Αγαθόνικος Μάρτυς σύν αυτώ

Άγιοι, εορταί, και Αναγνώσεις – Παρασκευή, 22 Αυγούστου 2025
Άγιοι και εορταί: Αγαθόνικος Μάρτυς σύν αυτώ; Ανθούσα Μάρτυς ; Αθανασίου Επισκόπου; Των Αγίων Νεομαρτύρων Μανουήλ και Ιωάννου; Σύναξις Υπεραγίας Θεοτόκου εν τω Πυρσώ της Ευρυτανίας; Μεθεόρτια της Κοιμήσεως
Αυστηρή Νηστεία
Ανάγνωσις Επιστολής: Β’ Κορινθ. 4:13-18
Αδελφοί, έχοντες δε το αυτό πνεύμα της πίστεως, κατά το γεγραμμένον, Επίστευσα, διό ελάλησα, και ημείς πιστεύομεν, διό και λαλούμεν· ειδότες ότι ο εγείρας τον κύριον Ιησούν και ημάς διά Ιησού εγερεί, και παραστήσει σύν υμίν. Τα γαρ πάντα διʼ υμάς, ίνα η χάρις πλεονάσασα διά των πλειόνων την ευχαριστίαν περισσεύση εις την δόξαν του θεού. Διό ουκ εκκακούμεν, αλλʼ ει και ο έξω ημών άνθρωπος διαφθείρεται, αλλʼ ο έσωθεν ανακαινούται ημέρα και ημέρα. Το γαρ παραυτίκα ελαφρόν της θλίψεως ημών καθʼ υπερβολήν εις υπερβολήν αιώνιον βάρος δόξης κατεργάζεται ημίν, μή σκοπούντων ημών τα βλεπόμενα, αλλά τα μή βλεπόμενα· τα γαρ βλεπόμενα πρόσκαιρα· τα δε μή βλεπόμενα αιώνια.
Ανάγνωσις Ευαγγελίου: Κατά Ματθαίον 24:27-33, 42-51
Είπεν ο Κυριος τοις εαυτού μαθηταίς· Ώσπερ γαρ η αστραπή εξέρχεται από ανατολών και φαίνεται έως δυσμών, ούτως έσται και η παρουσία του υιού του ανθρώπου· όπου γαρ εάν ᾖ το πτώμα, εκεί συναχθήσονται οι αετοί. Ευθέως δε μετά την θλίψιν των ημερών εκείνων ο ήλιος σκοτισθήσεταικαί η σελήνη ου δώσει το φέγγος αυτής, και οι αστέρες πεσούνται από του ουρανού, και αι δυνάμεις των ουρανών σαλευθήσονται. και τότε φανήσεται το σημείον του υιού του ανθρώπου εν τω ουρανώ, και τότε κόψονται πάσαι αι φυλαί της γής και όψονται τον υιόν του ανθρώπου ερχόμενον επί των νεφελών του ουρανού μετά δυνάμεως και δόξης πολλής. και αποστελεί τους αγγέλους αυτού μετά σάλπιγγος φωνής μεγάλης, και επισυνάξουσι τους εκλεκτούς αυτού εκ των τεσσάρων ανέμων απ᾿ άκρων ουρανών έως άκρων αυτών. ᾿Από δε της συκής μάθετε την παραβολήν. όταν ήδη ο κλάδος αυτής γένηται απαλός και τα φύλλα εκφύη, γινώσκετε ότι εγγύς το θέρος· ούτω και υμείς όταν ίδητε ταύτα πάντα, γινώσκετε ότι εγγύς εστιν επί θύραις. γρηγορείτε ούν, ότι ουκ οίδατε ποία ώρα ο Κύριος υμών έρχεται. ᾿Εκείνο δε γινώσκετε ότι ει ᾔδει ο οικοδεσπότης ποία φυλακή ο κλέπτης έρχεται, εγρηγόρησεν άν και ουκ άν είασε διορυγήναι την οικίαν αυτού. διά τούτο και υμείς γίνεσθε έτοιμοι, ότι ή ώρα ου δοκείτε ο υιός του ανθρώπου έρχεται.
Τίς άρα εστίν ο πιστός δούλος και φρόνιμος, όν κατέστησεν ο κύριος αυτού επί της θεραπείας αυτού του διδόναι αυτοίς την τροφήν εν καιρώ; μακάριος ο δούλος εκείνος όν ελθών ο κύριος αυτού ευρήσει ποιούντα ούτως. αμήν λέγω υμίν ότι επί πάσι τοις υπάρχουσιν αυτού καταστήσει αυτόν. εάν δε είπη ο κακός δούλος εκείνος εν τη καρδία αυτού, χρονίζει ο κύριός μου ελθείν,καί άρξηται τύπτειν τους συνδούλους αυτού, εσθίη δε και πίνη μετά των μεθυόντων, ήξει ο κύριος του δούλου εκείνου εν ημέρα ή ου προσδοκά και εν ώρα ή ου γινώσκει, και διχοτομήσει αυτόν, και το μέρος αυτού μετά των υποκριτών θήσει· εκεί έσται ο κλαυθμός και ο βρυγμός των οδόντων.