Ενδόξου Αποστόλου και Ευαγγελιστού, επιστηθίου φίλου, ηγαπημένου και παρθένου, Ιωάννου του Θεολόγου· ήτοι, η σύναξις της Αγίας Κόνεως, της εκ­πεμπομένης εκ του τάφου αυτού, ήγουν του μάννα

Άγιοι, εορταί, και Αναγνώσεις – Πέμπτη, 8 Μαίου 2025
Άγιοι και εορταί: Ενδόξου Αποστόλου και Ευαγγελιστού, επιστηθίου φίλου, ηγαπημένου και παρθένου, Ιωάννου του Θεολόγου· ήτοι, η σύναξις της Αγίας Κόνεως, της εκ­πεμπομένης εκ του τάφου αυτού, ήγουν του μάννα; Αρσένιος ο Μέγας
Ανάγνωσις Ευαγγελίου Όρθρου: Κατά Ιωάννην 21:15-25
Τω καιρώ εκείνω, εφανερώθη ο ᾿Ιησούς τοις μαθηταίς αυτού εγερθείς εκ νεκρών. ῞Οτε ούν ηρίστησαν, λέγει τω Σίμωνι Πέτρω ο ᾿Ιησούς· Σίμων ᾿Ιωνά, αγαπάς με πλείον τούτων; λέγει αυτώ· ναί, Κύριε, σύ οίδας ότι φιλώ σε. λέγει αυτώ· βόσκε τα αρνία μου. λέγει αυτώ πάλιν δεύτερον· Σίμων ᾿Ιωνά, αγαπάς με; λέγει αυτώ· ναί, Κύριε, σύ οίδας ότι φιλώ σε. λέγει αυτώ· ποίμαινε τα πρόβατά μου. λέγει αυτώ το τρίτον· Σίμων ᾿Ιωνά, φιλείς με; ελυπήθη ο Πέτρος ότι είπεν αυτώ το τρίτον, φιλείς με, και είπεν αυτώ· Κύριε, σύ πάντα οίδας, σύ γινώσκεις ότι φιλώ σε. λέγει αυτώ ο ᾿Ιησούς· βόσκε τα πρόβατά μου. αμήν αμήν λέγω σοι, ότε ής νεώτερος, εζώννυες σεαυτόν και περιεπάτεις όπου ήθελες· όταν δε γηράσης, εκτενείς τάς χείράς σου, και άλλος σε ζώσει, και οίσει όπου ου θέλεις. τούτο δε είπε σημαίνων ποίω θανάτω δοξάσει τον Θεόν. και τούτο ειπών λέγει αυτώ· ακολούθει μοι.
επιστραφείς δε ο Πέτρος βλέπει τον μαθητήν όν ηγάπα ο ᾿Ιησούς ακολουθούντα, ός και ανέπεσεν εν τω δείπνω επί το στήθος αυτού και είπε· Κύριε, τίς εστιν ο παραδιδούς σε; τούτον ιδών ο Πέτρος λέγει τω ᾿Ιησού· Κύριε, ούτος δε τί; λέγει αυτώ ο ᾿Ιησούς· εάν αυτόν θέλω μένειν έως έρχομαι, τί πρός σέ; σύ ακολούθει μοι. εξήλθεν ούν ο λόγος ούτος εις τους αδελφούς ότι ο μαθητής εκείνος ουκ αποθνήσκει· και ουκ είπεν αυτώ ο ᾿Ιησούς ότι ουκ αποθνήσκει, αλλ᾽ εάν αυτόν θέλω μένειν έως έρχομαι, τί πρός σέ;
Ούτός εστιν ο μαθητής ο μαρτυρών περί τούτων και γράψας ταύτα, και οίδαμεν ότι αληθής εστιν η μαρτυρία αυτού. έστι δε και άλλα πολλά όσα εποίησεν ο ᾿Ιησούς, άτινα εάν γράφηται καθ᾽ έν, ουδέ αυτόν οίμαι τον κόσμον χωρήσαι τα γραφόμενα βιβλία. αμήν.
Ανάγνωσις Επιστολής: Α’ Ιωάν. 1:1-7
Ό ήν απʼ αρχής, ό ακηκόαμεν, ό εωράκαμεν τοις οφθαλμοίς ημών, ό εθεασάμεθα, και αι χείρες ημών εψηλάφησαν περί του λόγου της ζωής. Και η ζωή εφανερώθη, και εωράκαμεν, και μαρτυρούμεν, και απαγγέλλομεν υμίν την ζωήν την αιώνιον, ήτις ήν πρός τον πατέρα, και εφανερώθη ημίν. Ό εωράκαμεν και ακηκόαμεν, απαγγέλλομεν υμίν, ίνα και υμείς κοινωνίαν έχητε μεθʼ ημών· και η κοινωνία δε η ημετέρα μετά του πατρός και μετά του υιού αυτού Ιησού Χριστού· και ταύτα γράφομεν υμίν, ίνα η χαρά ημών ᾖ πεπληρωμένη. Και έστιν αύτη η αγγελία ήν ακηκόαμεν απʼ αυτού και αναγγέλλομεν υμίν, ότι ο θεός φώς εστίν, και σκοτία εν αυτώ ουκ έστιν ουδεμία. Εάν είπωμεν ότι κοινωνίαν έχομεν μετʼ αυτού, και εν τω σκότει περιπατώμεν, ψευδόμεθα, και ου ποιούμεν την αλήθειαν· εάν δε εν τω φωτί περιπατώμεν, ως αυτός εστιν εν τω φωτί, κοινωνίαν έχομεν μετʼ αλλήλων, και το αίμα Ιησού Χριστού του υιού αυτού καθαρίζει ημάς από πάσης αμαρτίας.
Ανάγνωσις Ευαγγελίου: Κατά Ιωάννην 19:25-28, 21:24-25
Eιστήκεισαν δε παρά τω σταυρώ του ᾿Ιησού η μήτηρ αυτού και η αδελφή της μητρός αυτού, Μαρία η του Κλωπά και Μαρία η Μαγδαληνή. ᾿Ιησούς ούν ιδών την μητέρα και τον μαθητήν παρεστώτα όν ηγάπα, λέγει τη μητρί αυτού· γύναι, ίδε ο υιός σου. είτα λέγει τω μαθητή· ιδού η μήτηρ σου. και απ᾽ εκείνης της ώρας έλαβεν ο μαθητής αυτήν εις τα ίδια. Μετά τούτο ειδώς ο ᾿Ιησούς ότι πάντα ήδη τετέλεσται, ίνα τελειωθή η γραφή, λέγει· διψώ. σκεύος ούν έκειτο όξους μεστόν· οι δε πλήσαντες σπόγγον όξους και υσσώπω περιθέντες προσήνεγκαν αυτού τω στόματι. Ούτός εστιν ο μαθητής ο μαρτυρών περί τούτων και γράψας ταύτα, και οίδαμεν ότι αληθής εστιν η μαρτυρία αυτού. έστι δε και άλλα πολλά όσα εποίησεν ο ᾿Ιησούς, άτινα εάν γράφηται καθ᾽ έν, ουδέ αυτόν οίμαι τον κόσμον χωρήσαι τα γραφόμενα βιβλία. αμήν.