Ιερομάρτυρος και θαυματουργού Υπατίου, Επισκόπου Γαγγρών

Άγιοι, εορταί, και Αναγνώσεις – Δευτέρα, 31 Μαρτίου 2025
Άγιοι και εορταί: Ιερομάρτυρος και θαυματουργού Υπατίου, Επισκόπου Γαγγρών; ο Μάρτυρος Θεόφιλος και οι σύν αυτώ; Μητροπολίτης Ιννοκέντιος της Μόσχας; Ακάκιος Ομολογητής
Αυστηρή Νηστεία
Ανάγνωσις Παλαιᾱς Διαθήκης: Ησαΐας 37:33-38:6
Διά τούτο ούτω λέγει Κύριος επί βασιλέα ᾿Ασσυρίων· ου μή εισέλθη εις την πόλιν ταύτην ουδέ μή βάλη επί αυτήν βέλος ουδέ μή επιβάλη επ᾿ αυτήν θυρεόν, ουδέ μή κυκλώση επ᾿ αυτήν χάρακα, αλλά τη οδώ ή ήλθεν, εν αυτή αποστραφήσεται και εις την πόλιν ταύτην ου μή εισέλθη. τάδε λέγει Κύριος· υπερασπιώ υπέρ της πόλεως ταύτης του σώσαι αυτήν δι᾿ εμέ και διά Δαυίδ τον παίδά μου. Και εξήλθεν άγγελος Κυρίου και ανείλεν εκ της παρεμβολής των ᾿Ασσυρίων εκατόν ογδοηκονταπέντε χιλιάδας, και αναστάντες το πρωΐ εύρον πάντα τα σώματα νεκρά. και απήλθεν αποστραφείς Σενναχηρείμ βασιλεύς ᾿Ασσυρίων, και ᾤκησεν εν Νινευή. και εν τω αυτόν προσκυνείν εν τω οίκω Νασαράχ τον πάτραρχον αυτού, ᾿Αδραμέλεχ και Σαρασάρ οι υιοί αυτού επάταξαν αυτόν μαχαίραις, αυτοί δε διεσώθησαν εις ᾿Αρμενίαν· και εβασίλευσεν ᾿Ασορδάν ο υιός αυτού αντ᾿ αυτού.
᾽Εγένετο δε εν τω καιρώ εκείνω εμαλακίσθη ᾿Εζεκίας έως θανάτου· και ήλθε πρός αυτόν ῾Ησαΐας υιός ᾿Αμώς ο προφήτης και είπε πρός αυτόν· τάδε λέγει Κύριος· τάξαι περί του οίκου σου, αποθνήσκεις γαρ σύ και ου ζήση. και απέστρεψεν ᾿Εζεκίας το πρόσωπον αυτού πρός τον τοίχον και προσηύξατο πρός Κύριον λέγων· μνήσθητι, Κύριε, ως επορεύθην ενώπιόν σου μετά αληθείας, εν καρδία αληθινή, και τα αρεστά ενώπιόν σου εποίησα· και έκλαυσεν ᾿Εζεκίας κλαυθμώ μεγάλω. και εγένετο λόγος Κυρίου πρός ῾Ησαΐαν λέγων· πορεύθητι και ειπόν ᾿Εζεκία· τάδε λέγει Κύριος ο Θεός Δαυίδ του πατρός σου· ήκουσα της προσευχής σου και είδον τα δάκρυά σου. ιδού προστίθημι πρός τον χρόνον σου δεκαπέντε έτη· και εκ χειρός βασιλέως ᾿Ασσυρίων ρύσομαί σε και την πόλιν ταύτην και υπερασπιώ υπέρ της πόλεως ταύτης.
Ανάγνωσις Παλαιᾱς Διαθήκης: Γένεσις 13:12-18
῞Αβραμ δε κατῴκησεν εν γή Χαναάν, Λώτ δε κατῴκησεν εν πόλει των περιχώρων και εσκήνωσεν εν Σοδόμοις· οι δε άνθρωποι οι εν Σοδόμοις πονηροί και αμαρτωλοί εναντίον του Θεού σφόδρα. ῾Ο δε Θεός είπε τω ῞Αβραμ μετά το διαχωρισθήναι τον Λώτ απ᾿ αυτού· ανάβλεψον τοις οφθαλμοίς σου και ίδε από του τόπου, ού νύν σύ εί, πρός βορράν και λίβα και ανατολάς και θάλασσαν· ότι πάσαν την γήν, ήν σύ οράς, σοί δώσω αυτήν και τω σπέρματί σου έως αιώνος. και ποιήσω το σπέρμα σου ως την άμμον της γής· ει δύναταί τις εξαριθμήσαι την άμμον της γής, και το σπέρμα σου εξαριθμηθήσεται. αναστάς διόδευσον την γήν εις τε το μήκος αυτής και εις το πλάτος, ότι σοί δώσω αυτήν και τω σπέρματί σου εις τον αιώνα. και αποσκηνώσας ῞Αβραμ, ελθών κατῴκησε παρά την δρύν την Μαμβρή, ή ήν εν Χεβρώμ, και ᾠκοδόμησεν εκεί θυσιαστήριον τω Κυρίω.
Ανάγνωσις Παλαιᾱς Διαθήκης: Παροιμίαι 14:27-15:4
Πρόσταγμα Κυρίου πηγή ζωής, ποιεί δε εκκλίνειν εκ παγίδος θανάτου. εν πολλώ έθνει δόξα βασιλέως, εν δε εκλείψει λαού συντριβή δυνάστου. μακρόθυμος ανήρ πολύς εν φρονήσει, ο δε ολιγόψυχος ισχυρώς άφρων. πραΰθυμος ανήρ καρδίας ιατρός, σής δε οστέων καρδία αισθητική. ο συκοφαντών πένητα παροξύνει τον ποιήσαντα αυτόν, ο δε τιμών αυτόν ελεεί πτωχόν. εν κακία αυτού απωσθήσεται ασεβής, ο δε πεποιθώς τη εαυτού οσιότητι δίκαιος. εν καρδία αγαθή ανδρός αναπαύσεται σοφία, εν δε καρδία αφρόνων ου διαγινώσκεται. δικαιοσύνη υψοί έθνος, ελασσονούσι δε φυλάς αμαρτίαι. δεκτός βασιλεί υπηρέτης νοήμων, τη δε εαυτού ευστροφία αφαιρείται ατιμίαν. Οργή απόλλυσι και φρονίμους, απόκρισις δε υποπίπτουσα αποστρέφει θυμόν, λόγος δε λυπηρός εγείρει οργάς. γλώσσα σοφών καλά επίσταται, στόμα δε αφρόνων αναγγέλλει κακά. εν παντί τόπω οφθαλμοί Κυρίου, σκοπεύουσι κακούς τε και αγαθούς. ίασις γλώσσης δένδρον ζωής, ο δε συντηρών αυτήν πλησθήσεται πνεύματος.