Δωρόθεος Επίσκοπος Τύρου

Άγιοι, εορταί, και Αναγνώσεις – Πέμπτη, 5 Ιουνίου 2025
Άγιοι και εορταί: Δωρόθεος Επίσκοπος Τύρου; 10 Μάρτυρες Αιγύπτου; Χριστοφόρος και Κόνων Μαρτύρες Ρώμης
Ανάγνωσις Επιστολής: Πράξ. 25:13-19
Εν ταις ημεραίς εκείναις, Αγρίππας ο βασιλεύς και Βερνίκη κατήντησαν εις Καισάρειαν, ασπασάμενοι τον Φήστον. Ως δε πλείους ημέρας διέτριβεν εκεί, ο Φήστος τω βασιλεί ανέθετο τα κατά τον Παύλον, λέγων, Ανήρ τις εστιν καταλελειμμένος υπό Φήλικος δέσμιος, περί ού, γενομένου μου εις Ιεροσόλυμα, ενεφάνισαν οι αρχιερείς και οι πρεσβύτεροι των Ιουδαίων, αιτούμενοι κατʼ αυτού δίκην. Πρός ούς απεκρίθην, ότι ουκ έστιν έθος Ῥωμαίοις χαρίζεσθαί τινα άνθρωπον ειςN απώλειαν, πρίν ή ο κατηγορούμενος κατά πρόσωπον έχοι τους κατηγόρους, τόπον τε απολογίας λάβοι περί του εγκλήματος. Συνελθόντων ούν αυτών ενθάδε, αναβολήν μηδεμίαν ποιησάμενος, τη εξής καθίσας επί του βήματος, εκέλευσα αχθήναι τον άνδρα· περί ού σταθέντες οι κατήγοροι ουδεμίαν αιτίαν επέφερον ών υπενόουν εγώ, ζητήματα δε τινα περί της ιδίας δεισιδαιμονίας είχον πρός αυτόν, και περί τινος Ιησού τεθνηκότος, όν έφασκεν ο Παύλος ζήν.
Ανάγνωσις Ευαγγελίου: Κατά Ιωάννην 16:23-33
Είπεν ο Κυριος τοις εαυτού μαθηταίς· Αμήν αμήν λέγω υμίν ότι όσα άν αιτήσητε τον πατέρα εν τω ονόματί μου, δώσει υμίν. έως άρτι ουκ ᾐτήσατε ουδέν εν τω ονόματί μου· αιτείτε και λήψεσθε, ίνα η χαρά υμών ᾖ πεπληρωμένη. Ταύτα εν παροιμίαις λελάληκα υμίν· αλλ᾽ έρχεται ώρα ότε ουκέτι εν παροιμίαις λαλήσω υμίν, αλλά παρρησία περί του πατρός αναγγελώ υμίν. εν εκείνη τη ημέρα εν τω ονόματί μου αιτήσεσθε· και ου λέγω υμίν ότι εγώ ερωτήσω τον πατέρα περί υμών· αυτός γαρ ο πατήρ φιλεί υμάς, ότι υμείς εμέ πεφιλήκατε, και πεπιστεύκατε ότι εγώ παρά του Θεού εξήλθον. εξήλθον παρά του πατρός και ελήλυθα εις τον κόσμον· πάλιν αφίημι τον κόσμον και πορεύομαι πρός τον πατέρα. Λέγουσιν αυτώ οι μαθηταί αυτού· ίδε νύν παρρησία λαλείς, και παροιμίαν ουδεμίαν λέγεις. νύν οίδαμεν ότι οίδας πάντα και ου χρείαν έχεις ίνα τις σε ερωτά. εν τούτω πιστεύομεν ότι από Θεού εξήλθες. απεκρίθη αυτοίς ο ᾿Ιησούς· άρτι πιστεύετε· ιδού έρχεται ώρα, και νύν ελήλυθεν, ίνα σκορπισθήτε έκαστος εις τα ίδια και εμέ μόνον αφήτε· και ουκ ειμί μόνος, ότι ο πατήρ μετ᾽ εμού εστι. ταύτα λελάληκα υμίν ίνα εν εμοί ειρήνην έχητε. εν τω κόσμω θλίψιν έξετε· αλλά θαρσείτε, εγώ νενίκηκα τον κόσμον.