ΙΑ΄ Ματθαίου

Άγιοι, εορταί, και Αναγνώσεις – Κυριακή, 24 Αυγούστου 2025
Άγιοι και εορταί: ΙΑ΄ Ματθαίου; Ευτυχής Ιερομάρτυρος; Κοσμάς ο Αιτωλός; Ανακομιδή ιερού λειψάνου του Διονυσίου επισκόπου Αιγίνης, του εν Ζακύνθω ; Ανακομιδή Τιμίων Λειψάνων Πέτρου Μητροπολίτου Μόσχας
Ανάγνωσις Ευαγγελίου Όρθρου: Κατά Ιωάννην 21:14-25
Τω καιρώ εκείνω, εφανέρωσεν εαυτόν ο Ιησούς τοις μαθηταίς αυτού, εγερθείς εκ νεκρών, και λέγει τω Σίμωνι Πέτρω· Σίμων Ιωνά, αγαπάς με πλέον τούτων; Λέγει αυτώ· Ναί Κύριε, σύ οίδας ότι φιλώ σε. Λέγει αυτώ· Βόσκε τα αρνία μου. Λέγει αυτώ πάλιν δεύτερον· Σίμων Ιωνά αγαπάς με; Λέγει αυτώ· Ναί, Κύριε, σύ οίδας ότι φιλώ σε. Λέγει αυτώ· Ποίμαινε τα πρόβατά μου. Λέγει αυτώ το τρίτον· Σίμων Ιωνά, φιλείς με; ελυπήθη ο Πέτρος, ότι είπεν αυτώ το τρίτον, φιλείς με; Και είπεν αυτώ· Κύριε, σύ πάντα οίδας, σύ γινώσκεις ότι φιλώ σε. Λέγει αυτώ ο Ιησούς. Βόσκε τα πρόβατά μου. Αμήν αμήν λέγω σοι, ότε ής νεώτερος, εζώννυες σεαυτόν, και περιεπάτεις όπου ήθελες, όταν δε γηράσης, εκτενείς τάς χείράς σου, και άλλος σε ζώσει, και οίσει όπου ου θέλεις. Τούτο δε είπε, σημαίνων ποίω θανάτω δοξάσει τον Θεόν. Και τούτο ειπών, λέγει αυτώ· Ακολούθει μοι. Επιστραφείς δε ο Πέτρος βλέπει τον μαθητήν όν ηγάπα ο Ιησούς, ακολουθούντα, ός και ανέπεσεν εν τω δείπνω επί το στήθος αυτού και είπε· Κύριε, τίς εστιν ο παραδιδούς σε; τούτον ιδών ο Πέτρος λέγει τω Ιησού· Κύριε, ούτος δε τί; λέγει αυτώ ο Ιησούς· Εάν αυτόν θέλω μένειν έως έρχομαι, τί πρός σέ; σύ μοι ακολούθει μοι. Εξήλθεν ούν ο λόγος ούτος εις τους αδελφούς. Ότι ο μαθητής εκείνος ουκ αποθνῄσκει, και ουκ είπεν αυτώ ο Ιησούς, ότι ουκ αποθνήσκει· αλλ’ εάν αυτόν θέλω μένειν έως έρχομαι, τί πρός σέ; Ούτός εστιν ο μαθητής ο μαρτυρών περί τούτων, και γράψας ταύτα, και οίδαμεν ότι αληθής εστιν η μαρτυρία αυτού. Έστι δε και άλλα πολλά όσα εποίησεν ο Ιησούς, άτινα εάν γράφηται καθ’ έν, ουδέ αυτόν οίμαι τον κόσμον χωρήσαι τα γραφόμενα βιβλία. Αμήν.
Ανάγνωσις Επιστολής: Α’ Κορινθ. 9:2-12
Αδελφοί, η σφραγίς της εμής αποστολής υμείς εστε εν κυρίω. Η εμή απολογία τοις εμέ ανακρίνουσιν αύτη εστίν. Μή ουκ έχομεν εξουσίαν φαγείν και πιείν; Μή ουκ έχομεν εξουσίαν αδελφήν γυναίκα περιάγειν, ως και οι λοιποί απόστολοι, και οι αδελφοί του κυρίου, και Κηφάς; Ή μόνος εγώ και Βαρνάβας ουκ έχομεν εξουσίαν του μή εργάζεσθαι; Τις στρατεύεται ιδίοις οψωνίοις ποτέ; Τις φυτεύει αμπελώνα, και εκ του καρπού αυτού ουκ εσθίει; Ή τις ποιμαίνει ποίμνην, και εκ του γάλακτος της ποίμνης ουκ εσθίει; Μή κατά άνθρωπον ταύτα λαλώ; Ή ουχί και ο νόμος ταύτα λέγει; Εν γαρ τω Μωϋσέως νόμω γέγραπται, Ου φιμώσεις βούν αλοώντα. Μή των βοών μέλει τω θεώ; Ή διʼ ημάς πάντως λέγει; Διʼ ημάς γαρ εγράφη, ότι επʼ ελπίδι οφείλει ο αροτριών αροτριάν, και ο αλοών της ελπίδος αυτού μετέχειν επʼ ελπίδι. Ει ημείς υμίν τα πνευματικά εσπείραμεν, μέγα ει ημείς υμών τα σαρκικά θερίσομεν; Ει άλλοι της εξουσίας υμών μετέχουσιν, ου μάλλον ημείς; Αλλʼ ουκ εχρησάμεθα τη εξουσία ταύτη, αλλά πάντα στέγομεν, ίνα μή εγκοπήν τινα δώμεν τω ευαγγελίω του Χριστού.
Ανάγνωσις Ευαγγελίου: Κατά Ματθαίον 18:23-35
Είπεν ο Κύριος την παραβολήν ταύτην· Ωμοιώθη η βασιλεία των ουρανών ανθρώπω βασιλεί, ός ηθέλησε συνάραι λόγον μετά των δούλων αυτού. αρξαμένου δε αυτού συναίρειν προσηνέχθη αυτώ εις οφειλέτης μυρίων ταλάντων. μή έχοντος δε αυτού αποδούναι εκέλευσεν αυτόν ο κύριος αυτού πραθήναι και την γυναίκα αυτού και τα τέκνα και πάντα όσα είχε, και αποδοθήναι. πεσών ούν ο δούλος προσεκύνει αυτώ λέγων· κύριε, μακροθύμησον επ᾿ εμοί και πάντα σοι αποδώσω. σπλαγχνισθείς δε ο κύριος του δούλου εκείνου απέλυσεν αυτόν και το δάνειον αφήκεν αυτώ. εξελθών δε ο δούλος εκείνος εύρεν ένα των συνδούλων αυτού, ός ώφειλεν αυτώ εκατόν δηνάρια, και κρατήσας αυτόν έπνιγε λέγων· απόδος μοι ει τι οφείλεις. πεσών ούν ο σύνδουλος αυτού εις τους πόδας αυτού παρεκάλει αυτόν λέγων· μακροθύμησον επ᾿ εμοί και αποδώσω σοι. ο δε ουκ ήθελεν, αλλά απελθών έβαλεν αυτόν εις φυλακήν έως ού αποδώ το οφειλόμενον. ιδόντες δε οι σύνδουλοι αυτού τα γενόμενα ελυπήθησαν σφόδρα, και ελθόντες διεσάφησαν τω κυρίω εαυτών πάντα τα γενόμενα. τότε προσκαλεσάμενος αυτόν ο κύριος αυτού λέγει αυτώ· δούλε πονηρέ, πάσαν την οφειλήν εκείνην αφήκά σοι, επεί παρεκάλεσάς με. ουκ έδει και σέ ελεήσαι τον σύνδουλόν σου, ως και εγώ σε ηλέησα; καί οργισθείς ο κύριος αυτού παρέδωκεν αυτόν τοις βασανισταίς έως ού αποδώ πάν το οφειλόμενον αυτώ. Ούτω και ο πατήρ μου ο επουράνιος ποιήσει υμίν, εάν μή αφήτε έκαστος τω αδελφώ αυτού από των καρδιών υμών τα παραπτώματα αυτών.