Θ΄ Ματθαίου

Άγιοι, εορταί, και Αναγνώσεις – Κυριακή, 10 Αυγούστου 2025
Άγιοι και εορταί: Θ΄ Ματθαίου; Λαυρέντιος Αρχιδιάκονος; Ξύστος ο εξ Αθηνών; Μαρτύρος Ιππολύτου ; Μεθεόρτια της Μεταμορφώσεως
Ημέρα Νηστείας (Κατάλυσις οίνου και ελαίου)
Ανάγνωσις Ευαγγελίου Όρθρου: Κατά Ιωάννην 20:19-31
Ούσης οψίας τη ημέρα εκείνη τη μιά των σαββάτων, και των θυρών κεκλεισμένων όπου ήσαν οι μαθηταί συνηγμένοι διά τον φόβον των Ιουδαίων, ήλθεν ο Ιησούς και έστη εις το μέσον, και λέγει αυτοίς· Ειρήνη υμίν. Και τούτο ειπών έδειξεν αυτοίς τάς χείρας και την πλευράν αυτού· εχάρησαν ούν οι μαθηταί ιδόντες τον Κύριον. Είπεν ούν αυτοίς ο Ιησούς πάλιν· Ειρήνη υμίν, καθώς απέσταλκέ με ο πατήρ, κᾀγώ πέμπω υμάς. Και τούτο ειπών ενεφύσησε και λέγει αυτοίς· Λάβετε Πνεύμα Άγιον. Άν τινων αφήτε τάς αμαρτίας, αφιένται αυτοίς, άν τινων κρατήτε, κεκράτηνται. Θωμάς δέ, εις εκ των δώδεκα, ο λεγόμενος Δίδυμος, ουκ ήν μετʼ αυτών ότε ήλθεν Ιησούς· έλεγον ούν αυτώ οι άλλοι μαθηταί· Εωράκαμεν τον Κύριον. Ο δε είπεν αυτοίς· Εάν μή ίδω εν ταις χερσίν αυτού τον τύπον των ήλων, και βάλω τον δάκτυλόν μου εις τον τύπον των ήλων, και βάλω την χείρά μου εις την πλευράν αυτού, ου μή πιστεύσω. Και μεθʼ ημέρας οκτώ πάλιν ήσαν έσω οι μαθηταί αυτού, και Θωμάς μετʼ αυτών. Έρχεται ο Ιησούς των θυρών κεκλεισμένων, και έστη εις το μέσον και είπεν· Ειρήνη υμίν. Είτα λέγει τω Θωμά· φέρε τον δάκτυλόν σου ώδε, και ίδε τάς χείράς μου. και φέρε την χείρά σου και βάλε εις την πλευράν μου, και μή γίνου άπιστος αλλά πιστός. Και απεκρίθη ο Θωμάς, και είπεν αυτώ· Ο Κύριός μου και ο Θεός μου. Λέγει αυτώ ο Ιησούς· Ότι εώρακάς με πεπίστευκας, μακάριοι οι μή ιδόντες, και πιστεύσαντες. Πολλά μέν ούν και άλλα σημεία εποίησεν ο Ιησούς ενώπιον των μαθητών αυτού, ά ουκ έστιν γεγραμμένα εν τω βιβλίω τούτω· ταύτα δε γέγραπται ίνα πιστεύσητε ότι ο Ιησούς εστιν ο Χριστός ο υιός του Θεού, και ίνα πιστεύοντες, ζωήν έχητε εν τω ονόματι αυτού.
Ανάγνωσις Επιστολής: Α’ Κορινθ. 3:9-17
Αδελφοί, Θεού γαρ εσμεν συνεργοί· θεού γεώργιον, θεού οικοδομή εστε. Κατά την χάριν του θεού την δοθείσάν μοι, ως σοφός αρχιτέκτων θεμέλιον τέθεικα, άλλος δε εποικοδομεί. Έκαστος δε βλεπέτω πώς εποικοδομεί. Θεμέλιον γαρ άλλον ουδείς δύναται θείναι παρά τον κείμενον, ός εστιν Ιησούς Χριστός. Ει δε τις εποικοδομεί επί τον θεμέλιον τούτον χρυσόν, άργυρον, λίθους τιμίους, ξύλα, χόρτον, καλάμην, εκάστου το έργον φανερόν γενήσεται· η γαρ ημέρα δηλώσει, ότι εν πυρί αποκαλύπτεται· και εκάστου το έργον οποίόν εστιν το πύρ δοκιμάσει. Ει τινος το έργον μένει ό εποικοδόμησεν, μισθόν λήψεται. Ει τινος το έργον κατακαήσεται, ζημιωθήσεται· αυτός δε σωθήσεται, ούτως δε ως διά πυρός. Ουκ οίδατε ότι ναός θεού εστε, και το πνεύμα του θεού οικεί εν υμίν; Ει τις τον ναόν του θεού φθείρει, φθερεί τούτον ο θεός· ο γαρ ναός του θεού άγιός εστιν, οίτινές εστε υμείς.
Ανάγνωσις Ευαγγελίου: Κατά Ματθαίον 14:22-34
Τω καιρώ εκείνω, ηνάγκασεν ο Ιησούς τους μαθητάς εμβήναι εις το πλοίον και προάγειν αυτόν εις το πέραν, έως ού απολύση τους όχλους. Και απολύσας τους όχλους ανέβη εις το όρος κατ᾽ ιδίαν προσεύξασθαι. οψίας δε γενομένης μόνος ήν εκεί. Το δε πλοίον ήδη σταδίους πολλούς από της γής απείχεν, βασανιζόμενον υπό των κυμάτων, ήν γαρ εναντίος ο άνεμος. Τετάρτη δε φυλακή της νυκτός ήλθεν πρός αυτούς περιπατών επί την θάλασσαν. Οι δε μαθηταί ιδόντες αυτόν επί της θαλάσσης περιπατούντα εταράχθησαν λέγοντες ότι Φάντασμά εστιν, και από του φόβου έκραξαν. Ευθύς δε ελάλησεν αυτοίς λέγων, Θαρσείτε, εγώ ειμι· μή φοβείσθε. Αποκριθείς δε αυτώ ο Πέτρος είπεν, Κύριε, ει σύ εί, κέλευσόν με ελθείν πρός σέ επί τα ύδατα· ο δε είπεν, ᾽Ελθέ. και καταβάς από του πλοίου ο Πέτρος περιεπάτησεν επί τα ύδατα και ήλθεν πρός τον ᾽Ιησούν. Βλέπων δε τον άνεμον εφοβήθη, και αρξάμενος καταποντίζεσθαι έκραξεν λέγων, Κύριε, σώσόν με. Ευθέως δε ο ᾽Ιησούς εκτείνας την χείρα επελάβετο αυτού και λέγει αυτώ, ᾽Ολιγόπιστε, εις τί εδίστασας; και αναβάντων αυτών εις το πλοίον εκόπασεν ο άνεμος. Οι δε εν τω πλοίω προσεκύνησαν αυτώ λέγοντες, ᾽Αληθώς Θεού υιός εί. Και διαπεράσαντες ήλθον επί την γήν εις Γεννησαρέτ.