Ιερομάρτυρος Παγκρατίος, Επισκόπου Ταυρομενίας

Άγιοι, εορταί, και Αναγνώσεις – Τετάρτη, 9 Ιουλίου 2025
Άγιοι και εορταί: Ιερομάρτυρος Παγκρατίος, Επισκόπου Ταυρομενίας; Όσιος Διονύσιος του Ῥήτορος; Μητροφάνους, του εν Άθω; Ιερομάρτυρος Μεθόδιος, Επίσκοπος Λαμπης; Πατερμουθίου του ασκήτου; Ευθύμιος της Καρελίας; Μιχαήλ Πακνανάς ο κηπουρός
Αυστηρή Νηστεία
Ανάγνωσις Επιστολής: Ρωμ. 15:7-16
Αδελφοί, προσλαμβάνεσθε αλλήλους, καθώς και ο Χριστός προσελάβετο υμάς, εις δόξαν θεού. Λέγω δέ, Χριστόν Ιησούν διάκονον γεγενήσθαι περιτομής υπέρ αληθείας θεού, εις το βεβαιώσαι τάς επαγγελίας των πατέρων· τα δε έθνη υπέρ ελέους δοξάσαι τον θεόν, καθώς γέγραπται, Διά τούτο εξομολογήσομαί σοι εν έθνεσιν, και τω ονόματί σου ψαλώ. Και πάλιν λέγει, Ευφράνθητε, έθνη, μετά του λαού αυτού. Και πάλιν, Αινείτε τον κύριον πάντα τα έθνη, και επαινέσατε αυτόν πάντες οι λαοί. Και πάλιν Ησαΐας λέγει, Έσται η ρίζα του Ιεσσαί, και ο ανιστάμενος άρχειν εθνών· επʼ αυτώ έθνη ελπιούσιν. Ο δε θεός της ελπίδος πληρώσαι υμάς πάσης χαράς και ειρήνης εν τω πιστεύειν, εις το περισσεύειν υμάς εν τη ελπίδι, εν δυνάμει πνεύματος αγίου. Πέπεισμαι δέ, αδελφοί μου, και αυτός εγώ περί υμών, ότι και αυτοί μεστοί εστε αγαθωσύνης, πεπληρωμένοι πάσης γνώσεως, δυνάμενοι και άλλους νουθετείν. Τολμηρότερον δε έγραψα υμίν, αδελφοί, από μέρους, ως επαναμιμνήσκων υμάς, διά την χάριν την δοθείσάν μοι υπό του θεού, εις το είναί με λειτουργόν Ιησού Χριστού εις τα έθνη, ιερουργούντα το ευαγγέλιον του θεού, ίνα γένηται η προσφορά των εθνών ευπρόσδεκτος, ηγιασμένη εν πνεύματι αγίω.
Ανάγνωσις Ευαγγελίου: Κατά Ματθαίον 12:38-45
Τω καιρώ εκείνω, απεκρίθησάν τινες των γραμματέων και Φαρισαίων λέγοντες· διδάσκαλε, θέλομεν από σού σημείον ιδείν. ο δε αποκριθείς είπεν αυτοίς· γενεά πονηρά και μοιχαλίς σημείον επιζητεί, και σημείον ου δοθήσεται αυτή ειμή το σημείον ᾿Ιωνά του προφήτου. ώσπερ γαρ εγένετο ᾿Ιωνάς ο προφήτης εν τη κοιλία του κήτους τρείς ημέρας και τρείς νύκτας, ούτως έσται και ο υιός του ανθρώπου εν τη καρδία της γής τρείς ημέρας και τρείς νύκτας. άνδρες Νινευίται αναστήσονται εν τη κρίσει μετά της γενεάς ταύτης και κατακρινούσιν αυτήν, ότι μετενόησαν εις το κήρυγμα ᾿Ιωνά, και ιδού πλείον ᾿Ιωνά ώδε. βασίλισσα νότου εγερθήσεται εν τη κρίσει μετά της γενεάς ταύτης και κατακρινεί αυτήν, ότι ήλθεν εκ των περάτων της γής ακούσαι την σοφίαν Σολομώνος, και ιδού πλείον Σολομώνος ώδε. ῞Οταν δε το ακάθαρτον πνεύμα εξέλθη από του ανθρώπου, διέρχεται δι᾿ ανύδρων τόπων ζητούν ανάπαυσιν, και ουχ ευρίσκει. τότε λέγει· εις τον οίκόν μου επιστρέψω όθεν εξήλθον· και ελθόν ευρίσκει σχολάζοντα και σεσαρωμένον και κεκοσμημένον. τότε πορεύεται και παραλαμβάνει μεθ᾿ εαυτού επτά έτερα πνεύματα πονηρότερα εαυτού, και εισελθόντα κατοικεί εκεί, και γίνεται τα έσχατα του ανθρώπου εκείνου χείρονα των πρώτων. ούτως έσται και τη γενεά τη πονηρά ταύτη.