Ανάργυροι Κοσμάς και Δαμιανός

Άγιοι, εορταί, και Αναγνώσεις – Τρίτη, 1 Ιουλίου 2025
Άγιοι και εορταί: Ανάργυροι Κοσμάς και Δαμιανός; Κωνσταντίνος ο Θαυματουργός; Ααρών και Ιούλιος οι Μάρτυρες; Γερμανός Επίσκοπος
Ανάγνωσις Επιστολής: Α’ Κορινθ. 12:27-31, 13:1-8
Αδελφοί, υμείς δε εστε σώμα Χριστού, και μέλη εκ μέρους. Και ούς μέν έθετο ο θεός εν τη εκκλησία πρώτον αποστόλους, δεύτερον προφήτας, τρίτον διδασκάλους, έπειτα δυνάμεις, είτα χαρίσματα ιαμάτων, αντιλήψεις, κυβερνήσεις, γένη γλωσσών. Μή πάντες απόστολοι; Μή πάντες προφήται; Μή πάντες διδάσκαλοι; Μή πάντες δυνάμεις; Μή πάντες χαρίσματα έχουσιν ιαμάτων; Μή πάντες γλώσσαις λαλούσιν; Μή πάντες διερμηνεύουσιν; Ζηλούτε δε τα χαρίσματα τα κρείττονα. Και έτι καθʼ υπερβολήν οδόν υμίν δείκνυμι. Εάν ταις γλώσσαις των ανθρώπων λαλώ και των αγγέλων, αγάπην δε μή έχω, γέγονα χαλκός ηχών ή κύμβαλον αλαλάζον. Και εάν έχω προφητείαν, και ειδώ τα μυστήρια πάντα και πάσαν την γνώσιν, και εάν έχω πάσαν την πίστιν, ώστε όρη μεθιστάνειν, αγάπην δε μή έχω, ουθέν ειμι. Και εάν ψωμίσω πάντα τα υπάρχοντά μου, και εάν παραδώ το σώμά μου ίνα καυθήσωμαι, αγάπην δε μή έχω, ουδέν ωφελούμαι. Η αγάπη μακροθυμεί, χρηστεύεται· η αγάπη ου ζηλοί· η αγάπη ου περπερεύεται, ου φυσιούται, ουκ ασχημονεί, ου ζητεί τα εαυτής, ου παροξύνεται, ου λογίζεται το κακόν, ου χαίρει επί τη αδικία, συγχαίρει δε τη αληθεία, πάντα στέγει, πάντα πιστεύει, πάντα ελπίζει, πάντα υπομένει. 8 Η αγάπη ουδέποτε εκπίπτει· είτε δε προφητείαι, καταργηθήσονται· είτε γλώσσαι, παύσονται· είτε γνώσις, καταργηθήσεται.
Ανάγνωσις Ευαγγελίου: Κατά Ματθαίον 10:1, 5-8
Τω καιρώ εκείνω, προσκαλεσάμενος τους δώδεκα μαθητάς αυτού έδωκεν αυτοίς εξουσίαν πνευμάτων ακαθάρτων ώστε εκβάλλειν αυτά και θεραπεύειν πάσαν νόσον και πάσαν μαλακίαν. Τούτους τους δώδεκα απέστειλεν ο ᾿Ιησούς παραγγείλας αυτοίς λέγων· εις οδόν εθνών μή απέλθητε και εις πόλιν Σαμαρειτών μή εισέλθητε· πορεύεσθε δε μάλλον πρός τα πρόβατα τα απολωλότα οίκου ᾿Ισραήλ. πορευόμενοι δε κηρύσσετε λέγοντες ότι ήγγικεν η βασιλεία των ουρανών. ασθενούντας θεραπεύετε, λεπρούς καθαρίζετε, νεκρούς εγείρετε, δαιμόνια εκβάλλετε· δωρεάν ελάβετε, δωρεάν δότε.