Αδριανός και Ναταλία, Μάρτυρες

Άγιοι, εορταί, και Αναγνώσεις – Τρίτη, 26 Αυγούστου 2025
Άγιοι και εορταί: Αδριανός και Ναταλία, Μάρτυρες; Ιωάσαφ Όσιος; Θεοτόκος του Βλαντιμίρ
Ανάγνωσις Επιστολής: Εβρ. 10:32-38
Αδελφοί, αναμιμνῄσκεσθε δε τάς πρότερον ημέρας, εν αίς φωτισθέντες πολλήν άθλησιν υπεμείνατε παθημάτων· τούτο μέν, ονειδισμοίς τε και θλίψεσιν θεατριζόμενοι· τούτο δέ, κοινωνοί των ούτως αναστρεφομένων γενηθέντες. Και γαρ τοις δεσμοίς μου συνεπαθήσατε, και την αρπαγήν των υπαρχόντων υμών μετά χαράς προσεδέξασθε, γινώσκοντες έχειν εαυτοίς κρείττονα ύπαρξιν εν ουρανοίς και μένουσαν. Μή αποβάλητε ούν την παρρησίαν υμών, ήτις έχει μισθαποδοσίαν μεγάλην. Υπομονής γαρ έχετε χρείαν, ίνα το θέλημα του θεού ποιήσαντες κομίσησθε την επαγγελίαν. Έτι γαρ μικρόν όσον όσον, Ο ερχόμενος ήξει, και ου χρονιεί. Ο δε δίκαιος εκ πίστεως ζήσεται· και εάν υποστείληται, ουκ ευδοκεί η ψυχή μου εν αυτώ.
Ανάγνωσις Ευαγγελίου: Κατά Μάρκον 1:16-22
Τω καιρώ εκείνω, περιπατών δε παρά την θάλασσαν της Γαλιλαίας είδε Σίμωνα και ᾿Ανδρέαν τον αδελφόν αυτού του Σίμωνος, βάλλοντας αμφίβληστρον εν τη θαλάσση· ήσαν γαρ αλιείς· και είπεν αυτοίς ο ᾿Ιησούς· δεύτε οπίσω μου, και ποιήσω υμάς γενέσθαι αλιείς ανθρώπων. και ευθέως αφέντες τα δίκτυα αυτών ηκολούθησαν αυτώ. Και προβάς εκείθεν ολίγον είδεν ᾿Ιάκωβον τον του Ζεβεδαίου και ᾿Ιωάννην τον αδελφόν αυτού, και αυτούς εν τω πλοίω καταρτίζοντας τα δίκτυα, και ευθέως εκάλεσεν αυτούς. και αφέντες τον πατέρα αυτών Ζεβεδαίον εν τω πλοίω μετά των μισθωτών απήλθον οπίσω αυτού. Και εισπορεύονται εις Καπερναούμ· και ευθέως τοις σάββασιν εισελθών εις την συναγωγήν εδίδασκε.καί εξεπλήσσοντο επί τη διδαχή αυτού· ήν γαρ διδάσκων αυτούς ως εξουσίαν έχων, και ουχ ως οι γραμματείς.