Γενέθλιον του Ιωάννου Προδρόμου

Άγιοι, εορταί, και Αναγνώσεις – Τρίτη, 24 Ιουνίου 2025
Άγιοι και εορταί: Γενέθλιον του Ιωάννου Προδρόμου; Ελισάβετ, και Ζαχαρίας; Αθανάσιος ο Πάριος; Νεομάρτυρος Παναγιώτου
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Ευαγγελίου Όρθρου: Κατά Λουκάν 1:24-25, 57-68, 76, 80
Εν ταις ημέραις εκείναις συνέλαβεν ᾿Ελισάβετ η γυνή αυτού, και περιέκρυβεν εαυτήν μήνας πέντε, λέγουσα ότι ούτω μοι πεποίηκεν ο Κύριος εν ημέραις αίς επείδεν αφελείν το όνειδός μου εν ανθρώποις. Τη δε ᾿Ελισάβετ επλήσθη ο χρόνος του τεκείν αυτήν, και εγέννησεν υιόν. και ήκουσαν οι περίοικοι και οι συγγενείς αυτής ότι εμεγάλυνε Κύριος το έλεος αυτού μετ᾿ αυτής, και συνέχαιρον αυτή. Και εγένετο εν τη ογδόη ημέρα ήλθον περιτεμείν το παιδίον, και εκάλουν αυτό επί τω ονόματι του πατρός αυτού Ζαχαρίαν. και αποκριθείσα η μήτηρ αυτού είπεν· ουχί, αλλά κληθήσεται ᾿Ιωάννης. και είπον πρός αυτήν ότι ουδείς εστιν εν τη συγγενεία σου ός καλείται τω ονόματι τούτω· ενένευον δε τω πατρί αυτού το τί άν θέλοι καλείσθαι αυτόν. και αιτήσας πινακίδιον έγραψε λέγων· ᾿Ιωάννης εστί το όνομα αυτού· και εθαύμασαν πάντες. ανεῴχθη δε το στόμα αυτού παραχρήμα και η γλώσσα αυτού, και ελάλει ευλογών τον Θεόν. και εγένετο επί πάντας φόβος τους περιοικούντας αυτούς, και εν όλη τη ορεινή της ᾿Ιουδαίας διελαλείτο πάντα τα ρήματα ταύτα, και έθεντο πάντες οι ακούσαντες εν τη καρδία αυτών λέγοντες· τί άρα το παιδίον τούτο έσται; και χείρ Κυρίου ήν μετ᾿ αυτού. Και Ζαχαρίας ο πατήρ αυτού επλήσθη Πνεύματος ῾Αγίου και προεφήτευσε λέγων· Ευλογητός Κύριος, ο Θεός του ᾿Ισραήλ, ότι επεσκέψατο και εποίησε λύτρωσιν τω λαώ αυτού, Και σύ, παιδίον, προφήτης υψίστου κληθήση· προπορεύση γαρ πρό προσώπου Κυρίου ετοιμάσαι οδούς αυτού, Το δε παιδίον ηύξανε και εκραταιούτο πνεύματι, και ήν εν ταις ερήμοις έως ημέρας αναδείξεως αυτού πρός τον ᾿Ισραήλ.
Ανάγνωσις Επιστολής: Ρωμ. 13:11-14,14:1-4
Αδελφοί, νύν εγγύτερον ημών η σωτηρία ή ότε επιστεύσαμεν. Η νύξ προέκοψεν, η δε ημέρα ήγγικεν· αποθώμεθα ούν τα έργα του σκότους, και ενδυσώμεθα τα όπλα του φωτός. Ως εν ημέρα, ευσχημόνως περιπατήσωμεν, μή κώμοις και μέθαις, μή κοίταις και ασελγείαις, μή έριδι και ζήλω. Αλλʼ ενδύσασθε τον κύριον Ιησούν Χριστόν, και της σαρκός πρόνοιαν μή ποιείσθε, εις επιθυμίας. Τον δε ασθενούντα τη πίστει προσλαμβάνεσθε, μή εις διακρίσεις διαλογισμών. Ός μέν πιστεύει φαγείν πάντα, ο δε ασθενών λάχανα εσθίει. Ο εσθίων τον μή εσθίοντα μή εξουθενείτω, και ο μή εσθίων τον εσθίοντα μή κρινέτω· ο θεός γαρ αυτόν προσελάβετο. Σύ τις ει ο κρίνων αλλότριον οικέτην; Τω ιδίω κυρίω στήκει ή πίπτει. Σταθήσεται δέ· δυνατός γαρ εστιν ο θεός στήσαι αυτόν.
Ανάγνωσις Ευαγγελίου: Λουκ. α’ 1-25, 57-68, 76, 80
Επειδήπερ πολλοί επεχείρησαν ανατάξασθαι διήγησιν περί των πεπληροφορημένων εν ημίν πραγμάτωνκαθώς παρέδοσαν ημίν οι απ’ αρχής αυτόπται και υπηρέται γενόμενοι του λόγου, έδοξε καμοί, παρηκολουθηκότι άνωθεν πάσιν ακριβώς, καθεξής σοι γράψαι, κράτιστε Θεόφιλε, ίνα επιγνώς περί ών κατηχήθης λόγων την ασφάλειαν. Εγένετο εν ταις ημέραις Ηρῴδου του βασιλέως της Ιουδαίας ιερεύς τις ονόματι Ζαχαρίας εξ εφημερίας Αβιά, και η γυνή αυτού εκ των θυγατέρων Ααρών, και το όνομα αυτής Ελισάβετ. ήσαν δε δίκαιοι αμφότεροι ενώπιον του Θεού, πορευόμενοι εν πάσαις ταις εντολαίς και δικαιώμασι του Κυρίου άμεμπτοι. και ουκ ήν αυτοίς τέκνον, καθότι η Ελισάβετ ήν στείρα, και αμφότεροι προβεβηκότες εν ταις ημέραις αυτών ήσαν. Εγένετο δε εν τω ιερατεύειν αυτόν εν τη τάξει της εφημερίας αυτού έναντι του Θεού, κατά το έθος της ιερατείας έλαχε του θυμιάσαι εισελθών εις τον ναόν του Κυρίου· και πάν το πλήθος ήν του λαού προσευχόμενον έξω τη ώρα του θυμιάματος. ώφθη δε αυτώ άγγελος Κυρίου εστώς εκ δεξιών του θυσιαστηρίου του θυμιάματος. και εταράχθη Ζαχαρίας ιδών, και φόβος επέπεσεν επ’ αυτόν. είπε δε πρός αυτόν ο άγγελος· μή φοβού, Ζαχαρία· διότι εισηκούσθη η δέησίς σου, και η γυνή σου Ελισάβετ γεννήσει υιόν σοι, και καλέσεις το όνομα αυτού Ιωάννην· και έσται χαρά σοι και αγαλλίασις, και πολλοί επί τη γεννήσει αυτού χαρήσονται. έσται γαρ μέγας ενώπιον του Κυρίου, και οίνον και σίκερα ου μή πίη και Πνεύματος Αγίου πλησθήσεται έτι εκ κοιλίας μητρός αυτού, και πολλούς των υιών Ισραήλ επιστρέψει επί Κύριον τον Θεόν αυτών· και αυτός προελεύσεται ενώπιον αυτού εν πνεύματι και δυνάμει Ηλιού, επιστρέψαι καρδίας πατέρων επί τέκνα και απειθείς εν φρονήσει δικαίων, ετοιμάσαι Κυρίω λαόν κατεσκευασμένον. και είπε Ζαχαρίας πρός τον άγγελον· κατά τί γνώσομαι τούτο; εγώ γάρ ειμι πρεσβύτης και η γυνή μου προβεβηκυία εν ταις ημέραις αυτής. και αποκριθείς ο άγγελος είπεν αυτώ· εγώ ειμι Γαβριήλ ο παρεστηκώς ενώπιον του Θεού, και απεστάλην λαλήσαι πρός σε και ευαγγελίσασθαί σοι ταύτα. και ιδού έση σιωπών και μή δυνάμενος λαλήσαι άχρι ής ημέρας γένηται ταύτα, ανθ’ ών ουκ επίστευσας τοις λόγοις μου, οίτινες πληρωθήσονται εις τον καιρόν αυτών. και ήν ο λαός προσδοκών τον Ζαχαρίαν, και εθαύμαζον εν τω χρονίζειν αυτόν εν τω ναώ. εξελθών δε ουκ ηδύνατο λαλήσαι αυτοίς, και επέγνωσαν ότι οπτασίαν εώρακεν εν τω ναώ· και αυτός ήν διανεύων αυτοίς, και διέμενε κωφός. και εγένετο ως επλήσθησαν αι ημέραι της λειτουργίας αυτού, απήλθεν εις τον οίκον αυτού.
Μετά δε ταύτας τάς ημέρας συνέλαβεν Ελισάβετ η γυνή αυτού, και περιέκρυβεν εαυτήν μήνας πέντε, λέγουσα ότι ούτω μοι πεποίηκεν ο Κύριος εν ημέραις αίς επείδεν αφελείν το όνειδός μου εν ανθρώποις. Τη δε Ελισάβετ επλήσθη ο χρόνος του τεκείν αυτήν, και εγέννησεν υιόν. και ήκουσαν οι περίοικοι και οι συγγενείς αυτής ότι εμεγάλυνε Κύριος το έλεος αυτού μετ’ αυτής, και συνέχαιρον αυτή. Και εγένετο εν τη ογδόη ημέρα ήλθον περιτεμείν το παιδίον, και εκάλουν αυτό επί τω ονόματι του πατρός αυτού Ζαχαρίαν. και αποκριθείσα η μήτηρ αυτού είπεν· ουχί, αλλά κληθήσεται Ιωάννης. και είπον πρός αυτήν ότι ουδείς εστιν εν τη συγγενεία σου ός καλείται τω ονόματι τούτω· ενένευον δε τω πατρί αυτού το τί άν θέλοι καλείσθαι αυτόν. και αιτήσας πινακίδιον έγραψε λέγων· Ιωάννης εστί το όνομα αυτού· και εθαύμασαν πάντες. ανεῴχθη δε το στόμα αυτού παραχρήμα και η γλώσσα αυτού, και ελάλει ευλογών τον Θεόν. και εγένετο επί πάντας φόβος τους περιοικούντας αυτούς, και εν όλη τη ορεινή της Ιουδαίας διελαλείτο πάντα τα ρήματα ταύτα, και έθεντο πάντες οι ακούσαντες εν τη καρδία αυτών λέγοντες· τί άρα το παιδίον τούτο έσται; και χείρ Κυρίου ήν μετ’ αυτού.
Και Ζαχαρίας ο πατήρ αυτού επλήσθη Πνεύματος Αγίου και προεφήτευσε λέγων· Ευλογητός Κύριος, ο Θεός του Ισραήλ, ότι επεσκέψατο και εποίησε λύτρωσιν τω λαώ αυτού, Και σύ, παιδίον, προφήτης υψίστου κληθήση· προπορεύση γαρ πρό προσώπου Κυρίου ετοιμάσαι οδούς αυτού, του δούναι γνώσιν σωτηρίας τω λαώ αυτού, εν αφέσει αμαρτιών αυτών διά σπλάγχνα ελέους Θεού ημών, εν οίς επεσκέψατο ημάς ανατολή εξ ύψους επιφάναι τοις εν σκότει και σκιά θανάτου καθημένοις, του κατευθύναι τους πόδας ημών εις οδόν ειρήνης. Το δε παιδίον ηύξανε και εκραταιούτο πνεύματι, και ήν εν ταις ερήμοις έως ημέρας αναδείξεως αυτού πρός τον Ισραήλ.