Καλλίνικος Μάρτυς

Άγιοι, εορταί, και Αναγνώσεις – Τρίτη, 29 Ιουλίου 2025
Άγιοι και εορταί: Καλλίνικος Μάρτυς; Μάρτυρας Θεοδότη και των τέκνων αυτής; Οσίου Κωνσταντίνου Γ` πατριάρχου Κωνσταντινουπόλεως; Ευσεβούς βασιλέως Θεοδοσίου του Μικρού; Θεοδότη ή Παρθένος; Μάρτυς Σεραφίμα; Ολαφ Μάρτυς
Ανάγνωσις Επιστολής: Α’ Κορινθ. 10:5-12
Αδελφοί, ουκ εν τοις πλείοσιν αυτών ευδόκησεν ο θεός· κατεστρώθησαν γαρ εν τη ερήμω. Ταύτα δε τύποι ημών εγενήθησαν, εις το μή είναι ημάς επιθυμητάς κακών, καθώς κακείνοι επεθύμησαν. Μηδέ ειδωλολάτραι γίνεσθε, καθώς τινες αυτών· ώσπερ γέγραπται, Εκάθισεν ο λαός φαγείν και πιείν, και ανέστησαν παίζειν. Μηδέ πορνεύωμεν, καθώς τινες αυτών επόρνευσαν, και έπεσον εν μιά ημέρα είκοσι τρείς χιλιάδες. Μηδέ εκπειράζωμεν τον Χριστόν, καθώς και τινες αυτών επείρασαν, και υπό των όφεων απώλοντο. Μηδέ γογγύζετε, καθώς και τινες αυτών εγόγγυσαν, και απώλοντο υπό του ολοθρευτού. Ταύτα δε πάντα τύποι συνέβαινον εκείνοις· εγράφη δε πρός νουθεσίαν ημών, εις ούς τα τέλη των αιώνων κατήντησεν. Ώστε ο δοκών εστάναι, βλεπέτω μή πέση.
Ανάγνωσις Ευαγγελίου: Κατά Ματθαίον 16:6-12
Είπεν ο Κυριος τοις εαυτού μαθηταίς· ῾Οράτε και προσέχετε από της ζύμης των Φαρισαίων και Σαδδουκαίων. οι δε διελογίζοντο εν εαυτοίς λέγοντες ότι άρτους ουκ ελάβομεν. γνούς δε ο ᾿Ιησούς είπεν αυτοίς· τί διαλογίζεσθε εν εαυτοίς, ολιγόπιστοι, ότι άρτους ουκ ελάβετε; ούπω νοείτε, ουδέ μνημονεύετε τους πέντε άρτους των πεντακισχιλίων και πόσους κοφίνους ελάβετε; ουδέ τους επτά άρτους των τετρακισχιλίων και πόσας σπυρίδας ελάβετε; πώς ου νοείτε, ότι ου περί άρτου είπον υμίν προσέχειν από της ζύμης των Φαρισαίων και Σαδδουκαίων; τότε συνήκαν ότι ουκ είπε προσέχειν από της ζύμης του άρτου, αλλ᾿ από της διδαχής των Φαρισαίων και Σαδδουκαίων.