Ι΄ Ματθαίου

Άγιοι, εορταί, και Αναγνώσεις – Κυριακή, 17 Αυγούστου 2025
Άγιοι και εορταί: Ι΄ Ματθαίου; Μύρων Μάρτυς; Στράτων, Φίλιππος, Ευτυχιανός και Κυπριανός; Μεθεόρτια της Κοιμήσεως; Οσιομάρτυρος Δημήτριος ο νέος, ο εκ Σαμαρίνης της Ηπείρου καταγομένου (1808); Παύλος και Ιουλιανή οι Μάρτυρες και οι σύν αυτών Μαρτυρήσαντες (δήμιοι)
Ανάγνωσις Ευαγγελίου Όρθρου: Κατά Ιωάννην 21:1-14
Τω καιρώ εκείνω, εφανέρωσεν εαυτόν ο Ιησούς τοις μαθηταίς αυτού, εγερθείς εκ νεκρών, επί της θαλάσσης της Τιβεριάδος, εφανέρωσε δε ούτως· Ήσαν ομού Σίμων Πέτρος, και Θωμάς ο λεγόμενος Δίδυμος, και Ναθαναήλ ο από Κανά της Γαλιλαίας, και οι του Ζεβεδαίου, και άλλοι εκ των μαθητών αυτού δύο. Λέγει αυτοίς Σίμων Πέτρος· Υπάγω αλιεύειν. Λέγουσιν αυτώ· Ερχόμεθα και ημείς σύν σοί. Εξήλθον και ανέβησαν εις το πλοίον ευθύς, και εν εκείνη τη νυκτί επίασαν ουδέν. Πρωΐας δε ήδη γενομένης έστη ο Ιησούς εις τον αιγιαλόν· ου μέντοι ᾔδεισαν οι μαθηταί ότι Ιησούς εστι. Λέγει ούν αυτοίς ο Ιησούς· Παιδία, μή τι προσφάγιον έχετε; απεκρίθησαν αυτώ· Ού· ο δε είπεν αυτοίς· Βάλετε εις τα δεξιά μέρη του πλοίου το δίκτυον, και ευρήσετε. Έβαλον ούν, και ουκέτι αυτό ελκύσαι ίσχυσαν από του πλήθους των ιχθύων. Λέγει ούν ο μαθητής εκείνος όν ηγάπα ο Ιησούς τω Πέτρω· Ο Κύριός εστι. Σίμων ούν Πέτρος, ακούσας ότι ο Κύριός εστι, τον επενδύτην διεζώσατο – ήν γαρ γυμνός -, και έβαλεν εαυτόν εις την θάλασσαν, οι δε άλλοι μαθηταί τω πλοιαρίω ήλθον – ου γαρ ήσαν μακράν από της γής, αλλ’ ως από πηχών διακοσίων -, σύροντες το δίκτυον των ιχθύων. Ως ούν απέβησαν εις την γήν, βλέπουσιν ανθρακιάν κειμένην και οψάριον επικείμενον, και άρτον. Λέγει αυτοίς ο Ιησούς· Ενέγκατε από των οψαρίων ών επιάσατε νύν. Ανέβη ούν Σίμων Πέτρος, και είλκυσε το δίκτυον επί της γής, μεστόν ιχθύων μεγάλων εκατόν πεντηκοντατριών, και τοσούτων όντων, ουκ εσχίσθη το δίκτυον. Λέγει αυτοίς ο Ιησούς· Δεύτε αριστήσατε. Ουδείς δε ετόλμα των μαθητών εξετάσαι αυτόν. Σύ τίς εί; ειδότες ότι ο Κύριός εστιν. Έρχεται ούν ο Ιησούς, και λαμβάνει τον άρτον, και δίδωσιν αυτοίς, και το οψάριον ομοίως. Τούτο ήδη τρίτον εφανερώθη ο Ιησούς τοις μαθηταίς αυτού, εγερθείς εκ νεκρών.
Ανάγνωσις Επιστολής: Α’ Κορινθ. 4:9-16
Αδελφοί, ο θεός ημάς τους αποστόλους εσχάτους απέδειξεν ως επιθανατίους· ότι θέατρον εγενήθημεν τω κόσμω, και αγγέλοις, και ανθρώποις. Ημείς μωροί διά Χριστόν, υμείς δε φρόνιμοι εν Χριστώ· ημείς ασθενείς, υμείς δε ισχυροί· υμείς ένδοξοι, ημείς δε άτιμοι. Άχρι της άρτι ώρας και πεινώμεν, και διψώμεν, και γυμνητεύομεν, και κολαφιζόμεθα, και αστατούμεν, και κοπιώμεν εργαζόμενοι ταις ιδίαις χερσίν· λοιδορούμενοι ευλογούμεν· διωκόμενοι ανεχόμεθα· βλασφημούμενοι παρακαλούμεν· ως περικαθάρματα του κόσμου εγενήθημεν, πάντων περίψημα έως άρτι. Ουκ εντρέπων υμάς γράφω ταύτα, αλλʼ ως τέκνα μου αγαπητά νουθετώ. Εάν γαρ μυρίους παιδαγωγούς έχητε εν Χριστώ, αλλʼ ου πολλούς πατέρας· εν γαρ Χριστώ Ιησού διά του ευαγγελίου εγώ υμάς εγέννησα. Παρακαλώ ούν υμάς, μιμηταί μου γίνεσθε.
Ανάγνωσις Ευαγγελίου: Κατά Ματθαίον 17:14-23
Τω καιρώ εκείνω, ελθόντων αυτών πρός τον όχλον προσήλθεν αυτώ άνθρωπος γονυπετών αυτόν και λέγων· Κύριε, ελέησόν μου τον υιόν, ότι σεληνιάζεται και κακώς πάσχει· πολλάκις γαρ πίπτει εις το πύρ και πολλάκις εις το ύδωρ. καί προσήνεγκα αυτόν τοις μαθηταίς σου, και ουκ ηδυνήθησαν αυτόν θεραπεύσαι. αποκριθείς δε ο ᾿Ιησούς είπεν· ώ γενεά άπιστος και διεστραμμένη! έως πότε έσομαι μεθ᾿ υμών; έως πότε ανέξομαι υμών; φέρετέ μοι αυτόν ώδε. καί επετίμησεν αυτώ ο ᾿Ιησούς, και εξήλθεν απ᾿ αυτού το δαιμόνιον και εθεραπεύθη ο παίς από της ώρας εκείνης. Τότε προσελθόντες οι μαθηταί τω ᾿Ιησού κατ᾿ ιδίαν είπον· διατί ημείς ουκ ηδυνήθημεν εκβαλείν αυτό; ο δε ᾿Ιησούς είπεν αυτοίς· διά την απιστίαν υμών. αμήν γαρ λέγω υμίν, εάν έχητε πίστιν ως κόκκον σινάπεως, ερείτε τω όρει τούτω, μετάβηθι εντεύθεν εκεί, και μεταβήσεται, και ουδέν αδυνατήσει υμίν. τούτο δε το γένος ουκ εκπορεύεται ει μή εν προσευχή και νηστεία. ᾿Αναστρεφομένων δε αυτών εις την Γαλιλαίαν είπεν αυτοίς ο ᾿Ιησούς· μέλλει ο υιός του ανθρώπου παραδίδοσθαι εις χείρας ανθρώπων καί αποκτενούσιν αυτόν, και τη τρίτη ημέρα εγερθήσεται. και ελυπήθησαν σφόδρα.