Ανδρόνικος και Ιουνίας

Άγιοι, εορταί, και Αναγνώσεις – Σάββατο, 17 Μαίου 2025
Άγιοι και εορταί: Ανδρόνικος και Ιουνίας; Θεοφάνους και Νεκταρίου, κτητόρων της Ιεράς Μονής Βαρλαάμ Μετεώρων; Νικόλαος ο νέος, ο εν Μετσόβω της Ηπείρου μαρτυρήσαντος; Θεοδότου, Τεκούσης και των συν αυτοίς εν Αγκύρα Παρθένων; Αθανάσιος ο νέος, Επίσκοπος Χριστιανουπόλεως; Νεομάρτυρες Βουλγαρίας
Ανάγνωσις Επιστολής: Πράξ. 12:1-11
Κατ᾿ εκείνον τον καιρόν επέβαλεν ῾Ηρῴδης ο βασιλεύς τάς χείρας κακώσαί τινας των από της εκκλησίας. Ανείλε δε ᾿Ιάκωβον τον αδελφόν ᾿Ιωάννου μαχαίρα. Και ιδών ότι αρεστόν εστι τοις ᾿Ιουδαίοις, προσέθετο συλλαβείν και Πέτρον· ήσαν δε αι ημέραι των αζύμων· όν και πιάσας έθετο εις φυλακήν, παραδούς τέσσαρσι τετραδίοις στρατιωτών φυλάσσειν αυτόν, βουλόμενος μετά το Πάσχα αναγαγείν αυτόν τω λαώ. Ο μέν ούν Πέτρος ετηρείτο εν τη φυλακή· προσευχή δε ήν εκτενής γινομένη υπό της εκκλησίας πρός τον Θεόν υπέρ αυτού. ῞Οτε δε έμελλεν αυτόν προάγειν ο ῾Ηρῴδης, τη νυκτί εκείνη ήν ο Πέτρος κοιμώμενος μεταξύ δύο στρατιωτών δεδεμένος αλύσεσι δυσί, φύλακές τε πρό της θύρας ετήρουν την φυλακήν. Και ιδού άγγελος Κυρίου επέστη και φώς έλαμψεν εν τω οικήματι· πατάξας δε την πλευράν του Πέτρου ήγειρεν αυτόν λέγων· ανάστα εν τάχει. και εξέπεσον αυτού αι αλύσεις εκ των χειρών είπέ τε ο Άγγελος πρός αυτόν· περίζωσαι και υπόδησαι τα σανδάλιά σου. Εποίησε δε ούτω· και λέγει αυτώ· περιβαλού το ιμάτιόν σου και ακολούθει μοι. Και εξελθών ηκολούθει αυτώ, και ουκ ᾔδει ότι αληθές εστι το γινόμενον διά του αγγέλου, εδόκει δε όραμα βλέπειν. Διελθόντες δε πρώτην φυλακήν και δευτέραν ήλθον επί την πύλην την σιδηράν την φέρουσαν εις την πόλιν, ήτις αυτομάτη ηνοίχθη αυτοίς· και εξελθόντες προήλθον ρύμην μίαν· και ευθέως απέστη ο Άγγελος απ᾿ αυτού. Και ο Πέτρος γενόμενος εν εαυτώ είπε· νύν οίδα αληθώς ότι εξαπέστειλε Κύριος τον Άγγελον αυτού και εξείλετό με εκ χειρός ῾Ηρῴδου και πάσης της προσδοκίας του λαού των ᾿Ιουδαίων.
Ανάγνωσις Ευαγγελίου: Κατά Ιωάννην 8:31-42
Είπεν ο Κύριος πρός τους πεπιστευκότας αυτώ Ιουδαίους· Εάν υμείς μείνητε εν τω λόγω τω εμώ, αληθώς μαθηταί μού εστε, καί γνώσεσθε την αλήθειαν, και η αλήθεια ελευθερώσει υμάς. Απεκρίθησαν αυτώ· Σπέρμα Αβραάμ εσμεν και ουδενί δεδουλεύκαμεν πώποτε· πώς σύ λέγεις ότι ελεύθεροι γενήσεσθε; Απεκρίθη αυτοίς ο Ιησούς· Αμήν αμήν λέγω υμίν ότι πάς ο ποιών την αμαρτίαν δούλός εστι της αμαρτίας. Ο δε δούλος ου μένει εν τη οικία εις τον αιώνα· ο υιός μένει εις τον αιώνα. Εάν ούν ο υιός υμάς ελευθερώση, όντως ελεύθεροι έσεσθε. Οίδα ότι σπέρμα Αβραάμ εστε· αλλά ζητείτέ με αποκτείναι, ότι ο λόγος ο εμός ου χωρεί εν υμίν. Εγώ ό εώρακα παρά τω πατρί μου λαλώ· και υμείς ούν ό εωράκατε παρά τω πατρί υμών ποιείτε. Απεκρίθησαν και είπον αυτώ· Ο πατήρ ημών Αβραάμ εστι. Λέγει αυτοίς ο ᾿Ιησούς· Ει τέκνα του Αβραάμ ήτε, τα έργα του Αβραάμ εποιείτε. νύν δε ζητείτέ με αποκτείναι, άνθρωπον ός την αλήθειαν υμίν λελάληκα, ήν ήκουσα παρά του Θεού· τούτο Αβραάμ ουκ εποίησεν. υμείς ποιείτε τα έργα του πατρός υμών. Είπον ούν αυτώ· Ημείς εκ πορνείας ου γεγεννήμεθα· ένα πατέρα έχομεν, τον Θεόν. Είπεν ούν αυτοίς ο Ιησούς· Ει ο Θεός πατήρ υμών ήν, ηγαπάτε άν εμέ· εγώ γαρ εκ του Θεού εξήλθον και ήκω· ουδέ γαρ απ᾽ εμαυτού ελήλυθα, αλλ᾽ εκείνός με απέστειλε.