Θαδδαίος εκ των 70

Άγιοι, εορταί, και Αναγνώσεις – Πέμπτη, 21 Αυγούστου 2025
Άγιοι και εορταί: Θαδδαίος εκ των 70; Βάσσα και τα τέκνα αυτής; Αθανάσιος ο Πατελάρος, Πατριάρχης Κωνσταντινουπόλεως; Μεθεόρτια της Κοιμήσεως
Ανάγνωσις Επιστολής: Β’ Κορινθ. 4:1-12
Αδελφοί, έχοντες την διακονίαν ταύτην, καθώς ηλεήθημεν, ουκ εκκακούμεν· αλλά απειπάμεθα τα κρυπτά της αισχύνης, μή περιπατούντες εν πανουργία μηδέ δολούντες τον λόγον του θεού, αλλά τη φανερώσει της αληθείας συνιστώντες εαυτούς πρός πάσαν συνείδησιν ανθρώπων ενώπιον του θεού. Ει δε και έστιν κεκαλυμμένον το ευαγγέλιον ημών, εν τοις απολλυμένοις εστίν κεκαλυμμένον· εν οίς ο θεός του αιώνος τούτου ετύφλωσεν τα νοήματα των απίστων, εις το μή αυγάσαι αυτοίς τον φωτισμόν του ευαγγελίου της δόξης του Χριστού, ός εστιν εικών του θεού. Ου γαρ εαυτούς κηρύσσομεν, αλλά Χριστόν Ιησούν κύριον· εαυτούς δε δούλους υμών διά Ιησούν. Ότι ο θεός ο ειπών εκ σκότους φώς λάμψαι, ός έλαμψεν εν ταις καρδίαις ημών πρός φωτισμόν της γνώσεως της δόξης του θεού εν προσώπω Ιησού Χριστού. Έχομεν δε τον θησαυρόν τούτον εν οστρακίνοις σκεύεσιν, ίνα η υπερβολή της δυνάμεως ᾖ του θεού, και μή εξ ημών· εν παντί θλιβόμενοι, αλλʼ ου στενοχωρούμενοι· απορούμενοι, αλλʼ ουκ εξαπορούμενοι· διωκόμενοι, αλλʼ ουκ εγκαταλειπόμενοι· καταβαλλόμενοι, αλλʼ ουκ απολλύμενοι· πάντοτε την νέκρωσιν του κυρίου Ιησού εν τω σώματι περιφέροντες, ίνα και η ζωή του Ιησού εν τω σώματι ημών φανερωθή. Αεί γαρ ημείς οι ζώντες εις θάνατον παραδιδόμεθα διά Ιησούν, ίνα και η ζωή του Ιησού φανερωθή εν τη θνητή σαρκί ημών. Ώστε ο μέν θάνατος εν ημίν ενεργείται, η δε ζωή εν υμίν.
Ανάγνωσις Ευαγγελίου: Κατά Μάρκον 3:13-21
Τω καιρώ εκείνω, ανέβη ο Ιησούς εις το όρος, και προσκαλείται ούς ήθελεν αυτός, και απήλθον πρός αυτόν. καί εποίησε δώδεκα, ίνα ώσι μετ᾿ αυτού και ίνα αποστέλλη αυτούς κηρύσσειν καί έχειν εξουσίαν θεραπεύειν τάς νόσους και εκβάλλειν τα δαιμόνια· καί επέθηκεν όνομα τω Σίμωνι Πέτρον, καί ᾿Ιάκωβον τον του Ζεβεδαίου και ᾿Ιωάννην τον αδελφόν του ᾿Ιακώβου· και επέθηκεν αυτοίς ονόματα Βοανεργές, ό εστιν υιοί βροντής· καί ᾿Ανδρέαν και Φίλιππον και Βαρθολομαίον και Ματθαίον και Θωμάν και ᾿Ιάκωβον τον του ᾿Αλφαίου και Θαδδαίον και Σίμωνα τον Κανανίτην καί ᾿Ιούδαν ᾿Ισκαριώτην, ός και παρέδωκεν αυτόν. Και έρχονται εις οίκον· και συνέρχεται πάλιν όχλος, ώστε μή δύνασθαι αυτούς μηδέ άρτον φαγείν. καί ακούσαντες οι παρ᾿ αυτού εξήλθον κρατήσαι αυτόν· έλεγον γαρ ότι εξέστη.