Η Επάνοδος του σεπτού Λειψάνου του Αγίου ενδόξου Αποστόλου Βαρθολομαίου

Άγιοι, εορταί, και Αναγνώσεις – Δευτέρα, 25 Αυγούστου 2025
Άγιοι και εορταί: Η Επάνοδος του σεπτού Λειψάνου του Αγίου ενδόξου Αποστόλου Βαρθολομαίου; Τίτος εκ των 70; Των εν Αγίοις Πατέρων ημών Μηνά, Επιφανίου, Γενναδίου, του Σχολαρίου και Ιωάννου, Πατριαρχών Κωνσταντινουπόλεως; Ιωάννης ο Καρπάθιος;
Ανάγνωσις Επιστολής: Τίτον 1:1-5, 2:15, 3:1-2, 12-15
Παύλος, δούλος θεού, απόστολος δε Ιησού Χριστού, κατά πίστιν εκλεκτών θεού και επίγνωσιν αληθείας της κατʼ ευσέβειαν, επʼ ελπίδι ζωής αιωνίου, ήν επηγγείλατο ο αψευδής θεός πρό χρόνων αιωνίων, εφανέρωσεν δε καιροίς ιδίοις τον λόγον αυτού εν κηρύγματι ό επιστεύθην εγώ κατʼ επιταγήν του σωτήρος ημών θεού, Τίτω γνησίω τέκνω κατά κοινήν πίστιν· χάρις, έλεος, ειρήνη από θεού πατρός, και κυρίου Ιησού Χριστού του σωτήρος ημών. Τούτου χάριν κατέλιπόν σε εν Κρήτη, ίνα τα λείποντα επιδιορθώση, και καταστήσης κατά πόλιν πρεσβυτέρους, ως εγώ σοι διεταξάμην.Ταύτα λάλει, και παρακάλει, και έλεγχε μετά πάσης επιταγής. Μηδείς σου περιφρονείτω. Υπομίμνησκε αυτούς αρχαίς και εξουσίαις υποτάσσεσθαι, πειθαρχείν, πρός πάν έργον αγαθόν ετοίμους είναι, μηδένα βλασφημείν, αμάχους είναι, επιεικείς, πάσαν ενδεικνυμένους πραότητα πρός πάντας ανθρώπους. Όταν πέμψω Αρτεμάν πρός σε ή Τυχικόν, σπούδασον ελθείν πρός με εις Νικόπολιν· εκεί γαρ κέκρικα παραχειμάσαι. Ζηνάν τον νομικόν και Απολλώ σπουδαίως πρόπεμψον, ίνα μηδέν αυτοίς λείπη. Μανθανέτωσαν δε και οι ημέτεροι καλών έργων προΐστασθαι εις τάς αναγκαίας χρείας, ίνα μή ώσιν άκαρποι. Ασπάζονταί σε οι μετʼ εμού πάντες. Άσπασαι τους φιλούντας ημάς εν πίστει. Η χάρις μετά πάντων υμών. Αμήν.
Ανάγνωσις Ευαγγελίου: Κατά Ματθαίον 5:14-19
Είπεν ο Κυριος τοις εαυτού μαθηταίς· ῾Υμείς εστε το φώς του κόσμου. ου δύναται πόλις κρυβήναι επάνω όρους κειμένη· ουδέ καίουσι λύχνον και τιθέασι αυτόν υπό τον μόδιον, αλλ᾿ επί την λυχνίαν, και λάμπει πάσι τοις εν τη οικία. ούτω λαμψάτω το φώς υμών έμπροσθεν των ανθρώπων, όπως ίδωσιν υμών τα καλά έργα και δοξάσωσι τον πατέρα υμών τον εν τοις ουρανοίς. Μή νομίσητε ότι ήλθον καταλύσαι τον νόμον ή τους προφήτας· ουκ ήλθον καταλύσαι, αλλά πληρώσαι. αμήν γαρ λέγω υμίν, έως άν παρέλθη ο ουρανός και η γή, ιώτα έν ή μία κεραία ου μή παρέλθη από του νόμου έως άν πάντα γένηται. ός εάν ούν λύση μίαν των εντολών τούτων των ελαχίστων και διδάξη ούτω τους ανθρώπους, ελάχιστος κληθήσεται εν τη βασιλεία των ουρανών· ός δ᾿ άν ποιήση και διδάξη, ούτος μέγας κληθήσεται εν τη βασιλεία των ουρανών.