Της εξ Εδέσσης ανακομιδής της αχειροποιήτου Εικόνος του Χριστού

Άγιοι, εορταί, και Αναγνώσεις – Σάββατο, 16 Αυγούστου 2025
Άγιοι και εορταί: Της εξ Εδέσσης ανακομιδής της αχειροποιήτου Εικόνος του Χριστού; Διομήδης Μάρτυρος; Τιμόθεος του Ευρίπου; Μοναχός Πεντέλες; Γεράσιμος της Κεφαλληνίας; Οι εν Μεγάροις αθλησάντων έξ Αγίων Μαρτύρων Δωροθέου, Σαράντη, Ιακώβου, Σεραφείμ, Δημητρίου και Βασιλείου; Ιωσήφ του Ησυχαστού; Νικόδημος του Μετέωρα ; Μεθεόρτια της Κοιμήσεως; Νεομάρτυροι Μανουήλ και Ιωάννης; Σταμάτιος ο Μάρτυρας; Απόστολος ο Μάρτυρας ο Νέος
Ανάγνωσις Επιστολής: Α’ Τιμ. 3:13-16, 4:1-5
Τέκνον Τιμόθεε, οι καλώς διακονήσαντες βαθμόν εαυτοίς καλόν περιποιούνται, και πολλήν παρρησίαν εν πίστει τη εν Χριστώ Ιησού. Ταύτά σοι γράφω, ελπίζων ελθείν πρός σέ τάχιον· εάν δε βραδύνω, ίνα ειδής πώς δεί εν οίκω θεού αναστρέφεσθαι, ήτις εστίν εκκλησία θεού ζώντος, στύλος και εδραίωμα της αληθείας. Και ομολογουμένως μέγα εστίν το της ευσεβείας μυστήριον· θεός εφανερώθη εν σαρκί, εδικαιώθη εν πνεύματι, ώφθη αγγέλοις, εκηρύχθη εν έθνεσιν, επιστεύθη εν κόσμω, ανελήφθη εν δόξη. Το δε πνεύμα ρητώς λέγει, ότι εν υστέροις καιροίς αποστήσονταί τινες της πίστεως, προσέχοντες πνεύμασιν πλάνοις και διδασκαλίαις δαιμονίων, εν υποκρίσει ψευδολόγων, κεκαυτηριασμένων την ιδίαν συνείδησιν, κωλυόντων γαμείν, απέχεσθαι βρωμάτων, ά ο θεός έκτισεν εις μετάληψιν μετά ευχαριστίας τοις πιστοίς και επεγνωκόσιν την αλήθειαν. Ότι πάν κτίσμα θεού καλόν, και ουδέν απόβλητον, μετά ευχαριστίας λαμβανόμενον· αγιάζεται γαρ διά λόγου θεού και εντεύξεως.
Ανάγνωσις Ευαγγελίου: Κατά Λουκάν 9:51-57, 10:22-24, 13:22
Τω καιρώ εκείνω, ᾿Εγένετο δε εν τω συμπληρούσθαι τάς ημέρας της αναλήψεως αυτού και αυτός εστήριξε το πρόσωπον αυτού του πορεύεσθαι εις ῾Ιερουσαλήμ, καί απέστειλεν αγγέλους πρό προσώπου αυτού. και πορευθέντες εισήλθον εις κώμην Σαμαρειτών, ώστε ετοιμάσαι αυτώ· καί ουκ εδέξαντο αυτόν, ότι το πρόσωπον αυτού ήν πορευόμενον εις ῾Ιερουσαλήμ. ιδόντες δε οι μαθηταί αυτού ᾿Ιάκωβος και ᾿Ιωάννης είπον· Κύριε, θέλεις είπωμεν πύρ καταβήναι από ουρανού και αναλώσαι αυτούς, ως και ᾿Ηλίας εποίησε; στραφείς δε επετίμησεν αυτοίς και είπεν· ουκ οίδατε ποίου πνεύματός εστε υμείς· ο υιός του ανθρώπου ουκ ήλθε ψυχάς ανθρώπων απολέσαι, αλλά σώσαι. και επορεύθησαν εις ετέραν κώμην. και στραφείς πρός τους μαθητάς είπε· πάντα μοι παρεδόθη υπό του πατρός μου· και ουδείς επιγινώσκει τίς εστιν ο υιός, ει μή ο πατήρ, και τίς εστιν ο πατήρ, ει μή ο υιός και ώ εάν βούληται ο υιός αποκαλύψαι. Και στραφείς πρός τους μαθητάς κατ᾿ ιδίαν είπε· μακάριοι οι οφθαλμοί οι βλέποντες ά βλέπετε. λέγω γαρ υμίν ότι πολλοί προφήται και βασιλείς ηθέλησαν ιδείν ά υμείς βλέπετε, και ουκ είδον, και ακούσαι ά ακούετε, και ουκ ήκουσαν. Και διεπορεύετο κατά πόλεις και κώμας διδάσκων και πορείαν ποιούμενος εις ῾Ιερουσαλήμ.