτοίς· ουκ έστι προφήτης άτιμος ει μή εν τη πατρίδι αυτού και εν τη οικία αυτού. και ουκ εποίησεν εκεί δυνάμεις πολλάς διά την απιστίαν αυτών.