Α΄ Ματθαίου των Αγίων Πάντων

Άγιοι, εορταί, και Αναγνώσεις – Κυριακή, 15 Ιουνίου 2025
Άγιοι και εορταί: Α΄ Ματθαίου των Αγίων Πάντων; Αμώς, Προφήτης; Όσιος Ιερώνυμος; Αυγούστινος, Επίσκοπος Ιππώνος; Ιερωνύμου; Αποστόλων Αχαϊκού, Στεφανά και Φουρτουνάτου; Ιωνάς του Κίεβ; Λάζαρος Μάρτυς
Ανάγνωσις Ευαγγελίου Όρθρου: Κατά Ματθαίον 28:16-20
Τω καιρώ εκείνω, οι ένδεκα μαθηταί επορεύθησαν εις την Γαλιλαίαν, εις το Όρος, ού ετάξατο αυτοίς ο Ιησούς. Και ιδόντες αυτόν, προσεκύνησαν αυτώ· οι δε εδίστασαν. Και προσελθών ο Ιησούς, ελάλησεν αυτοίς, λέγων· Εδόθη μοι πάσα εξουσία εν ουρανώ και επί της γής. Πορευθέντες ούν, μαθητεύσατε πάντα τα έθνη, βαπτίζοντες αυτούς εις το όνομα του Πατρός, και του Υιού, και του Αγίου Πνεύματος· διδάσκοντες αυτούς τηρείν πάντα όσα ενετειλάμην υμίν. Και ιδού, εγώ μεθ’ υμών ειμι πάσας τάς ημέρας, έως της συντελείας του αιώνος. Αμήν.
Ανάγνωσις Επιστολής: Εβρ. 11:33-40, 12:1-2
Αδελφοί, οι Άγιοι πάντες διά πίστεως κατηγωνίσαντο βασιλείας, ειργάσαντο δικαιοσύνην, επέτυχον επαγγελιών, έφραξαν στόματα λεόντων, έσβεσαν δύναμιν πυρός, έφυγον στόματα μαχαίρας, ενεδυναμώθησαν από ασθενείας, εγενήθησαν ισχυροί εν πολέμω, παρεμβολάς έκλιναν αλλοτρίων. Έλαβον γυναίκες εξ αναστάσεως τους νεκρούς αυτών· άλλοι δε ετυμπανίσθησαν, ου προσδεξάμενοι την απολύτρωσιν, ίνα κρείττονος αναστάσεως τύχωσιν· έτεροι δε εμπαιγμών και μαστίγων πείραν έλαβον, έτι δε δεσμών και φυλακής· ελιθάσθησαν, επρίσθησαν, επειράσθησαν, εν φόνω μαχαίρας απέθανον· περιήλθον εν μηλωταίς, εν αιγείοις δέρμασιν, υστερούμενοι, θλιβόμενοι, κακουχούμενοι – ών ουκ ήν άξιος ο κόσμος – εν ερημίαις πλανώμενοι και όρεσιν και σπηλαίοις και ταις οπαίς της γής. Και ούτοι πάντες, μαρτυρηθέντες διά της πίστεως, ουκ εκομίσαντο την επαγγελίαν, του θεού περί ημών κρείττόν τι προβλεψαμένου, ίνα μή χωρίς ημών τελειωθώσιν. Τοιγαρούν και ημείς, τοσούτον έχοντες περικείμενον ημίν νέφος μαρτύρων, όγκον αποθέμενοι πάντα και την ευπερίστατον αμαρτίαν, διʼ υπομονής τρέχωμεν τον προκείμενον ημίν αγώνα, αφορώντες εις τον της πίστεως αρχηγόν και τελειωτήν Ιησούν.
Ανάγνωσις Ευαγγελίου: Κατά Ματθαίον 10:32-33, 37-38, 19:27-30
Είπεν ο Κυριος τοις εαυτού μαθηταίς· Πάς ούν όστις ομολογήσει εν εμοί έμπροσθεν των ανθρώπων, ομολογήσω καγώ εν αυτώ έμπροσθεν του πατρός μου του εν ουρανοίς. όστις δ᾿ άν αρνήσηταί με έμπροσθεν των ανθρώπων, αρνήσομαι αυτόν καγώ έμπροσθεν του πατρός μου του εν ουρανοίς. ῾Ο φιλών πατέρα ή μητέρα υπέρ εμέ ουκ έστι μου άξιος· και ο φιλών υιόν ή θυγατέρα υπέρ εμέ ουκ έστι μου άξιος· καί ός ου λαμβάνει τον σταυρόν αυτού και ακολουθεί οπίσω μου, ουκ έστι μου άξιος. Τότε αποκριθείς ο Πέτρος είπεν αυτώ· ιδού ημείς αφήκαμεν πάντα και ηκολουθήσαμέν σοι· τί άρα έσται ημίν; ο δε ᾿Ιησούς είπεν αυτοίς· αμήν λέγω υμίν ότι υμείς οι ακολουθήσαντές μοι, εν τη παλιγγενεσία, όταν καθίση ο υιός του ανθρώπου επί θρόνου δόξης αυτού, καθίσεσθε και υμείς επί δώδεκα θρόνους κρίνοντες τάς δώδεκα φυλάς του ᾿Ισραήλ. καί πάς ός αφήκεν οικίας ή αδελφούς ή αδελφάς ή πατέρα ή μητέρα ή γυναίκα ή τέκνα ή αγρούς ένεκεν του ονόματός μου, εκατονταπλασίονα λήψεται και ζωήν αιώνιον κληρονομήσει. Πολλοί δε έσονται πρώτοι έσχατοι και έσχατοι πρώτοι.