Αγριππίνη Μάρτυς

Άγιοι, εορταί, και Αναγνώσεις – Δευτέρα, 23 Ιουνίου 2025
Άγιοι και εορταί: Αγριππίνη Μάρτυς; Αριστοκλής, Πρεσβύτερος Μάρτυς; Γεράσιμος Νεομάρτυς; Μᾱρκος, επίσκοπος Εφεσίου; Εθελδρέδα η βασίλισσα
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Επιστολής: Ρωμ. 7:1-14
Αδελφοί, γινώσκουσιν γαρ νόμον λαλώ – ότι ο νόμος κυριεύει του ανθρώπου εφʼ όσον χρόνον ζή; Η γαρ ύπανδρος γυνή τω ζώντι ανδρί δέδεται νόμω· εάν δε αποθάνη ο ανήρ, κατήργηται από του νόμου του ανδρός. Άρα ούν ζώντος του ανδρός μοιχαλίς χρηματίσει, εάν γένηται ανδρί ετέρω· εάν δε αποθάνη ο ανήρ, ελευθέρα εστίν από του νόμου, του μή είναι αυτήν μοιχαλίδα, γενομένην ανδρί ετέρω. Ώστε, αδελφοί μου, και υμείς εθανατώθητε τω νόμω διά του σώματος του Χριστού, εις το γενέσθαι υμάς ετέρω, τω εκ νεκρών εγερθέντι, ίνα καρποφορήσωμεν τω θεώ. Ότε γαρ ήμεν εν τη σαρκί, τα παθήματα των αμαρτιών τα διά του νόμου ενηργείτο εν τοις μέλεσιν ημών εις το καρποφορήσαι τω θανάτω. Νυνί δε κατηργήθημεν από του νόμου, αποθανόντες εν ώ κατειχόμεθα, ώστε δουλεύειν ημάς εν καινότητι πνεύματος, και ου παλαιότητι γράμματος. Τί ούν ερούμεν; Ο νόμος αμαρτία; Μή γένοιτο· αλλά την αμαρτίαν ουκ έγνων, ει μή διά νόμου· την τε γαρ επιθυμίαν ουκ ᾔδειν, ει μή ο νόμος έλεγεν, Ουκ επιθυμήσεις· αφορμήν δε λαβούσα η αμαρτία διά της εντολής κατειργάσατο εν εμοί πάσαν επιθυμίαν· χωρίς γαρ νόμου αμαρτία νεκρά. Εγώ δε έζων χωρίς νόμου ποτέ· ελθούσης δε της εντολής, η αμαρτία ανέζησεν, εγώ δε απέθανον· και ευρέθη μοι η εντολή η εις ζωήν, αύτη εις θάνατον· η γαρ αμαρτία αφορμήν λαβούσα διά της εντολής εξηπάτησέν με, και διʼ αυτής απέκτεινεν. Ώστε ο μέν νόμος άγιος, και η εντολή αγία και δικαία και αγαθή. Το ούν αγαθόν εμοί γέγονεν θάνατος; Μή γένοιτο. Αλλά η αμαρτία, ίνα φανή αμαρτία, διά του αγαθού μοι κατεργαζομένη θάνατον – ίνα γένηται καθʼ υπερβολήν αμαρτωλός η αμαρτία διά της εντολής.
Ανάγνωσις Ευαγγελίου: Κατά Ματθαίον 9:36-38, 10:1-8
Τω καιρώ εκείνω, ᾿Ιδών δε τους όχλους εσπλαγχνίσθη περί αυτών, ότι ήσαν εκλελυμένοι και ερριμμένοι ως πρόβατα μή έχοντα ποιμένα. τότε λέγει τοις μαθηταίς αυτού· ο μέν θερισμός πολύς, οι δε εργάται ολίγοι. δεήθητε ούν του κυρίου του θερισμού όπως εκβάλη εργάτας εις τον θερισμόν αυτού. Και προσκαλεσάμενος τους δώδεκα μαθητάς αυτού έδωκεν αυτοίς εξουσίαν πνευμάτων ακαθάρτων ώστε εκβάλλειν αυτά και θεραπεύειν πάσαν νόσον και πάσαν μαλακίαν. Των δε δώδεκα αποστόλων τα ονόματά εισι ταύτα· πρώτος Σίμων ο λεγόμενος Πέτρος και ᾿Ανδρέας ο αδελφός αυτού, ᾿Ιάκωβος ο του Ζεβεδαίου και ᾿Ιωάννης ο αδελφός αυτού, Φίλιππος και Βαρθολομαίος, Θωμάς και Ματθαίος ο τελώνης, ᾿Ιάκωβος ο του ᾿Αλφαίου και Λεββαίος ο επικληθείς Θαδδαίος, Σίμων ο Κανανίτης και ᾿Ιούδας ο ᾿Ισκαριώτης ο και παραδούς αυτόν. Τούτους τους δώδεκα απέστειλεν ο ᾿Ιησούς παραγγείλας αυτοίς λέγων· εις οδόν εθνών μή απέλθητε και εις πόλιν Σαμαρειτών μή εισέλθητε· πορεύεσθε δε μάλλον πρός τα πρόβατα τα απολωλότα οίκου ᾿Ισραήλ. πορευόμενοι δε κηρύσσετε λέγοντες ότι ήγγικεν η βασιλεία των ουρανών. ασθενούντας θεραπεύετε, λεπρούς καθαρίζετε, νεκρούς εγείρετε, δαιμόνια εκβάλλετε· δωρεάν ελάβετε, δωρεάν δότε.