Δευτέρα Διακαινήσιμου

Άγιοι, εορταί, και Αναγνώσεις – Δευτέρα, 21 Απριλίου 2025
Άγιοι και εορταί: Δευτέρα Διακαινήσιμου; Ιερομάρτυς Ιανουάριος και οι σύν αυτώ; Μαξιμιανός, Πατριάρχης Κωνσταντινουπόλεως; Θεόδωρος ο Ιερομάρτυς και Φίλιππα; Αλέξανδρα Μάρτυς; Αναστάσιος ο Ομολογητής ο Σιναΐτης;
Κατάλυσις Πάντων
Ανάγνωσις Επιστολής: Πράξ. 1:12-17, 21-26
Εν ταις ημεραίς εκείναις, υπέστρεψαν εις Ιερουσαλήμ από όρους του καλουμένου Ελαιώνος, ό εστιν εγγύς Ιερουσαλήμ, σαββάτου έχον οδόν. Και ότε εισήλθον, ανέβησαν εις το υπερώον ού ήσαν καταμένοντες, ό τε Πέτρος και Ιάκωβος και Ιωάννης και Ανδρέας, Φίλιππος και Θωμάς, Βαρθολομαίος και Ματθαίος, Ιάκωβος Αλφαίου και Σίμων ο Ζηλωτής, και Ιούδας Ιακώβου. Ούτοι πάντες ήσαν προσκαρτερούντες ομοθυμαδόν τη προσευχή και τη δεήσει, σύν γυναιξίν και Μαρία τη μητρί του Ιησού, και σύν τοις αδελφοίς αυτού. Και εν ταις ημέραις ταύταις αναστάς Πέτρος εν μέσω των μαθητών είπεν – ήν τε όχλος ονομάτων επί το αυτό ως εκατόν είκοσι – Άνδρες αδελφοί, έδει πληρωθήναι την γραφήν ταύτην, ήν προείπεν το πνεύμα το άγιον διά στόματος Δαυίδ περί Ιούδα, του γενομένου οδηγού τοις συλλαβούσιν τον Ιησούν. Ότι κατηριθμημένος ήν σύν ημίν, και έλαχεν τον κλήρον της διακονίας ταύτης. Δεί ούν των συνελθόντων ημίν ανδρών εν παντί χρόνω εν ώ εισήλθεν και εξήλθεν εφʼ ημάς ο κύριος Ιησούς, αρξάμενος από του βαπτίσματος Ιωάννου, έως της ημέρας ής ανελήφθη αφʼ ημών, μάρτυρα της αναστάσεως αυτού γενέσθαι σύν ημίν ένα τούτων. Και έστησαν δύο, Ιωσήφ τον καλούμενον Βαρσαβάν, ός επεκλήθη Ιούστος, και Ματθίαν. Και προσευξάμενοι είπον, Σύ κύριε καρδιογνώστα πάντων, ανάδειξον όν εξελέξω, εκ τούτων των δύο ένα λαβείν τον κλήρον της διακονίας ταύτης και αποστολής, εξ ής παρέβη Ιούδας, πορευθήναι εις τον τόπον τον ίδιον. Και έδωκαν κλήρους αυτών, και έπεσεν ο κλήρος επί Ματθίαν, και συγκατεψηφίσθη μετά των ένδεκα αποστόλων.
Ανάγνωσις Ευαγγελίου: Κατά Ιωάννην 1:18-28
Θεόν ουδείς εώρακε πώποτε· ο μονογενής υιός ο ών εις τον κόλπον του πατρός, εκείνος εξηγήσατο.
Και αύτη εστίν η μαρτυρία του Ιωάννου, ότε απέστειλαν οι Ιουδαίοι εξ Ιεροσολύμων ιερείς και Λευΐτας ίνα ερωτήσωσιν αυτόν· Σύ τις εί; Και ωμολόγησε, και ουκ ηρνήσατο· και ωμολόγησεν ότι Ουκ ειμί εγώ ο Χριστός. Και ηρώτησαν αυτόν· Τί ούν; Ηλίας ει σύ; Και λέγει· Ουκ ειμί. Ο προφήτης ει σύ; Και απεκρίθη, Ού. Είπον ούν αυτώ· Τις εί; ίνα απόκρισιν δώμεν τοις πέμψασιν ημάς· τί λέγεις περί σεαυτού; Έφη· Εγώ «φωνή βοώντος εν τη ερήμω, ευθύνατε την οδόν Κυρίου», καθώς είπεν Ησαΐας ο προφήτης.
Και οι απεσταλμένοι ήσαν εκ των Φαρισαίων· καί ηρώτησαν αυτόν και είπον αυτώ· Τί ούν βαπτίζεις, ει σύ ουκ ει ο Χριστός ούτε Ηλίας ούτε ο προφήτης; Απεκρίθη αυτοίς ο Ιωάννης λέγων· Εγώ βαπτίζω εν ύδατι· μέσος δε υμών έστηκεν όν υμείς ουκ οίδατε. Αυτός εστιν ο οπίσω μου ερχόμενος, ός έμπροσθέν μου γέγονεν, ού εγώ ουκ ειμί άξιος ίνα λύσω αυτού τον ιμάντα του υποδήματος. Ταύτα εν Βηθανία εγένετο πέραν του ᾿Ιορδάνου, όπου ήν Ιωάννης βαπτίζων.